|
يــابـووي ليــه تبــكـي ؟؟؟
السلاااام عليكـــم هذي قصيده اعجبتني وحبيت انقلها لكم وهي كلمااات شااب اصيب بحادث وحااالتـــه حرجــــه !! يابوي ليه تبكي كل ما شفتك وعينـك لـي ؛،؛ تخاف أموت يابوي ... وقبل الموت تبكيني كفا يابوي لا تبكي وأنا موجود معك وحـي ؛،؛ أجل بعد الرحيل أشلون في قبري توطينـي ابوي لو تموت الناس ماتسوى دموعـك ذي ؛،؛ وأنا يابوي ميت قبل أموت وأنـت محيينـي قسم بالله يابوي لجل عينك شربـت الغـي ؛،؛ جرعت الهم والحرمان وبحر الويل يسقينـي تحملت السنين اللي طوتني في عذابي طـي ؛،؛ وصار الجمر بكفوفي .. وتحت أقدام رجليني يابوي ماعلى عمري حسافه ولا بقا بي شي ؛،؛ ولكـن بطلبـك يابـوي تكفـا لا تخلينـي يابوي مابي غيرك يغسـل جثتـي بالمـي ؛،؛ وتكفا قبل لا أتكفن .. يابوي فكلـي عينـي بأمر الله يمكن ألمحك وأرحل في عيوني ضي ؛،؛ وودع وجهك الطاهر مع دنيـاي وسنينـي وخل الناس تحملني وترفع راسي ورجلـي ؛،؛ وتأخذني على قبري وتكسب أجرهـا فينـي وأذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصلينـي وحط الطين وأدفني وعز اللي يعـزي فـي ؛،؛ ثلاث أيام يابـوي .. يواسـوك المعزينـي ورابع يوم يا بوي تذكر ضحكتي وعني ؛،؛ تذكر وش كنت أقول يـوم أنـك تنادينـي تذكر يوم كنت أنام في ظل النخـل والفـي ؛،؛ تجي يمي تصب الما..على وجهي وتصحيني تذكر جرة الموال وصوت في حبالـه كـي ؛،؛ تذكر يوم أغني لك قصيدي وانت توحينـي تذكر ضحكتك لا قلتلك يابوي عشقي هـي ؛،؛ تذكر كم قصيدة خافيه مـا بينـك وبينـي تذكر كل شي كان وأذكر يـوم انـا حـي؛،؛ ولكـن أسالـك بالله يابـوي لا تبكيـنـي ــــــــــــــــــــــــــــــــــــــ اتمنى تكون القصيده نالت اعجابكم |
نااااالت على اعجابنا وبس اللله يهداج يالعجيز والله اني امسح ادموعي منهاحسبي الله عليج شسويتي فيني وربي وربي وربي انهاااا قصيدة تبجي الي قلبه قاسي
يااااااااويــــــل حالي ويـــــــــلاه بذمتي هالقصيده بجتني يعطيج العافيه عليها ماقصرتي بس ساريت اذا تقدرين تجيبين لنا اسم الي قال القصيده واكون شاكررره لج تحياتي |
وتكفى قبل لاتكفن-- يابوي فكلي عيني
بأمر الله يمن المحك وارحل في عيوني ضي ^ ^ ^ هالبيت مؤثرررر لدرجة انه يصدع الراس |
دمعه
ياحيااة الشقى 00 كلنا بنموت >> دنياا رديه اي والله ياوخيتي تبكي الله يعافيج 000 للاسف ما اعرف لمنو هالقصيده دوورت ومالقيت كاتبهاا شااكره لج مرورج ولاهنتي |
العجيز ..
الف شكر لج . . قصيده معبره ومؤثره وكلهن .. بس ما بجيت انا ^_^ ..! |
مقلــدي
الــعـــفووو هههههههههههههههههه ياخي انت عديم احساس ليش تبجي ؟ ههههههههههههههه شاااكره لك مرورك الكريم ولاااهنتت |
والله وانا اقراها قاعد ادمع<<< على وشك البجي مشكوره ماقصرتي العجوز تقبلي تحياتي.. |
خااابززز
الــعـــفــــووو شاااكره لك مرورك الكريم ولااااهنت |
<<<<<<<<< ومازلت تبكي:ee:
<<<<<< من يمســـــــــح دمعة هذا المسكين:m: |
يـع ـطـيك الـع ـافيـه آخـوي الـعـجـوز
عـلـى القصيـدهـ المـؤثـره اللـه لايحرمـنـا من جديـدكـ نـحـن بالانـتـظـار ^_* |
عزالله انهااا قصيده مؤثره وحزينه
يعطيك الف عاافيه على النقل وطااب منقولك |
دمــعـــه
:ee: اذا خلص الكلينكس علميني اعطيج الكرتون اللي عندي :ee: شاااكره لج مرورج |
الــهـــووولاااان
<< الله يهداك بدال اخوي حط اختي هههههههههههههههههه الله يعاافييك اخووووي ولااهنت على مرورك الطيب ولاهنت |
القـعـيمي
اللـه يعـافـيـك 00 شااكره لك مرورك الاطيب ولااهنت 00 |
قصيده جزله وتحمل بين ابيااتهاا
حزن ومرارة الالم الي يمر فيه وحزنه لفراقه لوالده الي يبكي عليه وهو حي مااقول الا الله يشافيه ويخليه لوالدينه ويعطيج العافيه اختي عجوز على النقل المميز والرائع تحياتي لج |
ولد الجبلااان
اميـــن الله يعاافيك .. وشااكره لك مرورك الكرريم |
لا هنتي يالعجوز عالقصيدة المؤثرة
|
شيهانـة الجبــلااان
ولاانتي يالغلا شاكره لج مرورج |
| الساعة الآن 03:51 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
