|
(مؤلمـــه جـــداً..؟؟)
ابكتنــــــــي هذه القصيده واثرت بي كثيـــــــــرا .. اتركها بين ايديكم .. وانتظر احساسكم بها .. تكـررت عقـب البطـا والتقينـا من عقب ما مرن سنينٍ طويـلات في صدفـةٍ فيهـا حشـا مادرينـا ولاهقينـا نلتقـي عقـب مافـات لاشـك جابتهـا الليالـي وجيـنـا رغم الفراق ورغم ذيك المسافـات في موقـفٍ بـان التوتـر علينـا لحظه تلين إبها القلـوب القويـات قالت شلونك قلـت ربـك عوينـا الحمد لله عاضني عقـب لوعـات الله رزقنـي فـي هنـوفٍ تبيـنـا احيت خفوقٍ كان بإعداد الأمـوات هي نور عيني فرحتـي والضنينـا ألقابها عن ضيقة الصـدر سجـات قالت سليت وقلـت عقبـك سلينـا لكن عقب مالاعنا الحـب مـرات قالـت شلـون وقلـت لاتسأليـنـا مافات فات ولا تفيـد الحسوفـات قالـت تكلـم قلـت مهمـا حكينـا الدمع ماينفـع عزيـزٍ اليـا مـات قالت نسيـت وقلـت لامـا نسينـا لكن قنعنا والقناعـه مـن الـذات قالت أروح وقلت وش فـي يدينـا روحي عسى في كل خطوه سلامات بصبر على فرقـاك مهمـا حيينـا ولا تشـوه صـادق الحـب زلات قالت علـى ماكنـت دنيـا ودينـا تكرم ونكرم عـن دروبٍ رديـات قلـت اسمحيلـي قبـل لاترحلينـا يم الديـار اللـي علينـا بعيـدات تـراي ذخـرٍ لاحدتـك السنيـنـا اجيك مهمـا واجهتنـي صعوبـات من اليوم اخوك وغيرها ما بغينـا كلي فداك ان صار بالوقت ميـلات وتبسمت بإعجـاب مـدري حنينـا وتهشمـت قـدام عينـي بعبـرات قالـت فمـان الله قلـت انتهيـنـا واقفت تكلم نفسهـا بـس بسكـات وقفـت تقديـرٍ لهـا ثـم مشيـنـا دربٍ مشوه اهل القلوب العفيفـات امشـي واردد ليتـنـا ماالتقيـنـا وش جابها عقب السنين الطويـلات دمتم بحب الله .. (*قمرهم*) |
صح السانج
وشاكرلج علي نقل |
كزنوفا ...... شكرا لهذا المرور العطر ... كن بالقرب .. ولاتحرمنا التواصل .. دمت بحب الله وتوفيقه .. (*قمــــرهم*) |
صـــح لــســـان شـــاعــرهــا , , ,
لاهنتي . . . على الاختيار الجميل بارك الله فيج , , , تقبلي مروري , , , |
محمد بن حلبيد ... يامرحباااااا بك الف .. ولاهان غاليك .. نورت المتصفح وشرفتني بالمرور .. دمت بحب الله وحفظه.. (*قمــــرهم*) |
امشـي واردد ليتـنـا ماالتقيـنـا هييييييييييييييييييييه صح لسان الشاعر ولاهنتي عالنقل |
وقفـت تقديـرٍ لهـا ثـم مشيـنـا
دربٍ مشوه اهل القلوب العفيفـات امشـي واردد ليتـنـا ماالتقيـنـا وش جابها عقب السنين الطويـلات صح السااان شاااعرهاا وناقلهاا ويعطيج العافيه ع النقل لا هنتييييييييييييييي |
محمد بن جبرين ... شكرا بحجم الوجود واكثر على شرف المرور .. لاهنت وعسى هالتواصل دووووووووم يارب .. كن بالقرب .. دمت بحب الله وحفظه.. (*قمــــرهم*) |
مامثلي احد .. اهلا بك غاليتي .. نور المتصفح بوجودك .. لاتحرمينا جمال التواصل .. كوني كما يحبك الله .. ودمتي بحفظه ورعايته .. (*قمــــرهم*) |
قالت أروح وقلت وش فـي يدينـا
روحي عسى في كل خطوه سلامات عسى في كل خطوه سلاماات عسى في كل خطوه سلاماات فعلا قصيدهـ مؤثـرهـ وصآحب القصيدهـ كتبهاا من قممة قممة احسااسه الله يعيـن صح لسسان صاحب القصيدهـ وصــح لسسآن نآقلهآ يعطيك العاافيه قمرهم داائما تـآتيـن بالرائع والمميز واااصلي ابداااعك لاهننتي |
| الساعة الآن 07:55 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
