|
|
. طرى على خاطري اشيـاء ماتطـري هو ليه ماحد بكى فـي ليلـة وداعـي ابكي لأن الوجع ماهوب مـن كبـري موجوع لان البكا اصغر من اوجاعـي . |
ياليت الهنا بيدي وأطوق صاحبي بأفراح=وأخلي هالعمر روعه على قلبه وأحلامه أبيه يكون مستاااانس وباله دايم مرتاح=من قلبي أبي له الخير و تسلم كل أيامه |
من رحل عني وانا احس بـ صداع !
وكل ما اتذكره / فيني يزيد ‘ بس يا رأسي .. ترآه إنسآن باع .. انت توجعِنيٍ وهـوِ عآيشِ س ـعيد !! |
مشيت لاجلك على كل ممنوع =========== مدري جنون الحب ولا شجاعــــــــه
|
ياضيق الانسان لامن صار محتاج=وياحظ الانسان لا من صار ميسور اوجيهنا شاحبه والضحك مكيـاج=وعبراتنا عالقه في مشـة الـزور لو ينزل الدمع ماسبب لي احـراج=لا صرت متضايقه فالدمع معـذور يالله يالله يالـي منـك الافــراج=تلطف بعبدك الا من جاك مكسـور |
صعبه اعيش ايام عمري بلياك = وانت الحياة بدون شوفك كآبه تعال خذني لاخر حدود دنياك =مليت اقاسي من زماني عذابه !! حاولت لكن ما تحملت فرقاك = بـُـعدك عذاب وفي حضورك مهابه !! للشوق فيني شي لا ماعتقد جاك=حوّل حياتي للملل والرتابه أوقات اشوف ان الغلا ما تعداك = واحيان احس ان الهوى للغلابه !! بين المحال وبين خافي نواياك =حار السؤال ولا لقيت الاجابة !! كانك تقول هموم وقتك تقفاك = وش حيلة اللي صار همه زهابه يطرد سرابك في متاهات رجواك =نفس الطريق اللي مشيته مشابه قلب ٍ يحبك كيف يسلا وينساك = ماللفضاء لو شفت دونك رحابه خليتني عايش على حد الادراك = مثل الجريح اللي تمادى صوابه ماحد ٍ ملأ عيني من الناس لولاك=في غيبتك كل الاوادم تشابه هذا الشعور اللي من اقصاي ينخاك = يبي القليل وما عطيته رضابه كل القصايد داخلي همها ارضاك =حبك مدادي لا بغيت الكتابه أجيك كلي يوم كلي فداياك =كلش يهون الا الحبيب وغيابه رد الوفاء والحب للي تمناك =قفـّـى العمر واحلى ليالي شبابه جتك المشاعر مالها غير شرواك =دامك ملكت الروح وين الغرابه .. !! |
البخل ماهو ببخل المال لا شح المدد=البخل باللي تكاثر ضحكةٍ من مبسمه والجبان اسوأ صوَره الذل والأسوأ بعد=قذف عرض المحصنه يالله لاتبري دمه والأدب ماهو رزانة قاف للي به نشد=كم وكم شاعر يخالف مايدونه اقلمه ما سلمت ولا سلم غيري ولو انه جحد=اغلب الشعار تخطي والخطا فينا سمه رحمتك يامن ملكت الكون وإلهمني الرشد=دام يغويني الشعر وأغويه لاجيت انظمه ودام بي فيض المعاني كثر طفاح الزبد=الخطا وارد وانا عبدك ولا أقدر أعصمه |
|
صح بدنج ..
وين الذي يافـي بقولـه ليـا قـال=وين الصديق اللي على العهد باقـي لو كل من سمـي برجـال رجـال=درب المراجل بالرياجيـل ضاقـي مير المراجل ورث وحظوظ وافعال=عزي لمنهـو عـن طلبهـا يعاقـي والبعض ياغير الاسامـي والازوال=الله يقطـع كـل سـلـكٍ دقـاقـي الحر مايرضى المهونـه والاذلال=وقولة ضعيـف ملازمـه للمعاقـي |
| الساعة الآن 10:12 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
