|
انتبهوا من موضة الشماغ !
http://ppc.fm/im@s4/684805_10.jpg
طبع الكل عارف وشايف عن الموضه اللي صايره هالايام لبس البنات للشماغ سواء علي بدله او العبايه ,وانا وحده من اللي شدتني هالموضه ,لكن سمعت ان هالموضه حراام لان فيها تشبه بالرجال وبالفعل بحثت بالنت وراح احط بين ايدينكم هالفتوه: السلام عليكم ورحمة الله وبركاته السؤال// شيخي الفاضل انتشر بين عالم الفتيات موضـة الشماغ بأشكال مختلفه مناكيـر الشماغ وفي شنط يد مصنوعه من قماش الشماغ فما حكمها بوركتم.. **** الجوااااب // وعليكم السلام ورحمة الله وبركاته وجزاك الله خيرا أما ما عُرِض في هذه الصور فهو تشبه واضح ، ولا يجوز استعمالها بالنسبة للنساء . والواضح أن بعض النساء تَمادتْ فيه حتى صار في كل شيء حتى في طلاء الأظافر ! وهذا في حقيقته استرجال ! وقد لعن النبي صلى الله عليه وسلم الرَّجُلة من النساء . والحديث رواه أبو داود وهو حديث صحيح . والله تعالى أعلم الشيخ/ عبدالرحمن السحيم - حفظه الله حكم تشبه النساء بالرجال قال رسول الله صلي الله عليه وسلم{ ثلاثة لا يدخلون الجنة أبدا : الديوث ، والرجلة من النساء ، ومدمن الخمر . قالوا يا رسول الله : أما مدمن الخمر فقد عرفناه ، فما الديوث ؟ قال الذي لا يبالي من دخل على أهله . قلنا : فما الرجلة من النساء ؟ قال : التي تتشبه بالرجال } وقال عليه افضل الصلوات والسلام ايضا ((لعن رسول الله صلى الله عليه وسلم المخنثين من الرجال ، والمترجلات من النساء )) بنات خلونا نكون شوي واعين لا نقول الموديل يختلف والا الشكل ويكفي ان حتى الإسم ما تغير بالعاده يغيرون الإسم عشان يوهمون يعني بعد هالكلام ما اعتقد ان فيه وحده راح تحب تلبس هالشماغ لان الأمر فيه لعن وما أعتقد إن فيه شيء يسوى إني أخرج وأطرد من رحمة ربي عشان موضة ولبس وياليت كل وحده شافت بنت لابسته ما تنسى تنبهها وتنصحها فالامر بالمعروف والنهي عن المنكر سنة مهجورة جعلت الكثير من العصاة يتمادون بل ويجاهرون بالمعاصي ليل نهار وانت اخي الشاب انصح اختك وبين لها حكم هذا اللبس فكم من الغافلين الذين لا يعلمون أسأل الله أن يريني وإياكم الحق حقا ويرزقنا إتباعه ويرينا الباطل باطلا ويرزقنا إجتنابه ان اصبت فمن ربي وان اخطأت فمن نفسي ومن الشيطان ضــــــــــــــــــــوح |
يعطيك العافية اختي ضوح على هذا القل
ولكن يبقى السؤال هل لبس مثل هذه الألبسه هو للتشبه في الحقيقة ام لا؟؟ أنا اتوقع انه كشكل جديد ولون جديد ولااعتقد انه للتشبه فالمتشبهين والمتشبهات اشكالهم معروفة يحملون شيء من الشذوذ في طبيعتهم اما بالنسبه للشماغ كلون قماش اذا لم يكن بنفس لبس الرجل فلااعتقد انه في شيء من التشبة علما بأني لااحمل اي مقومات صاحب العلم او الفتوى وانما كلامي قياس بالعقل فقط. |
جَزآك الله خيير يَـ غَلآي ’,
مَـآشوف فيهَـآ تَشبه لأنهـآ صنعت للمرأهـ الخآـآمه والنفصيل كِل شَي يدل عَلىآ انهـآ نسـآئيه ,’ اللهم اللوون فقط كـ شكل شمَـآغ .. ~ عمومـآ الابتعـآد عنهـآ افضل || =) سسلمت يمنـآك وعَسـآـآك ع القوآ .. |
يؤيؤيؤيؤيؤيؤ
ماظن فيهاا تشبه لان لبسناا له غير عن لبسهم له ... ع العموم تشكرااتي خيتوو ع هيك تنبيه .. كل الود |
شكراا ضووح على هالتوضيح
بصرااحه اذا فيهاا شك تركهاا افضل بعيد كلامه منطقي بس ليش احط نفسي بموقع حيره وشك اتركه افضل والافكاار والملاااابس كثاااار وقفت على الشمااغ تدرين وحده اعرفهاا تقووول سالت شيخ وقاال مايجوووز فقالت له ياشيخ انا البس بشت رجالي احياانااا اذاا برد قااله مايجووز واستغفري يابنتي؟ افضل الابتعااد عنه ومشكووه يا الغلاا على هالموضوووووع |
