|
ترى الهوى لو هب مايطرح جبال ..!
السلام عليكم ورحمة الله وبركاته
كيف الحال جميع .. هذي قصيده والله مدري شلون اشرح لكم القصه . . لكن انشالله تعجبكم . . و اللي ماتعجبه .. هذا شي راجع له ^_^ اهم شي اني مقتنع فيها .. .. ..
لا صارت الطعنه من اعـذال وانـذال = ماتـنـصدم مـنـهــا وتـزعـل وتـنـهـار لـكـن لاجـاتــك مـــن الـعـم والـخـال = ويـش الـسـوايـا بـعـد مـاتـحـترق نار يا قـلبـي اللـي شـلـت همن ماينشال = نمشـي عـن العالم ونمشي عن الدار مـاعـاد فـي هـذا الـزمـن قـولت رجال = مـاعـاد فـيـهـا قـول حـشـمـه ومـقـدار لـو الـزمـن يـقـصـر ولـو الـزمـن طال = مـايـنـجـبـر جـرحـي ولـو جـبـت جـبـار لـو الـزمـن يـمـشـي سـنـيـن مـعـا ليال = مـحـفـوظـتـن واحـطـهـا ضـمـن الاسرار بـقـول لـك كــلمـه وتـثـبـت عـلـى الـبـال = لا تـــخــتــلـــف والا تــبــدل وتــخـــتــــار تـرى الـهـوى لـو هـب مـايـطـرح جـبـال = والا الـصـغـيـر ان قـال مـاهـم الـكـبـــار يـالله يـالـمـعـبـود يـاعـالـم الـحــــــــــــال = يـاللـي تـديـر الـعـمـر تـعـرف بالاعـمـار تغـفـر ذنـوب الــنـاس حسـنـات الاعـمـال = وتـرزق جـمـيـع الـنـاس بـأمـوال وامطار .. .. مثل ما قلت اللي ماتعجبه يقول رأيه .. على عيني وراسي .. الشاعر : فهد الدبداب |
منتظر ردودكم ..!
|
ياقلبي ياللي شلت همن ماينشال
ماعاد في هذا الزمن قولت ارجال لو الزمن يمشي سنينن معا ليال تعديل بصيط ^_^ |
لا صارت الطعنه من اعذال وانذال
ماتنصدم منها وتزعل وتنهار صح لسانك |
صح لسانك يالمقلدي
ابيات جزله بس ليش معصب...؟؟خخخخخخخخخ |
عود الليل .. صح بدنك ..
ولاهنت على المرور .. ! |
القعيمي .. صح بدنك ..
مو معصب ,, او يوم شفتك صرت مو معصب ^_^ الف شكر لك على المرور ..! |
مثل ما قلت اللي ماتعجبه يقول رأيه .. على عيني وراسي ..
صح السانك يا مقلدي مانقدر نقول شي علومك كلها زينه |
صح لسانكـ يالمقلدي قصيده جزله ..
محد يقول فيها شي .. ^_^ .................... مشكور على القصيده ومنتظرين جديدكـ ..................... |
مكسور ..
صح بدنك .. والله لا يهينك على المرور ..! |
الصدقي ..
