|
.. ديـوان الـشاعر / فهد الطـوير
ديـوان الـشاعر / فهـد سـعود الطـوير ( مستقبل مطيـر ) .. كـاملاً .. ارجوا الاستمتاع بالقصايد الذهب .. نبدأ ( بسم الله الرحمن الرحيم ) وليف الـروح .. على فرقا وليف الروح هل الدمع يا ثامـر وانا مدري عيوني كيف تجرء تنثر الدمعه صبرت اقول يا ثامر يجي باجر يجي باجر نهار السبت واعدني يجي في ليلة الجمعـه وجاني يطلب الفرقا وانا في عينه اناظـر على هونك ترا يا صاحبي ما تنفع السرعه وخلاني وانا اردد مثل بين العـرب دايـر مصير الحي يتلاقا ويمكن ينـوي الرجعـه على ذكراه بقضى العمر يا ثامر وانا ناطر مدام ان العمر شمعه بعدها تطفي الشمعـه في منقية الشـيخ / صاهود ابن لامـي .. الصفر والله وصفر صاهود ابن لامـي إلـي عليهـن بأيمـن الخـد ماريـه المغزل الي خطـه المسيـم الحامـي فرقابهـن تلقـاه رايــه سمـاويـه تلاديـن مـؤروثً عبـر العـوامـي ماهي بمشره مـن حـراج الشريطيـه الـي مماشيهـا يـهـدن الاقـدامـي أمـن السطـر فيهـا ثلاثيـن جنيـه تطوي بياد الارض و أطراف الايامـي ما ضيقـة صـدر المعـزب وهنديـه وألي ذكرهن بين الاجواد مـا ضامـي من زينهـا سمـت قلـوبً حسوديـه والابل لها عند الرياجيـل الاحشامـي قـدر ومعـزه مـا تغيـره الألفـيـه والله ذكرهـا فـي كتابـه والحكامـي أشكالهـا قــوه وقــدره ألأهـيـه والبانها تشبع وتروي ضمـا الضامـي وفي عبسها تعطيك وصفـه علاجيـه وفي وقتنا الماضي قبل عصر الاسلامي مـن دونهـا خيـال قـومً و رجليـه لا صاح صياح الوغا والرمك حامـي مـن دونهـا يـا مـن روحً فداويـه الطوير والعجايـز .. ما حسبنا حساب نيات العجايـز كل شين ما عجبهـن مـا يبنـا أتومر فـي مذاهبهـن غرايـز لو تعـد الحـق فوقـك يقلبنـا لو بغيت الشي قالو منت حايـز عقب شغل البيت لا تجهد معنـا ما تعبهن غير لوفـات الحفايـز كـل دكانـن موظفـه اعرفنـا مشتراهن الف في سحب الجوايز مير حتى العقـد والله مربحنـا لو صرف رجالهن ماهو بجايز يأخذن الفلس غصب ويجمعنـا (كل عودن في جنان الخلد فايز من سبايبهن غدى قلبـه معنـأا) تطري على بالي وانا في ركوعي .. حتى الصلاه الي بها الناس تخشـع تطري على بالي وانا في ركوعي تطري وعيني عقب فرقاك تدمـع لين المصلي يبتلي مـن دموعـي ما كد طرالي في هوا الحب بخضع الا بعد لقيـاك بعلـن خضوعـي الي بغيته صـار طالبـك ترجـع ارجع وخلك ساكنن في ضلوعـي قدلك ثلاث اشهور ترجع وتقطـع وظاهر انك ما نويـت الرجوعـي ابطيت في وصلك ولا عـاد ينفـع الا علـى ذكـرك ببقـا قنوعـي على أمل شوفتك وارضاك بسجـع وافرج اهمومي لا هـي طبوعـي وان ما رجعت اصيح والناس تسمع اني بعـد فرقـك جفـت دموعـي صاحبي وان ماكان .. صاحبي وان كان نسته الليالـي عشرتلـه والله اني ما نسيته لو حال الوقـت دونـه كيف ابا انسى واحدن قضيت وقتي معه كله زاد حبه وسط قلبي كل ما سلهـم عيونـه جمع اشواقي رصيد وصار في قلبي محله وكل ليله غاب فيه تدفـع ااشوقـه ديونـه عسكر الماضي وطاري ذكرياتي مستحلـه كن ما فالبال غيره والطـاوري يذكرونـه كل ما قلط بقلبـي جيـت رجـواي بدلـه دوك فنجال امنياتي لو كثيـر الـي يبونـه وا عذاب الي غلا قلبه ورحه مـا وصلـه كل ما جاله مجال الوقت يبرزلـه سنونـه لكن ابا اوصفه والي يعرفـه بيتـي يدلـه ومن عجز يا اهل الوفى يرفع عليه تيلفونه لو تنشد في وصوفه تشهد انجومن مطلـه يزعلون البدر