|
أنت من ربعے .. تمون ..! <<< قصيده تعور القلـــب
يابدون ...!
قالها شخص لصديقة ..! جاوب الثاني وقال : أنت من ربعے .. تمون ..! عادها الأول وقال : يابدون ! عادها مره .. ومره .. لين صارت حيل مُرّه .. قام صاحبنا بحسره ..! صاح في لحظة جنون..! علمونا .... من نكون ؟؟ دام رب الكون .. في هـ الكون .. خلاّنا .. نكون .. ليه ؟ .. ماحنا بشر ؟ ليه ؟ .. مانملك عقل ؟ والا مانملك .. عيووون ؟. حنا باللّة .. وش نكون ..؟ يازمن .. ضايع طريقك .. والوعــے .. عيّا يفيقك .. وحنا مازلنا بسجووون ..! صرنا للطابور ... سور ..! ويوم جانا الدور .. صحتوا .. بور ... بور ..! والزمن يمشي .. يدور .. وقلنا يالله ماعليه .. بكرا تهون وجانا بكرآ أردى من أمس .. الردي .. ماستفدنا من العدي .. حنا أصبحنا القتيل ..! وحنا أصبحنا ... الودي ..! ياجماعة .. من نكون ..!؟ دام صرنا لايمين ولايسار .. ولاوسط ..! وفـ عيون الناس .. أصبحنا .. غلط ..! وصرنا بالدنيا .. هوامش ..! هذا مافي .. وذاك .. مامش ..! آآه حنا من نكوون .!؟ ياحسافة .. حلمنا ضايع سدى ..! وكلمة ٍ ناحت .. وراحت .. ولاجابت صدى .. يعني حنا .. من نكوون ..!؟ الأمل شمسه تنحّت ... للغروب .. الشمال اقفى ..! وانكرنا الجنوب ..! وينها عنّا .. / رجاجيل القلوب ..! الأمل وينه ؟ .. نبي ندخل عليه .. دام ضاع الحق .. في كل الوجيه .. ايييييييييييييه ايه ..! هي كلمة ..( بدو ).. وزودوا بس حرف ..( نون ).. وصرنا بالدنيا .. بدو .................... ن .! |
قصيدة تعور القلب ...
ولكن مالعمل .. لا نقول الا عسى الله ان يفرج عنهم كربتهم ... تقلبي مروري و طاب منقولك ... غاليتي دمت بكل ما تتمني ... |
يسلمووووووو اختي قمورة على المرور
بس الواجب ان يسرعوا في الحلول لأخواننا البدون دمتي بحب |
بنت مطيير
قصيده إجتماااعيه مؤثره؟؟ بس هالبدووون مشكله دوله موشخص؟؟ ولهم أصل صدقيني؟؟ بس؟ الأحداااث إلي صاارت ضيعتهم؟ مالوم الدوله بعد؟؟ لأن كل من هب ودب يبي هالجنسيه؟؟ومستفييد ألف بالميه؟؟ والحذر واااجب بالتجنيس؟ الموضووع كبير أختي أكبر من قصيده؟؟ شكرااا لك |
صدقتي والله يا جمرة
الحين الكل يبون الجنسية بأي طريقة يسلموووووو مليون على المرور |
أردى من أمس .. الردي ..
ماستفدنا من العدي .. حنا أصبحنا القتيل ..! وحنا أصبحنا ... الودي ..! ياجماعة .. من نكون ..!؟ دام صرنا لايمين ولايسار .. ولاوسط ..! وفـ عيون الناس .. أصبحنا .. غلط ..! وصرنا بالدنيا .. هوامش ..! قصيدة رائعه اختي بنت مطير لكن الحمد لله مشكلة البدون نادرة لدينا وحالات قليلة تقبلي ردي وودي |
الحمدلله على كل حال
يسلموووووو اخوي سعود على المرور لاهنت وعساك عالقوة |
الله يعين الجميع
وتسلم يمناج خيتو قصيه قمه في الجمال والروعه دمتي ودام نبضك وبوحك |
صح لسانج وسلمت أنامل يمينج على النقل الرائع وفعلاً قصيده تستحق الأشاده والله لايهينج على النقل الأكثر من رائع ودمتي بود واحترام ,,,,
|
يسلمووووووو خيتوووووووو
عذاري على المرور الاكثر من رائع دمتي بحب وود |
| الساعة الآن 01:12 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
