لحظه .. دقيقه .. قبل منَـك توآدعنـي=بقولَـك جملـة ٍ(ن) وإفهـم معانيـهـآ
دنيآي من غاب عنها .. خير وش يعني؟=اما انت لآ غبت عنها مـن بقـآ فيهـا؟
نآظر عيونـي ثوانـي وانـت تسمعنـي=واقرا حروف العتب والحـزن كاسيهـآ
طعني وخل الجفا يا صاحبـي ..طعنـي=واذكر سنيـن المحبـه .. مـع ليآليهـآ
واذكر غرآم ٍ(ن) عليه الوقـت يمنعنـي=وتصارع الوقت روحي .. لجل غآليهـآ
لآجيت ابزعل خفوقـي مـا يطآوعنـي=و لآجيت تزعل .. عيونك جيت اراضيهآ
يآكيف تبري جروحـي .. ثـم تطعنـي=ويآكيف توفي وعودك .. وانت ناسيهـآ
وياكيف يقوى خفوقـك .. يبتعـد عنـي=الله يستـر مـن .. الفـرقـا وتاليـهـآ
لآ صرت مآشي .. طلبتـك لآ تودعنـي=اخاف مـن عبـرةٍ .. بآنـت موآريهـآ

المسأله لوهـي علـى ضيقـة الخلـق=هوّنتهـا وآقـول : ضيقـة دقايـق !!
المسألـه عبـره سجينـه بهالحـلـق=ترقى دموع وترجع.. لـصدر ضايق !!

ان جيت للحبّ ودقاق الحبّ فـي قلبـي جـلال=عزالله ان الحـبّ كاتـب لـه بقلبـي مانشيـت
( ياما احتريت ) إوصال من ذكره غدى كنّه وصال=والظاهر انّي ببطي امعلّق على ( ياما احتريـت ) .!
وين أنت .؟ مجرّد سؤال , وتملك أجوبة السـؤال=قعدت أدوّر له جـواب إيفيدنـي يـوم إنتحيـت
خليتني : لدموع عين , وفري قلب , وبري حـال=وسرّيتني معْ ذكرياتٍ كلّ ماأسريها .؟ غديـت .!
لكن تبي العلـم الوكـاد إسمعْـه ياسمـح القبـال=أبختصر كلّ العلوم اللّي ( على ) بالـي ف/ بيـت
لوّ كلّ غالي لاهجرني ترجعه كلمـة : ( تعـال )=والله لصوّت له بصوتٍ تسمعه كـلّ الكويـت .!

الزمـان قصيـر .. والدنيـا تـدور=كل يوم يضيق فـى عينـى مـداري
صاحبى محتاج لك شعر .. وشعـور=وإحتياجى شـى ماكـان إختيـاري
من متـى والغصـن يختـار الطيـور=من متى والبـال يختـار الطـواري
لاتسمـى صمتـى البـارح (غـرور)=انكساري خلف هالصّمت متـواري
فى غياب الشمس وش ذنب الزهور؟؟=والمطر لاشح وش ذنب الصحاري ؟؟
اللقا لحظـات .. والغيبـه شهـور=تقصر الخطوات .. ويطول إنتظـاري
لو قريت المنكتب وسـط السطـور=ماكتبت لغلطـة العمـر إعتـذاري
صمت هالمينا مثل صمـت القبـور=مارسى مركب .. ولا لاحت صواري