لكن الغـلا مـا يزعلونـه ما بغيت ونعم .. قولت ونعميـن لـي فيهـا طماعـه والمراجل كـأس وأعلـن بالتحـدي ما بغيت ونعم من طيـب الجماعـه ولا بغيت ونعم من صـولات جـدي الولد لا صار فيـه امـن الشجاعـه يرقب المرقاب فـي رجلـه يعـدي ( مثلي ) الي لا بغا سمعاً وطاعـه أقـدح البـارود وشبـه( بزنـدي) ولا دخلني من سواد الليـل راعـه مـا عليـه دامنـي ذيبـاً و أقـدي البـلا بالـي كسـر وقتـه ذراعـه من ظروف الوقت شايم و متـردي أفتح أذنك و أستمعلي نصف ساعـه الزمـن قبلـك عليـه قـام ضـدي فالزمن ما ينفعـك صبـر و قناعـه القناعـه و الصبـر باحـو بسـدي العمـر قـارب وهقواتـك شراعـه و الليالـي مـوج لا يمكـن يهـدي و المراجل بحر و الوقفـات باعـه كل وقفه باع لـو أنـك ( تعـدي ) غوص بحر المرجله و أضرب بقاعه و الليالَ احظوظها جـزراً و مـدي العمـر لحظـات و الدنيـا متاعـه لا تذل أمن الزمن ( ما جاك عندي ) مبناء التنميه .. كل ما دقيت ابا صارحج بالـي حصـل هاتفج مغلق وخـارج نطـاق التغطيـه وكل ما ناظرت رقمج على الشاشه أتصل ما قدرت اكلمـج والسبـب زود الحيـا والمسج منج يبعثـر حياتـي لا وصـل لا فتحته كنـي أفتـح حـزام التضحيـه حبـك بقلبـي تقـدم وسجـل وأنقـبـل وحطله مبنـاء وسمـاه مبنـاء التنميـه وش طبيعة شغل حبـك بقلبـي والعمـل اني احبـك بـلا مصلحـه او توصيـه ماني من اول من خسرله حبيبه .. كانك على الفرقآ تجهزت واجزمت ماني من اول من خسرله حبيبـه روح فمان الله منـك انـا شمـت بالعون ماهي في حياتي مصيبـه حظي واعرفه لا توفقتك وأقدمـت يرجع عليه عكس ماهي غريبـه حظي كذا ما فادني لـو تندمـت حسبي على حظي وربي حسيبـه لكنً لحضه يا الغلا لـو تكرمـت عندي طلب وارجوك لا تلتهيبـه روح ليامن شفتني بالغضب همت قلبي واعرفه فيـه عـزآ وهيبـه وكاني برمح الشوق طحت وتألمت أجهز على قلبي ولا ارض الغليبه أي كذا جدي يقول .. عسـكـر الـفـكـر وحـشــد.... والـوعـد قـــدم الـوعــد...... يــا قصـيـدي وش بـعــد..... مــن طـواريــق وبـحــور.. مـــا يعـسـرنـي لــحــن.. دامـنـي شـاعــر خـبـيـر.... واضفي البير يوم البير ماضفاه غطاه... راسـيـن مـثــل الـجـبـل..... فـاتـل ونـاقــض حـبــل.... مــا يرقـصـنـي طـبــل.... واحـكـم الـراسـي السـديـد..... وأكــرم الـكـف الـكـريـم..... وردع الـكــف الـبـخـيـل..... وأجزي الطيب لهل الطيب وارقالهـا.. أي كــذا جــدي يـقــول..... لا تـــزوزي بـالـحـمـول.... لــو يضـيـعـن الـحـلـول..... والـرحـى دايـــم يـــدور..... يطحـنـك دايـــم طـحــن..... لــو تـشـيـر وتستـشـيـر..... من طبوع الزمن يجرح ويصنع دواه.. وأنـطـح الـذلــه شـجـيـع.... وأنـطــح الـقــوه مـنـيـع.... وأنـطـح الـراكـد سـريــع.... وأنـطـح الـشــده عـنـيـد.... وأنـطـح الـجـاهـل عـلـيـم.... وأنـطـح القـاصـر طـويــل.... هي كذا نفتل ونقض مـن احبالهـا.. لــو نعـيـد إلــي مـضـى.... الـزمـان إلـــي قـضــى.... كـان حـظـك مــا حـظـى.... مـارضـى يـومـه صـبـور.... صــاح بـعـد انــه فـطـن.... مـا رضـى بـالـي يصـيـر.... يوم شفاف العرب تسلك دروب البداوه.. الـكـرم فـرضــه وسـنــه.... والشجـاعـه غـصـب عـنـه.... وأن لـفـاه الـمـوت غـنــه.... يــوم مـوتـه يــوم عـيـد.... وان نـخـى بـسـم الـحـريـم.... يشـهـر السـيـف الصـقـيـل.... ثـم