يا زينها لا صرت معجـب و خرمـان
 

السلام عليكم

قصيده اعجبتني وحبيت انقلها لكم

اتمنى ترقى للذوق وتنال على اعجابكم


ياشينها لا صرت معجب و ( خجـلان )
خوف المصـارح لا يجيـب المطمّـه

اخاف اصارح بالغلا ( ذاك الإنسـان
و ينقلـب ( جـوو المصـارح مذمّـه)

(ويا شينها لا صرت مغرم و ( زعلان )
محد ٍ يراضـي قلبـك و ( محـد يمّـه)

(وان رحت محد ٍ قال لك: (وين يافلان)؟
روحتك مع جيّتك .. ماهـي مهمّـه)

ويا شينها لا صـرت عايـش بحرمـان.
مثـل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
.واللي اظلموه (عيـال لحمـه و دمّـه )

ويا شين صاحب دربك(ان صار ثعبـان)
لا هو تركـك و لا نفـث فيـك سمّـه

كنّـا خويّـا وانتسمّـى بـالأخــوان
واليـوم أسمـه بأخبـث النـاس سـمّـه

ويا شينها لا صـرت ناجـح و ندمـان
( وصلت قمّه )( وغيرك بأعـلاا قمّـه )

مثـل الإمـام ..العالـم بفقْـه الأديـان
يومه نجح .. والكـل صـاروا ( أأمّـه )

ويا شينهـا لا صـرت تايـه وحيـران
( وسط الطريق .. و باقي ٍ فيك همّـه )

ودّك ترووح .. وآخر الـدرب مـا بـان
تخاف تمشـي .. ( ثـم تغشـاك غمّـه )

ويا شينهـا لا صـرت مبلـي ومنهـان
والعلـم كلّـه .. مـن اكاذيـب نـمّـه

مـا فيـه ضـدّك لا دلايـل وبرهـاان
ودخّـان نـارك مستحـيـل ٍ تشـمّـه

ويا شينها لا صرت مـن روس الاعيـان
ثـم تنقلـب فـي نظـرة النـاس رمّـه

ويلااااه يا وقـت ٍ نـوى لـي بعصيـااان
أثـر الزمـن يـا نـاس مـا فيـه ذمّـه

ويا شين طرد المقفْي لـو كنـت ولهـان
ياخـذه شيطـان الغـرور و يخمّـه

يظـن انّـك هايـم ٍ بـه وشفـقـااان
ما يدري انّه لـو فطـس ... مـا تهمّـه

ومااشين مـن معاشـر قليليـن الإيمـان
درب الهداية .. لا .. أبـد ... مـا تتمّـه

الخلْق سجـن وصاحبـك فيـه سجّـان
والعلم خال العز .... ( والجـود عمّـه )


ويا شينها .. أصلا بقى شي ما شـان ..؟
هـذي الليـالـي طبعـهـا مدلهـمّـه

الشيـن والله شيـن غاليـن الأثـمـاان
لا قام كـل ٍ رافـع ٍ فـوق فمّـه

( ويا زينها ) لا صرت لاهـي و طربـان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيه ثـوب ٍ يستـر أطـراف كمّـه

يا زينها لا صرت معجـب و خرمـان
تنثـر علومـك لـو تجيـب المطـمّـه

هههههههههههههههههههههههههههههههه


يازينها لاصرت معجب وخرمان
تنثر علومك لو تجيب المطمه

صح يازينها ههههههههههههههههه

صح الله السان الي قالها وطبت ياعود وطاب منقولك

وصحيح الزمن هذا مافيه ذمه



قصيده رائعه رائعه رائعه رائعه

بس منو الي قالها؟؟؟؟

اخاف اصارح بالغلا ( ذاك الإنسـان
و ينقلـب ( جـوو المصـارح مذمّـه


وياشينها اذا مارديت علي واحد مثلك بيييييييييييض الله وجهك هذا ردي ^_^

لاخلا ولاعدم وتسلم يمناااك يالسنافي

اخاف اصارح بالغلا ( ذاك الإنسـان
و ينقلـب ( جـوو المصـارح مذمّـه)

يمال العافيه ياعود اليل

وصح لسان شاعره

دمعة تسلمين على المرور , ماعندي علم من الي قايلها


سعود بن لامي دائماً مشرفني بمرورك العطر لا هنت ويمناك ياغالي


الله يعافيك يا ولد الجبلان وصح بدنك بالنيابة ولاهنت على المرور يالغلا

يازينها لاصرت معجب وخرمان
تنثر علومك لو تجيب المطمه


ههههههههههههههههههه

صح الله السان الشاعر ..


والله لا يهينك ياعود الليل .. اسعدتنا بالقصيده الطيبه ..!

صح بدنك بالنيابة يامقلدي

ولاهنت على المرور يالغالي

(وان رحت محد ٍ قال لك: (وين يافلان)؟
روحتك مع جيّتك .. ماهـي مهمّـه)

اللــــــــــــه يعطيك العافيه وربــــــــــــــــــي ذووووق،،

الله يعافيك يا الهيمانة

الذووووق مروووورك يا كل الذوووووق

ويلااااه يا وقـت ٍ نـوى لـي بعصيـااان
أثـر الزمـن يـا نـاس مـا فيـه ذمّـه

تسلم يمينك عوود الليل

واحيك على ذوووقك المتميز

ويمينك يا مرمح

يخليك ربي يالغالي