ماهو صحيح القلب للقلـب شاهـد=لو هو صحيح اصبحت مفتون فيني
بيني و بينك حب من قلـب واحـد=ليته يجيك من الهوى مـا يجينـي
و ليتك تعرف الشوق لي صار واجد=و ليتك تعرف أوجاع كثر الحنيـن
ما قد شكيت الحر و الجـو بـارد=ولا سهرت بليـل طـول السنيـن
ولا مشيت العمـر و الحـظ قاعـد=ولا تحديـت الألــم و الونـيـن
أضحك و انا لجروح الاحباب جاحد=أداري المكنـون عـن كـل عيـن
ماودي أفرح علـى القلـب حاسـد=والا عذابـي فـي عيونـي يبيـن
شئ يهون و شـئ بالحيـل كايـد=يا كود تجريـح الخفـوق الحزيـن
من عانـده وقتـه و قلبـه يعانـد=مالت بـه الدنيـا يسـار و يميـن
غرتني أمثـال العـرب بالشواهـد=يبيك قلبي و احسـب أنـك تبينـي

لا تسولف ترى ليل المفارق طويـل=كل كلمه على بالـك فبالـي طـرت
شوف عيني وتلقى للمحبـه دليـل ..=مير نفسي لتقليب المواجـع ضـرت
طوّل الصمت وأربكت الشعور الجميل=قلت اببعد مدام ان الجروح أكثـرت
خل دمعك يسولف للوداع ويسيـل ..=والا انا دمعتي طاحت وهي ما درت