قطـة عباهـا ويـن خيالهـا.. عـزوتـي يـــا عـزوتــي.... مـــن يـحـقـق هـقـوتـي.... يـبـشـر انـــه مـنـوتـي.... الأبــاعــر لا تــبـــور.... والـعـلــم روح الــبــدن.... تـالــي الـهـيـا مـصـيـر.... يا سكنه تراب الارض معها السمواه.. هـي كــذا رمــز السـمـواه.... هــو كــذا سـلـم الـبـداوه.... مــا نقضـيـهـا فـضــاوه.... لا نـعـيــد ولا نــزيـــد.... وأنـضـحـنــا بـسـلـيــم.... ويـن تـبـرك يــا شعـيـل.... ما يشيل الحمول الا سـوا جمالهـا.. هــا الـزمـن راح وســـره.... مـا تــرك نـصـف ثـمـره.... كــود جـرحـن مــا بــره.... بالحـشـى دايــم يـثــور ..... مــن سـبـايـب هـالـزمـن.... لا عــــدو ولا نـصـيــر.... بين ثنتين وأما الثلاثـه فـي خفـاه.. فـنـهـايـه يـــا ربـــع.... العـشـر مـاهــي سـبــع.... والطـبـع يسـحـب طـبــع.... أسمـعـو هـرجــي يـفـيـد.... يــن تنـفـخ يــا شـريــم.... نعنـبـو هــا الجـيـل جـيـل... اعرفو دنيتـآ نذبـح مـن عيالهـا.. يا حضرة الباشه .. ثورة هجوس وحركة مجمع الجـاش وصار الفكر ما بين حـب وحبيبـه أرسلي المزيون قبل امس مطـراش عبر الرسايل يعتـذر عـن مغيبـه أرسلتله مسمـوح والعـذر ببـلاش عقب البطى وش فاد عذرك تجيبـه لو ناش عذرك غاية أرضاي ما ناش تبقا جروحك فـي خفوقـي عطيبـه ما عاش حبك داخل القلب ما عـاش لو عـاش يحرقـه العنـا والغليبـه يالله عسا سحباً بها امطار وارشـاش يطفيـك يـا قلبـي ويطفـي لهيبـه قصة غرامن عودتنـا علـى مـاش يوهمني ان الحـب ديـن وضريبـه ينقص غلايه ثـم ارد الغـلا كـاش والمشكله ان الربح في وسـط جيبـه يرضى يراضين وثم يبطش ابطـاش يضحك يجاملنـي وهـذي مصيبـه يا نعنبو حباً يحكمني علـى الطـاش بين الرجا واليـاس قاعـد نصيبـه من كثر تفكيري غدى راسي الشاش شاب العقل يا هيـه مليـون شيبـه يا ليت في صدري ضو رمي منقاش وأمـوت وأكـف الاذاء والطليـبـه ولا عساك الموت في طلقة أكـلاش وأرتاح من كثـر التعـب والغليبـه ما أقول انا الدعوه تعود على هواش أختار في وحـده ولا هـي غريبـه أن عشت يالله ما يحوشك بـلا لاش مـن يرجـي الله داعيـاً يستجيبـه وأن عشت يبقى في خيالي ضو فلاش صورتك في وسط الحشى مصتصيبه هذا قصيد الوقت قلته علـى المـاش قصة غرامـاً بيـن حـب وحبيبـه يا حضرة الباشه على الهون يا باش حبكتـرا مـا فيـه شكـاً وريـبـه زوج المره يرضع .. الجدي ثابت ما رضى في مغيبـه حاكم على كل النجـوم السـواري لا جيـت ادور فالعقـول اللبيبـه البحث عن صحن القويعان جاري سلام مرحب واختر الـي تبيبـه مثلك يفرق في يميـن ويسـاري شاعر ولا يضفيـه شكـاً وريبـه ترفعله البيضـه بسـر وجهـاري كثر المدايح ضعـف ولا غليبـه لكن مدحـك صايبـن فختيـاري قالو تزهم مـن يفـك المصيبـه حراً ولد حراً نسـول الحـراري يحكملك الزينه ولا هـي غريبـه يقطف علوم الطيب قطف الثماري ثم جيت الدور مع هل الطيب طيبه باغي حكيم الشور للعدل ضـاري قالو صحن قلـت استمـع لنديبـه عنيت رجلي في طوال المسـاري من شان أزوج نفسي الي تهيبـه عذرا ولا هي مثل كـل العـذاري تنجب بناتـاً والولـد مـا تجيبـه في لحظتاً تنجـب بناتـاً تبـاري زوج المره يرضع بناتـه حليبـه يرضعك يا الجايع معا كل طاري يالـي تـود العلـم وده وجيـبـه يمكن على الله لان صلب العساري وصلاة ربي عد حـول المغيبـه وعداد ما ينبـت