|
الله حسيبــك والله اللي يجازيـك ,,,
السلام عليكم ورحمه الله وبركاته ارجو ان تقبلوني عضوه جديده بينكم وابي ارائكم لاول مره اكتب قصيده وهذي مشااعر خاصه فيني وابي مشادتكم فيها ... من غيبتك جسمي غدا جلد وعظام ** الله حسيبك والله اللي يجازيك** بنيت جرحن في خفوقي من اعوام ** وهدمت صرح الود والعشق بيديك** لاتحسب ان جرحك بتمسحه الايام ** ولاتحسب اني من تغليك اخليك ** انا علشانك تسجبي الاحلام ** لاول مكانن يوم اشوفك والاقيك ** قسمت حبك في معاليقي اقسام ** وخليتني لاذي ولاذي ولاذيك ** كن الضلوع لمزبن جروحك خيام ** وكن الجفون عن الخلايق تغطيك ** وعن وصل غيرك يالقضي خافقي حام ** ولازال قلبي مندفع لك وباغيك ** قلبي متـــيم بك وهايم بك هيام ** خل الفراق وعود لشوف مغـــليك ** ترا الفراق احر من دمع الايتام ** وترا الوصل حالي خذا من تحليك ** فضحتني مابين اهلنا والاسلام ** مع كل هذا يابو.((فلانه )) اداريــك ** كثرت عذاريبي وغدا القلب منضام ** واسكت ودمعي فوق خدي يناجيك ** وترا زمانك لوصفا يوم مادام ** وترا غرورك للأسيه يوديك ** وبتشوف خفوقك ممتلي هم والام ** وترا العيون بمافعلته توريــك ** خذاك سوء الظن وظنونك اوهام ** ماتدري ظنونك على وين ترميك ** كثروا علي اعداي حاسد ولوام ** لاقلت زان الوقت شان بتغليك ** ارحم قليبن يسهر الليل مانام ** لرضاك شف تسهر عيونه تناجيك ** وكني سجينن ينتظر يوم الاعدام ** وكني عليلن والدوا منك وفيـك ** يالله ياقاضي نفـذ بالاحكـــــــــــام ** احكم علي بماتريده وترضيه ** كان الطــــلاق الحل احكم بالاعدام*** وان كنت تبي ترجع رجع قلب يغليك**وسلامتكم ،،، ولا احلل اي شخص ينقل القصيده او ينتسبها له |
غلا الصمان
ياهلا ومرحبا فيك وحياك الله في منتدى الجبلان ونورتينا وقصيدتك رائعه وصح لسانك وتقبلي مروري مع التحية |
صصصصصصح السانج
ولاهنتي وانا اجيزج وفالج المليون |
يعطيكم الف الف عافيه عالمرور اخواني ويسعدني الرد والله
|
ياهلا ومرحبا ومسهلا بغلا الصمانــ نورتيـ المنتدى منتديات الجبلان>>>شرابة الهواى>>>سارقتها من الديكور اللي فوق المهم: يسلموووووووووووووو ع القصيده الروعه بروعتك ياغلا الصمانـ تحياتيـ رم ريمووو رم |
والجفن كنه لك لحافً يغطيك
وبتشوف قلبك ممتلي هم والام يالله ياقاضي تنفذ بالاحكام وكانك تبي ترجع رجع قلب يغليك قصيدة جدا جزلة ومؤثرة ومعبرة اما ماكتبته اعلى هذا التعليق هو مارأيته للأفضل انتي شاعرة لاغبار عليك صح لسانك واستمري على هذا الابداع. |
انا علشانك تسجبي الاحلام **
لاول مكانن يوم اشوفك والاقيك ** قسمت حبك في معاليقي اقسام ** وخليتني لاذي ولاذي ولاذيك ** كن الضلوع لمزبن جروحك خيام ** وكن الجفون عن الخلايق تغطيك ** صح لسانج وحياج الله في منتدى الجبلان ما بين ربعج وبني عمج تقبلي مني مروري |
غــلا الصــمان
ما شاء الله عليج وصح السانج علي هالقصيده واقول ربي يكتب لج اللي فيه الخير يارب ومنورتنا اكيد بتواجدج بينا ,,, |
الله يعز مقداركم انشالله اول مره اشارك واسعدني ردودكم واقبل التعليق بصدر رحب واشكر الجميع غلا الصمان |
صح لسانك يالشاعره
وصدق بعيد الهقاوي لاغبار عليك ماشالله واستمري على ابداعك على قولته تحياتي بن معرقب |
| الساعة الآن 09:45 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
