أجيه وأدري لو أجـي مالقيتـه
لكن كذا أرتاح لاجيـت ماضيـه
والله لا اموت وغايتي مانسيتـه
حتى بصلاتي اطلـب الله يهنيـه
الحاره اللى تفتخـر فـي مبيتـه
نامت كما طفلٍ فقد حضن اهاليـه
حتى في غيابه للشوارع شكيتـه
قالت تصدق عاد مثلك انا اغليـه
يشهد جداره من حنينـي بكيتـه
ودي أضم جدار بيته وأنا ابكيـه
ياما بصدق أحساس قلبي عطيته
وياما خذاني من التعب بين اياديه
أذكر في ذاك اليوم مـره لقيتـه
يبكي وضايق ياصاحبي من لياليه
جيته بدون شعور لهفـه خذيتـه
وساعه أنا وياه جالس اواسيـه
وشرد خيالي من دموعه نسيتـه
جالس أفكر في دموعه وناسيـه
أثـره يناظـر دمعتـي مارأيتـه
قام وسألني ليش تبكي وأنا فيـه
مسح دموعي ياصاحبي واحتويته
مثل الغريب اللى تضمه غواليـه
واليوم انا والدمع وجـدار بيتـه
نسترجع الذكرى قبـل لا يخليـه

قصه وابيات اعجبتني


فنقلتها هنا
قصة حب مع شوية ابيات حزينه.... كان فيه شخص إسمه خالد كان وسيم وعنده سياره فخمه
وكانت فيه بنت جاره تحبه مره إسمها أمل ودايم تمدحه قدام أخواته وتقول عنه
أحلى شباب الرياض ومافيه مثله
المهم دخل خالد كلية الطب وبعد أمل دخلت الطب
ومستمرين على حبهم وكان يقول أبيات يتغزل فيها
يقول:
الفرق بين الديم وبين دمعي ..... هو إن دمعي لك والديم للناس
أغليكي وأحلف لك بربي وربك ..... وأفخر بحبك ياأمل وأرفع الراس
لكن بعد ثلاث سنوات صار لخالد حادث
هو دخل العنايه المركزه وسيارته راحت
ورقد في المستشفى سنتين
يوم طلع يوم أمل توها متخرجه
وراح وكمل دراسته وبعد شهر سمع إن أمل إنخطبت ووافقت
وعرسها في العطله فقعد يصيح ويهدونه أهله لكنه مو راضي يهدأ
إلين ما أعطوه مسكن وبالغصب نام
يوم صحى بنص الليل قعد يبكي وفاضت قريحته بهذه الأبيات الحزينه :
إسمحي لي ياأمل في كلمتين = كلمتين أبقولها قبل الرحيل
بكرا تنسيني وبغيري تلتقين = لكن أنساكي أنا شيء مستحيل
ياأمل في داخلي جرح دفين = ماأقدر أرقد لا بنهار ولابليل
ياأمل سموني بعدك بالحزين = أمشي وأبكي ياأمل كني هبيل
ياأمل تعبت من كثر الأنين = أشكي من همي ومن ليلي الطويل
ياأمل وشفيه قلبك مايلين = شعري ذا لويسمعه صخر_ن_ يسيل
ليش صديتي وقمتي تبعدين = وين قولك أول إن مالي مثيل
****************
حقيقه قصه ابكتني وواقع مرير واصعب شي على الانسان ان يفقد شخص عزيز وغالي ولكن كل شي بقدر ومااحد ياخذ الي نصيبه من الدنيا

آول حـبيبن آليآ زعـلت آرٍآضيك / وآليوم حـُبكـٍ غـدآ تـغليد يـًآبـًآنـَي