نبـات القفـاري الطوير واللكزس .. راكب الي جبتها من بلاد الاجنبي بنت اصولن ما شراها فقير الماليه زينها غطا على زين ميسى مغربي ليتها عين العذاره خجوله صاليـه من يشوف اصطابها وحد الله ونبي بنت ابوها غاليه من عيال الغاليـه تايره ذيبن على راس طاله يقنبـي وان قنب في لحظتن يرتقي الجباليه من يوصف زينها ما يوفي مطلبي بصفوف الاولـه والبواقـي تاليـه اسمها في رسمها ترجمان العربي لكزس(ن) في خشمها علقو ميداليه الكل يعدي والعواذل يعدون .. قال الطويري بعد ما حل طريـاه ردن على الـي بنمايـم يزيـدون لادمـي لابـد يحسـب خطايـاه هذي سلوم الوقت والكـل يـدرون ماني ملائكن والخلايـق مزايـاه الكل يخطـي والعـواذل يعـدون الادمـي يحسـب عليـه بنوايـاه والي سواتي يبتلش لـو يحكـون عد السوالف عد شيـن السوايـاه بين الخلايق بـردا هـم يطـرون الله يعيـن الـي تبعثـر بممشـاه ربعه وقومه في عظامـه يدكـون يا ناس والرجـال يرقـا بيمنـاه يعتاش فعلـه والخلايـق يموتـون والي زرع زرعن ولا حصل أجناه هذا دني النفـس والنـاس يفنـون والي تبيه العيـن تتعـب وتلقـاه هذا الصحيح وقولو الـي تقولـون مطـير .. لابتي يا لابتـي حمـر النواظـر يـا زحولـن نـارهـم حـيـه فعلنا يذكر على ماضي وحاضـر صلبنـا طيـب وبالملقـاء تهيـه من وصل حايل وسنجارن وساجر للمدينه ليـن عرعـر والحويـه ديرة تعجب كـل منهـو يناظـر ديرة الصمان وربوعـي حميـه ربعي المطران تجبر كل خاطـر وأن زعلنا يشكي بليـس وذويـه الطويري فالقوافـي مـا يخاطـر فعل ربعه عارفينه مـن مضيـه ربعي الجبلان عـزوه واتفاخـر من ورد في حوضا حوض المنيه هـذا هـو ديـوان الـشاعر / فهد سـعود الطـوير الجبلـي ( مستقبل مطـير ) ارجوا التثبيت لاهنتوا اخوكم / محمد بن حلبيد |
يستــآهل آتثبيت ابو سـعود وصح السانه شاعر جزل
ولاهنت يابن حلبيد ، تقبل مروري / محمد الحصيني |
محمد الحصيني
شكرا لمرورك على موضوعي وهذا شرف لي ووسام على صدري |
لاهنت لاهنت لاهنت
جزاك الله خير بجمع هذي القصائد للشاعر/ فهد سعود الطوير الجبلي .. صح لسانه وبيض الله وجهك .. شكرا لك |
سعود بن لامي
شكرا لمرورك على موضوعي وهذا شرف لي ووسام على صدري |
(محمد بن حلبيد)
الله يعطيك العافيه على نقل الديوان المميز والجميل لشاعر فهد سعود الطوير(مستقبل مطير) فهو من الشعراء القادمين لساحه وبقوه ,,,,وأثق تمام الثقه إنه خلال وقت قصير سوف ينقش إسمه بالساحه كما فعل الشعراء القداماء ,,, ................................... لقد أعجبني جميع ماقال من قصائد ولاكن أحب أن أسجل إعجابي الشديد في هذه الأبيات: قولت ونعميـن لـي فيهـا طماعـه والمراجل كـأس وأعلـن بالتحـدي ما بغيت ونعم من طيـب الجماعـه ولا بغيت ونعم من صـولات جـدي الولد لا صار فيـه امـن الشجاعـه يرقب المرقاب فـي رجلـه يعـدي صح الله لسااااااانك والله يوفقك وأنشهد إنك كفوووووووووووووو |
صح لسااااااااااااان الشااااااعر فهد الطوير
والله يبيض وجهك اخوي محمد على نقلك للقصاائد ولاهننننننننننننننننننننت |
ابن عوض
شكرك على مروورك في صفحتي |
فهد اللويمي
شكرك على مرورك في صفحتي |
ديــوأن جمــيـــل جــدأ
لاهنــت أخـوي محمد بصرآحـه مجهـود رآئـع منك أخوي محمد ابن حلبيد تقبل مني كل آلشكر والتقدير |
| الساعة الآن 08:55 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
