اهداء لجزاع بن كويعب :)

ليتنا كل خمس شهور نطلع باجازه= والمعاشات تمشي والاجازه مديه
سعد من طاف ابو سمره وخرّج جوازه=مطلعينه من التخريج والشمس حيه
فوق بنز جديد تو ورد طرازه=مشترينه بكد ذراع والا هديه
والدريول يسوقه عارفن امتيازه=مابقلبه لصنع الجرمني مرحميه
والحساء لو نمره ما لنا فيه عازه=كل منا على الممشا يشجع خويه
ماحلا حدر ضوح الشمس لمعة قزازه=يصفق الميل بالتسعين من فوق ميه
ناحر لي حبيب خز قلبي خزازه=الله اللي سخرني له وسخرّه ليه

قوم اليا جيتها صكـت حواجبهـا=وأبدت لي البغض في مقفاي واقبالي
وقوم اليا جيتهـا رفـت شواربهـا=بالضحك وقلوبها فيها الردا كالـي
والروح وش عذرها في ترك واجبها=راح الحسب والنسب في جمع الاموال
المال يحيي رجال لاحيـاة ابهـا=كا السيل يحيي الهشيم الدمدم البالي

شكواك للى ما يثمن كلامك=دمعة يتيمٍ من عيونه ذرفها
وإذا أحترمت الناس زاد أحترامك=والناس عز إنفوسها من شرفها

الطيب ما نستكثره من هـل الطيـب=اللي لهم في ماكـر الطيـب خبـره
أوسع على الاجواد من روضة أشعيب=واضيق على الانذال من ثقب اللإبره