ضوح الله يعطيك العافيه ع التنبيه واذا فيه شكه نبتعد عنه ابرك جزاك الله خير.. |
لاهنـــــــتي خـــــــيتووو / ضــــــوووح ع التنبيـــــه وانـــاا انصـــــح بالإبتــــعاااد عنـــــه
جـــــــــــزااااااااااج اللــــــــه كــــــــل خـــــــير يالغـــــــــــلا تقبــــــــــــــــلي مـــــــــــــروري ورائـــــــي أخـــــــوووج/ عــــــ الجبــــلي ــــزوز |
اهلين بعيد والله يا بعيد مع كل اسف اذا علي طريقة اللبس فعندنا بالكويت حتي الشباب قاموا يحطونه علي الجتف يعني تفس الشئ كطريقة والالوان صحيح حنا بالخليج ما يلبسون الا الشماغ الاحمر والابيض لكن بدول ثانية نلقاهم يلبسون الاسود وقبل لا تنتشر هالموضه ما كنت اتحصل هالشمغ الا عند محلات الرجال يعني بالنهاية الامر منتهي من عرفنا الدنيا وهو خااااص بالرجل وهالفتوه هذا الوحيده الليي لقيته بالنت لكن اعرف وحده وواثقه من كلامها انه مكلمه شيخين شخصيا والجميع حرام هذا اللبس منووور الموضوع بتواجدك ومشاركتك تحيااتي لك |
جرح الغلا التشبه ما يكون بالصفات وانا ما اعمم ان اللي يلبسونه متشبهين لكنه شئ فيه شكه ليش ما نبتعد عنه وفي احلي الف مره من هالموضه الامر ما وقف علي لبس الشماغ يعني ؟ وصحيح الغلا الابتعاد عنه افضل حل منووووره بتواجدج ,,,,, |
انا بعد انصدمت بس لما بحثت بالامر وشفت انه في شيوخ محرمينه ايقنت ان الامر في تشبه بالرجال اللهم بلغت اللهم فأشهد اسعدني تواجدج الغلا ,,, |
جمرة مطير دائم مرورك يسعدني الغلا وداايم معي انتي علي نفس الخط وصحيح في لبس نلبسه احلي واذرب من هالشماغ ومن كثر ما انلبس الحين تحسين انه صار شئ عادي وما يجذب صحيح احنا نعمنا الشماغ وحطينه فيه شوارفسكي وحركات كستايل يبين بناتي لكن الابتعاد افضل حل منوووووره الغلا ,,,, |
ريم نجد وجودج بحد ذاته بالموضوع يسعدني تحياااتي لج ,,,,,. |
عزوز الجبلي مرورك وتواجدك اسعدني تحيااتي لك ,,, |
اختي ضوح مشكورة على التوضيح والنصح الي هو باقي لك وتلقينه يوم لاينفع مال ولابنون ولك الأجر والثواب وسيري في هذا النهج المضئ فهي سعادتك والله كم هو جميل ان تكوني بارزة في ماذا في ما يرضي ربك وما ذكرتي في نضري تشبه والا ما بقي من اللبس الا هذا وهل انتهت الموضات النسائيه الشماغ معروف لرجل وطرحة اوما نسميه (الشيلة)التي تلبس على الراس للمراة فهل يستطيع الرجل ان يجعلها موضة له
هي وجهت نضر لي قد اكون مخطأ او مصيب ان اصبت فمن الله وان اخطأت فمن نفسي وشيطان وهي جهات نظر لاتفسد للود قضية |
اختي ضوح يعني اللحين الشباب يلبسون تنوره شماغ !!!!!
اجل وين التشبه طيب الشباب يلبسون الشماغ وعليه ورد وكرستال !!!!!!!! طيب وين التشبه مادري بصراحه انا اشوف انه عادي <<< العيد الي طاف لابسه بدله شماغ هههههههه والله الله اعلم ماقدر افتي من عندي بس بصراحه اشكالهم حلوه وغريبه شكرا لج اختي ضوح عالموضوع |
الــبيرق كلامك عين العقل يا اخوي واسعدني تواجدك بالموضوع ,,, |
انا معاج يا دمعه شكلهم حلو والكل من البنات اجذبته هالموضه
بس مدام تم تحريم لبسه ليش نتمسك فيه والله اذا انتي طالعه بفتره العيد مكان عام اكييد شفتي طريقة لبس الشباب للشماغ والله انها نفس طريقة لبس البنات له علي الجتف واكثر من واحد منقشين اشماغاتهم يعني مو العاديات وعلي قولتهم مع علي الرسول الا البلاغ وانا حطيت الموضوع لان حبيت افيدكم فيه لان انا ما عرفت بالموضوع الا امس انه محرم والله يجزاها الف خير اللي علمتني دموووعه منووره الغلا الموضوع ,,, |
دام الشك موجود ... الموضه مهي واقف على الشماغ ..
