لاتنشغل فينـي انـا بحالـي ادرى
قلبن تعلق فيك ينسى مـع الوقـت
اكثر من اللي صارلي ويش يجـرى
بين الرجا والياس شفنـي تعلقـت
مثلي ولو شوفته عن همومه ازرى
ماقال ليتك فـي جروحـه ترفقـت
هاك القصايـد لاتضايقـت واقـرى
شف وش كثر فيها لضحكاتك اشتقت
اثر الوفا ينبـاع عنـدك ويشـرى
ماكنت اصدق فيه واليـوم صدقـت
يامشتهي فرقـا المواليـف حـذرى
تبعد وانا من سكرة الحـب مافقـت
لاطافت الفرصه تحريـت الاخـرى
وتروح ما كنـي عليهـا تشوقـت
ساري لو ان الليـل مافيـه قمـرى
اشيل من حمل الهوى فوق ماطقـت
لاصار حظ اقشـر والايـام قشـرى
مافيه احد عاقل يلومك ليـا ضقـت
صحيح بعض الناس فرقـاه بشـرى
وبعض البشر لاغاب ليله تضايقـت

مشتاقلك يأمل شوق له الشوق يشتاق
شوق يشيب الشيب من حر شوقه
مشتاقلك فيني من الجمـر حـــراق
ومع زود نار الجمر شوقي يفوقــــه
ولو ينشرح شوقي على كافر فــاق
ومن ظلمته يرحل ويصحى خفـوقه
ومشتاقلك ياهاجري والصدر ضــاق

للضيق مع صـدري حنيـن ومواعيـد
يرجع علـي مابيـن ساعـه وساعـه


حتى إمتلى صـدري قصيـد وتناهيـد
ياضــيـق تقفى وين الاقي شفاعه ؟

مليت .. من دنيا الغرابيل يـا هيـه
. . . . . . .مليت .. من وقت الشقا و الشتاتـي
لا تسألوني كيف وشلون أو .. ليـه
. . . . . . .مدري عيوب الحظ .. و الا رداتـي
يا برنس يا باشا و ياشيخ يـا بيـه
. . . . . . . يا حظي النايم .. و طـوق النجاتـي
متى تقوم تشوف قلبـي و مـا فيـه
. . . . . .الحزن راس المال .. و آخر وصاتي .

كان ودك ماتزيد الصـدر ضيقـه
لا تسمـع للدعـاوي والشكـاوي
وش يهمك وش صديق من صديقه
مامشالك بالمحاسـن والمسـاوي
رافق اللي فاهـم واجـب رفيقـه
لانخيته جاوبـك راعـي نخـاوي