كلمة نعم تبغالها بذل مجهود = تبغالها شئ على اللاش كايد---
تبغالها رجلٍ تربا على الجود = وارث عن اهله طيبات العوايد---
زودٍ على طيب الأهل يطلب الزود = لله يبذل مايدور فوايد---
يمناه بالبيضه ولا يقرب السود = يمشي طريق العز لوكان نايد---
واللي سواتك يابو احمد لنا فود = يجعل هموم القلب تقفي شرايد---
ياطيب حظي دامني منك مسنود = وياطيب حظ اللي يحطك سنايد---
له سيرتن عطره مثل ريحة العود = عزيز قوم ذخر وقت الشدايد---
لا قال يفعل مايبي لقوله اشهود = ماينتكس فالدرب ثم جاك عايد----
ولا ينتظر فعله يجيله بمردود = ولا يدور شهرته بالجرايد---
قلت الذى قلته وانا عنه منشود = في واحدن طيبه على الناس زايد