بنــــت وقنــــوعه والحـــلا محتـــوينــي =وعنـــدي ثقـــه بالنفـــس محــدن وصلهــا
عقلــن وثقلــن كــن عمــري سنينـــي=وطيبــه وعـــزة نفـــس محــدن جهلهــا. .

لو دارت الأيام واستاحش الوقـت=مانيب ناسي في خفى القلب غالين
إن جت طواريهم على البال روَقت=لو إنهم عن وصل الأصحاب سالين

ميت منك وميـت فيـك وميـت عليـك=والحياة القـرب منـك والفرقـى هـلاك
وأنت لا ترحم ولا توصل ولا يوصل إليك=وأنا ذابحني القلق مابين أربك أو عسـاك

أتوب وشلون عن حُبك وغلاك بداخلي شايب ..؟=أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايـب ..=أنا من وين ما أطالع , أشوفك إنت كل الناس !!

الليل باله طويل .. وما توقعته =يرمي علي المواجع في ربع ساعة
من يوم ما اسدل ظلامه وجّه اشرعته=على مواني التعب والضيق واوجاعه
يا ليل : يا كثر همٍ بك تجرّعته =والقلب مستسلمٍ بالسمع والطاعة
يا ليل : لي صاحبٍ من يوم ودعته=والعمر متوقفٍ من لحظة وداعه
سلمته العمر .. شاله داخل امتعته=واقفى وخلى لي الحرمان بانواعه
لا الوقت جابه .. ولا الأحلام رجعته=والصبر يلوي ذراعي والوي ذراعه
مخنوق واللي بقى من هالصبر بعته=ولا ادري إذا صاحبي .. كثر الغلا باعه
يا كثر للحب ما اغريته وشجعته=لين اصبح الحب ينبض داخل اضلاعه
ويا كثر للوصل ما حاولت واقنعته=وبعد اقتناعه يغيب وعذره اوضاعه !
ويا كثر بالحب ما جاني ودلعته =أطرب لصوته وشعري يطرب اسماعه
كان بيدي بس مدري كيف ضيّعته=وضيّعت عمري معه والوقت شمّاعة !!
غيابه الموت .. لكن ما توقعته =يبخل على صاحبه في رفع سماعه