صح بدنك .. ولاهنت .. واكيد محد يقدر يقول شي ^_^ وانشالله مايطول انتظارك ..! |
وااااااااااااااااااااااااااوو
فهيــــــــــدان طلعت شاااااااااعررر هلااااااااا هلاااااااااااااااااااااااا قصيده رائعه رائعه رائعه وفعلاااااااا بداية موفقه ياشاعرناااااااااااا ---- الي الامام منتظرين جديدك عئــــبــــال مانشوفك شاعر ئـــد الدنيــــــــاا بس اقصد فيني لاتنسى بأسم دمعة ناقه |
صح لساانكـ
قصيده حلووه بس اللي قبلهاا احلى منهاا |
مقلدي
صح لسانك ولاهنت على هالقصيده قصيده رائعه 000 ومافيها شي << اسجل اعجااابي تقبل تحيااتي |
مرحبا يامقلدي
وصح لسانك انت طلبت النقد وانا اقول لك ابشر بس ركز معي عشان ماتطيح في نفس الخطاء ثاني مره بدينا يافهد بـقـول لـك كــلمـه وتـثـبـت عـلـى الـبـال لا تـــخــتــلـــف ولا تــبــدل وتــخـــتــــار شف البيت الي فوقي الحين الصدر مضبوط ولاعليه خلاف << والمقصود بالصدر الشطر الاول في البيت ام العجز مكسور مدري نسيت تحط الالف بس انت عدلت الاخطاء يمكن نسيت هذا اذا عدلتها ومقتنع في البيت هذا انا اقول مكسور لو كتبت لاتختلف والا تبدل وتختار << اضافة الالف الى ولا لكي تجبر الثقل في العجز يلا لحنه على لحن عندي كلام وخاطري لك اقوله << لحن اريام او لحن عيضه المنهالي << حتى العجوز الي وراء شط بغداد يلا لحنا بـقـول لـك كــلمـه وتـثـبـت عـلـى الـبـال لا تـــخــتــلـــف والا تــبــدل وتــخـــتــــار شفت طلع تمام شفت كيف الالف خرب شطر في قصيده يالذيب ،،،،،،، ام البيت هذا يالغلا الصدر تمام ولكن العجز عندي ملاحظه يـالله يـالـمـعـبـود يـاعـالـم الـحــــــــــــال يـاللـي تـديـر الـعـمـر وتـعـرف الاعـمـار يالي تدير العمر و << الواو سبب ثقل في البيت لو كتبت ياللي تدير العمر ، تعرف بالاعمار << كذا صح وتمام هذه وجهة نظري واتمنى انها تكون مفيده وحنا في خدمتك يالذيب |
^
^ ^ ^ وجهة نظر سليمه وانا شخصيا استفدت منهاااااااااااا يعطيك العافيه يافارس |
دمعة ناقه : صح بدنج . .
الملسون : صح بدنكـ . . العجيز : صح بدنج . . فارس وما ادراك ما فارس ^_^ اررررررررحب . . انا اقول الصفحه منوره وانا ماني موجود ؟. .؟ اثرك انت هنيا .. يالله حيه . . قلت لي فوق البيت هذا . . بـقـول لـك كــلمـه وتـثـبـت عـلـى الـبـال لا تـــخــتــلـــف ولا تــبــدل وتــخـــتــــار في كسره من عندي يعني لو تبي تغنيها تركب وصحيح لو تحط لها الف . . يعني كلهن صح . . ورأيك على عيني وراسي ^_^ وعند البيت الثاني . . يـالله يـالـمـعـبـود يـاعـالـم الـحــــــــــــال يـاللـي تـديـر الـعـمـر وتـعـرف الاعـمـار حبة خشم ^_^ ما انتبهت له :> . . لاهنت يافارس . . وحنا انتعلم منك طال عمرك . . ! |
لا صارت الطعنه من اعذال وانذال <> ماتنصدم منهـا وتزعـل وتنهـار لكن لاجاتـك مـن العـم والخـال <> ويش السوايا بعد ماتحتـرق نـار انا اشهد ويش السوايا ..؟ صح لسانك ولاهنت يافهد علي القصيده .. |
ترى الهوى لو هب مايطرح جبال........والا الصغير ان قال ماهم الكبـار
جزل جزل جزل ومن زود في زود انشاءالله |
مشكور على القصيده الجزله
ومهي غريبه على شعار الدبداب ومن الاعلى الى الاعلى |
رد متواضع
[لايافهد خلك بطل ضمن الأبطال خابرك انا ذيب وحبيبن وعيار ولاشفت من هالوقت غدر وتنكال شوم وترفع وعادة الوقت غدار والناس فيهم طيب وايضا تخبال ميرالبخيت اللي على الوضع قدار الزم علوم الطيب مع خير الأفعال واجعل عدوك فيك يالقرم يحتار والناس يابن الناس كلن على حال واللي تردى فيك له رب جبار
|
عذرا على القصيده ماصغتها بالتنسيق المطلوب0000والمهم المضمون والا المظاهر مومهمه على ماقيل00ولا اشرايك يافهد؟؟؟؟
|
كفو يابن معرقب ولا تجيب الا الجزل ,,
صح السانك ,, ولاهنت ,, :) |
صح لسااانك اخووي فهد الجبي على القصيدة الجزلة
تقبل مروري المتواضع :) |
| الساعة الآن 03:43 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