ومن اول البنات يقلدون الشباب .. يمكن مو قصدهم يتشبهون فيهم بالضبط بس ياخذون منهم ... ايام الثانويه .. في بنات يلبسون غتر بدال الحجاب .. ولا قلنا شي .. ولان الغتره واقف اكثر .. صار احلى شكله من الحجاب العادي وتعتمد على طريقة اللبس بعد ... اما .. الشماغ .. البنات الحين يحطونه اسكارفات على العباه والقميص والتي شيرت والبلوفر ونفس الحركه يسونها الشباب .. وصح صارت اشكالهم متشابهه باللبس .. والتحريم جا من هالشي على ما اظن . ضــوح اجتهدتي واجتهادج واضح .. جزاج الله الف خير وماقصرتي |
جزاج الله كل خير ياضووح على التنبيه المهم
موضوع رائع .... يعطيج العااافيه وتسلم يمنااج ___________ |
والله انا اشوفه عاادي
واذا سالفة تشبه بالرجال .... اذا حطته على راسها وحطت العقال فوقه ...:) كذا ينقال وقتها تشبهت البنت بالرجال ..... اما غيرها اشوفه عادي. الموضوع ذكرني بسالفه صارت معاي بالجامعه انا ةبنت مطير فديتها كنا لافات الشماغ على رقبتنا ... الا تجينا وحده من الادارياااات وتسحبنا للاداره،:) ونكتب تعهد محترمــ ... لاننا تشبهنا بالرجاااااااال .. المشكله نص البنات لابسات شمااغ بس جتنا حنا مدري ليش بالاخير اقول انا اشوفه عادي:) وسمحيلي ع الاطاله فديتج تقبلي مروري.. |
ضوح انتي بنفسج قلتي الشباب يلبسونه ومطرز وفيه شغل كيفهم الشباب هم الي يقلدونا يعني الذنب راكبهم احنا ماقلدناهم
وعلى قولة مزاجيه مالبسنا الشما غ وفوقه العقال <<<< تقول اشوه انها لحقت على الشماغ ولبسته قبل لاتطلع الفتوه هههههههههههههه |
نــــبض الغلا
منوره بمرورج ,,وصحيح كلامج ,,اشكالهم صارت وحده ما ننحرم من هالتواجد ,,, |
جــــــالي اللوايم
يعاافيك يارب اسعدني تواجدك ومرورك للموضوع ,,, |
مــزاجيه
بجد ضحكتيني ,,,لكن الموضوع منتهي سواء اقتنعنا او ما اقتنعنا اكثر من فتوه بالموضوع هذا مرورج الغلا اسعدني منورره ,,,, |
يا امه يالبنات الحين الشماغ لهم وهم اللي قلدونا يا دمعه علي العموم منوووورة بمرورج الثااني ,,,, |
هدو يا جماعه .. ترا اللي حاصل .. ان الشباب والبنات يلبسون الشماغ بألوانه ويخلونه سكارف وعلى الرقبه .. اللهم البنات زادو وقامو يلبسونه مع العبايه .. وبغض النظر عن العبايه .. يمكن لا لبست العباية وعليها شماغ .. نقول مافي رجال يلبس عبايه؟!!! بس البلا لا لبسو الشمغ مع الجينزات
وحده اعرفها لابسه بلوفر ولاف على رقبتي شماغ .. ومره طالعه السوق واشوف ولد لابس جينز وبلوفر عليه شماغ ... يعني الاثنين لابسين جينزات وبلوفرات وعليها شمغ ... امانه هذا مو تشبه وتقليد (واكيد ياشباب يقلدون البنات او البنات يقلدون الشباب) المهم ان النساء تشبهو بالرجال والرجال تشبهو بالنساء واسفه على الاطاله .. بس هالشي حاصل بديرتنا ... ويمكن الباقي مو عارفين شلي يدور عندنا |
صح يا نبض ديرتنا هالشباب من البنات والصبيان اشكالهم صاارت وحده
والكل يقلد الثاني طبعاا ما انعمم بس هذا اللي حااصل منوووره الغلا |
| الساعة الآن 04:28 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
