ياقاف ولع جمر ..والعود جاوي=وقرب من المله دلال(ن)مباهير
وعده على القلب الكبير الفتاوي=اللي يـفـك مـعـوقـداةٍ مـعـاســـيـر
ولا تنشده خله يبث الدعاوي=ولا تكثر النشده على القلب يامنير
ثلاث ليلات(ن)ضيافة رهاوي=والرابعه بعطيك علمه على خير
العلم جاك وخل صدرك غطاوي=مغرم وحبه ساطي(ن)بالضمايير
قلب(ن)لواه الحب والحب لاوي=حب البنات المترفات الغنادير
حب البنات اللينات القساوي=حب البنات معذبات التتنانير
الجافلات النادرات القطاوي =النايفات الشامخات المصاغير
القاف غاوي واكثر الناس غاوي=والقلب الاخضر..وردتينه نواوير
ابو العيون الحور والخد ضاوي=والصدر تشكيه النهود المزابير
ابعترف بالحب والحب طاوي=تطويه حدبان الضلوع المساطير
قلبي مثل قلب الوضيحي هواوي=واقول : حبه مثر في تأثير
جيت اشتكي ابغى طبيبٍ مداوي=وكلٍ بقلبه له تصرف وتدبير
الموت عندي والحياة امتساوي=والعقل مررها على القلب تمرير
ماني على فراق المحبين ناوي=متقلدٍ سيفي مثل سالم الزير
واليوم جاني والدعاوي دعاوي=يقول يابدر العوض منته بخير
بودعك توديع قلب ٍ شقاوي=مع شلعت النجمه وصوت العصافير
الله يجيرك يابدر يالهواوي=والله يساعدني اسوق المعاذير
قلت اصبري بودعك يالبلاوي=صحيح حبيتك وحبي لكم غير
حبي الكم حب ٍ حقيقي بداوي=حب الشرف مافيه شك وتحقير
حب الرجال الكاضمين الرضاوي=المكرمين الفاتحين المغاوير
الماسكين القابضين العزاوي=الفاهمين العاقلين الشواوير
على بلاط الحب والحب كاوي=مالك بقلبي قدر مثقال قطمير
بودعك توديع قلب ٍ شقاوي=بودعك توديع وكفخ كما الطير
ماني بقايل منت ياقلب قاوي=اركع وقولي ابشر يصير يامير
ياقلب انا سيدك حرٍ نداوي=انا الذي انهاك .. وامرك .. وتسير
ياقلب انا سيدك والسيد قاوي=يستدرجك ياقلب في جمة البير
ياقلب انا سيدك والذيب عاوي=والذيب مايرضى يجي منه تقصير
ياقلب تسمعني وانا لك مخاوي=قم بهر الدله لفونا مسايير
انا انا ياقلب سيدك ناوي=اسجلك ياقلب ضمن المشاهير
مع السلامه بعدكم لي غناوي=وبكره تشوف البعد وشلون بيصير