|
(الجبــــــلان و مجلس الامة 2012..؟؟!!!)
السلام عليكم ورحمة الله وبركاته مساكم / صباحكم خير ورحمه وتوفيق من العزيز الحكيم في ضل هذه الأجواء الأنتخابيه المتوتره والموتره صراحةً تبادر الى ذهني بعض الأسئله التي من خلالها سيكون هناك مناقشه اخويه بسيطه سؤالي الأول كم عدد الأعضاء الجبلان الذين وصلوا لمجلس الأمه مع ذكر الأسماء كامله وإذا كان ممكن ذكر فخذ الجبلان الذي ينتمي له كل مرشح سؤالي الثاني في اي سنه وصل اخــــــر جبلي للمجلس اتمنى ان تصلني الأجابات بكل سرعه ودقه حتى يتسنى لنا طرح الغايه من الموضوع ومناقشتها ملاحظه السؤال الأول مركب أي انه ثلاثة اسئله بواحد والرجاء تحري الدقه بالأجابات لكم جزيل الشكر والأمتنان دمتم بخير وصحه اختكــــم/ (*قمرهم*) |
وعليكم السلام
صياح شايع ابو شيبة .. مجلس 85 .. هذا الوحيد الي اعرفه بعد البحث .. |
يامرحبااا فيك اخوي الشعلي .. حياك الله .. والنعم والله في ابو شيبه ..
بس توقعت الأسئله سهله خصوصاً اننا في جو الأنتخابات.. ماتوقعت الى الأن مافيه ردود تحمل اجابات وافيه .. والله بعيده حيل 85 بس اعتقد انها مو المره الأخيره اللي وصل فيها جبلي للمجلس .. اتمنى من الأخوان اللي مروا واللي بيمرون يلقون لنا اجابات .. فعلا محتاجه اجابه لأسئلتي .. الله يعطيك العافيه وبيض الله وجهك ماقصرت .. وان صدت لك اسم لاتقصر عسى الله مايقصر بأيامك وايام غالينك .. كن بخير / (*قمرهم*) |
ياجماعه السموحه منكم التنسيق مو راضي يضبط معاي تطلع لي فيسات مالها دخل بالموضوع وماني قادره اشيلها العذر منكم وبإنتظار المزيد .. (*قمرهم*) |
اشوف فهد عيد مر ولاعلق .. مع اني توقعت تكون عنده الأجابات لما سمعته عنه من جهد مثمر في هذه الأجواء الأنتخابيه .. لدرجه واحد من اخواني يثني عليه بشكل كبير ويقول لازم اتعرف على هالرجال فيه حميه طيبه للجبلان .. مبدع خصوصا بتويتر .. الله يجزاك خير يافهد بدعت وماقصرت في بني عمك .. بس ياليت تكمل جميلك وتبحث لنا عن إجابه .. راعي الوضحا بشـــــــر عساك لقيت لنا إجابه وافيه ..؟ (*قمرهم*) |
هلابج أختي الغالية : قمرهم كلهم أنا ما رديت لاني كنت شابك من الفون و كلام أخوي الشعلي وافي سؤالي الأول : كم عدد الأعضاء الجبلان الذين وصلوا لمجلس الأمه ؟ واحد فقط بحد علمي مع ذكر الأسماء كامله ؟ صياح شايع بو شيبه وإذا كان ممكن ذكر فخذ الجبلان الذي ينتمي له كل مرشح ....؟ صياح شايع بو شيبه ( الأعنة ) سؤالي الثاني : في اي سنه وصل اخــــــر جبلي للمجلس ...؟؟ مثل ما قال أخوي الشعلي ( مجلس الأمة 85 ) بحد علمي أما بالنسبة لمن ترشح ولم يصل للمجلس الأمة : هناك اسماء كثيرة ولعل من أبرزها المرشح حالياً : طرقي سعود المسيب المطيري والمرشح حالياً : عبدالله الهذال المجنون الجبلي والمرشح : نايف عبدالله المرد الجبلي أما بخصوص ما سمعتي عني ( اللي ما فيه خير لبني عمه ما فيه خير .. ) فأشكرج على هالكلام الجميل والثناء الرائع وكلنا بني عم وأخوان وأتمنى أني أكون قد أفدتج |
أبقاج الله وعآفآج .. على ماظنتي هي المرة الوحيدة وإن شاءالله ماتكون الأخيرة ويصعد الطرقي بالانتخابات الحالية بإذن الله وعن بعيده عزلله بعيده وللأسف الجبلان سابقا أتفقوا على أن لايتفقوا ..!!! والحمدلله الأتفاق الحالي على الطرقي يشرح الصدر ويبشر بالخير ولمزيد من المعلومات تفضلي موقع خاص بقاعدة البيانات لجميع الأعضاء من بداية المجلس إلى يومنا الحاضر .. http://www2.gsu.edu/~polmfh/database/DataPage1320.htm |
الله يـــوفــق الجـــــــــــميع لما فيـــــه خيـــر وصـــلاح الأمــه
|
.
. نسيتوا الجحيدلي ؟ سحقاً للجيل التالي , :( |
السلام عليكم ورحمة الله وبركاتة
دوكم العلم صياح شايع ابوشيبه 1985 من الاعنه عبدالكريم هلال الجحيدلي 1991 من المقالدة محمد خلف المهمل 1992 من الاعنه مفرج نهار الهمل 1996 من اليحيا اسماء الجبلان الي دشو مجلس الامه |
| الساعة الآن 04:45 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
