خل العذر يا موجـع الليـل بالنـاي=ليلـك عجـل والسالفـه سرمديـه
أطول من الضيقات وأبعد من إبكـاي=وإشد من صد الخوي عـن خويـه
يا ما ذكرت الوقت والوقـت نسـاي=يا ما قتلت الـروح والـروح حيـه
وأنا بطبعي ،، ما تناقلـت شكـواي=على صـدر غيـري بقـت داخليـه
تكبر وتكبر مثلهـا ضحكـة شفـاي=ويردد إللي مـا درى ،،، يـا هنيـه
وأنت ،، إذا شقيت بغلطتك هاتها جاي=إغلط على كيفك ،، وإترك العذر ليه
أنا إللي أسف وأعتذر عن سوايـاي=أسف على غلطتك ،، وأسف عليـه
الذنـب ذنبـي والخطايـا خطايـاي=وإلا أنت ما جا منك ذنـب وخطيـه
ذنبي وعذري بالهوى طيـب مبـداي=ضحيت لجلك ( لين صرت الضحيه )

ياصاحبي طالبك خلنَي بــ حـآلي=ما أبي "أضيــّــق خاطرك" وأنت مرتاح
ياصاحبي وإن غبت عنك " ليالي " =غلاك باقي بــ الحنايا ولا راح
تبي أسولف لك ،، وش إللي جرالي ؟؟=أخاف يمسح قولنا الصبـــح لا لاح
أجل تعال أجلس هنيـّـا قبــالي=دام الحطب طاح وكثير العتب طاح
لو كل شخص إليا عطيته وفالي=ماكان بــ الدنيا حزن ليل وجراح
ولو كل غالي قدّر إحساس غالي=ماشفت ذاك الدمع من محجره ســاح
ولو كل قلب من الحسد جاك خالي =مايشتكي من شحّ الأمطار فــــلاّح
ولو كل واحد جاك طبعه مثـــالي=ماكان بــ الدنيا سجن ناس وإصلاح
ولولا الذنوب إللي بـ كبر الجبالي=ماكان جيش الكفر لــ بلادنا إجتـــاح
ولو الردي يعرف وش معنى عيالي=ماقطّ ( أبوه ) بـــ دار الآلآم يـــــــا صاح
هذا بعض حزن السنين التوالي=طير الحزن مبطي على خافقي ناح
ما أقول إن الخير ماله مجالي=لآ والذي يفلق من الليل الإصبــــاح
لكن هنا ،، بعض الألم ياحلالي=وأنا أدري إن العود يوم أحترق فاح
أول أقول إني صبور وشمالي =واليوم ،،، لآ والله أنفجر سدّي وبـــاح
ماقلت لك ياذيب خلّني بـ حالي =هذا أنت ضقت ،،، وأذكرك جيت مرتاح

من طيب ذاتي معك ،،، خاشرتك أحزانك=وإلا أنت ،،، ما شلت من حزني ولا حاجه

اشتقت لك والحظ لا مني اشتقت = جابك ثواني وأبعدك خمسة إشهور