|
.
أمـشـي وأقـول لـطـريـقـي لاتـوديـنـي لـعـيـون نـاس تـبـي تـدري عـن الـخـافـي أمـانـتك .. خـلـها مـابـيـنك وبـيـنـي خـابـرك يـالـدرب خـوة عـمــر وسـنافــي مـاودي الـنـاس تـدري وش يـبـكـيـنـي كـرامـة الـنـفـس ورث أبـوي وأســـلافــي . . |
.
ياليل ما اذكر في حياتي تمنيت مثل ابتسامه تنتشل قلب منصاب مليت ورب البيت ياليل مليت من الجروح اللي تجيني بلا اسباب ياليل قلي بدنيتي ويش سويت حتى الهموم بداخلي تفتح ابواب ياليل انا لاشفت ماعفت صديت اقفي ولو خلفي كثيرين الاصحاب |
لضاق صدري بزعجك واتصل فيك=والله يعينك كل مضاق صدري لاتسئليني لاتقولين وش فيك=يابنت انا عن حالي اليوم مدري خليني اسلاء واتسلاء وسليك=يمكن عسى الضيقه مع الوقت تسري صبحكم الله بالخير :) |
لضاق صدري وتاه من الغثا بالـي=والارض ضاقت وضاقت بي مناكبها :)نصيت لي مرقبٍ في صحصحٍ خالي=في راس رجمٍ تصافق بي هبايبهـا بارضٍ خلا خاليه ماحولك الوالـي=بس الذيابه تعاوي فـي مراقبهـا جلست في مرقبي ابكي على حالـي=من حرةٍ بالحشـا زادت لواهبهـا وقامت تكسر بصدري عبرة الجالي=اللي قبـل يتِقـي لـد لمضاربهـا وقمت اتفكـر بوقتـي اول وتالـي=وشلون عقب الصفا شانت مشاربها طاوعت ثنتين والثنتيـن غربالـي=استاهل اللي حصل لي من مصايبها يامن يوصـل (.....) مرسالـي=انا على العهد احارب من تحاربهـا لغبت عني تكدر خاطـري السالـي=لغابت الشمـس ماتنفـع كواكبهـا دامك وليفي ورب البيـت مابالـي=اضرب على الكايده ماني بهايبهـا يالله طلبتك ودمع العيـن همالـي=اغفر ذنوبي قبل تِنشـب مخالبهـا |
.
كل مافاضت عيوني باشت الاضلاع غنّى ..........................الموارد فالضلوع وكل ضلعٍ فيـه ونّـه والمناوي ماتحقق هقوة القلب إن تمنّـى .....................بس قلبي مايداني تبعـد الهقـوات منّـه , |
.
قالو حزين وقلت ياقـل الاونـاس قالو عوافي قلـت مامـن عوافـي قالو نشوفك ضايق البال منحـاس قلت الخبر والعلـم بيُـن وخافـي قالو عساك مجار مايلحقـك بـاس قلت احمـد الله ماعليـه اخلافـي الا ان بالي فيه ضيقـه وعومـاس ولا احدٍ من اصدوف الزمان امتعافي |
وش حيلة اللي زاد همه وعله .......حتى مكن بداخل القلب همين همٍ جمع من دمع عينه وهله .......وهمٍ فتق جروح روحه بسكين |
.
يضيــــع الشــــــارع بـــ صمتـــي وخــطواتــي بــلا ،، ع ـــنوان .. !! أدور عن رصيـــــــــف ينــتشــــــل من صــدري .. " السكيـ ــــ ـــن " . |
في كل يوم أكتب فالأيميل بيتين ..... وأنا أدري إنّك تارك النت كلّه؟
|
.
ياوقت ياللي منحني كنك القوس ........... من سبتك شوف المعاليق يباس |
| الساعة الآن 03:53 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
