كسير مطير
 

ماعندي خبر والله

بداية القصة

قبيلة شمر غازين على مطير من العبيات
شاهد نكسر من شمر فارس وباقي قومه فرو هاربين بقي الشمري المكسور عند العبيات وبداو بالكرام الضيف وجلس الشمري اربعين يوم عندهم وهم يغدونه ذبيحة ويعشونه كذالك ذبيحة ولمدة اربعين يوم يعني كم ذبيحة ذبحو المطران له80 ذبيحة
ومن ذكاء الشمري كلما اكل منه يحفظ عظم الفخذ الايمن من الذبيحة في الخرج الي معه وبعد تمام الاربعين اليوم شفي الشمري وبرء وقاموا لعبيات بيرجعونه لاهله
وبعد الوصول الشمري لقبيلة وبعد الكرم وضيافة اللمطران قام الكسير "" بالعامي كب "كل مافي الخرج من عظام الفخذ الايمن وذالك لي يبين الاقبيلة ماقاموا به المطران له وقال الكسير قصيدة((((((((((((( وهنا مربط الفرس))))))))) اريد القصيدة وش قال الشمري
ثانيا القصة نقالتها لكم من الوالده حفظها الباري لي لكن العذر وسموحه ان كان نقصت من القصة الانه جرى عليه الوقت وربما نسيت من القصة لكن المضمون يوفي بالغرض

ياليت احصل القصيدة



اختكم الجبلان تاج راس

السلام عليكم ورحمة الله وبركاته


اعيد واكرر البحث عن القصيده وجزاكم الله خير

جزء من القصيدة""

ياراكبه نصه فريق العبيات جنابهم للجار فرش وزلي


واتوقع ان اسم الشيخ العبيات ابو فلاح
لان الشمري ذكر بالقصيدة ابو فلاح والوجيه الفليحات ..

ابشركـــــــــــــــــــــــــــــــــــــــــــــ ـــــــــــــــــم
حصلت
علــــــــــــــــــــــــــــــــــــــــــى
القصة والقصـــــــــــــــــــــــــــــــــــــــــــيد ة

لكن سامحوني اكتشفت أني اسأل
عن قصة لها قصيدة غير
وقصيدة لها قصة ثانية..

مرحبا اختنا الكريمة

ياليت لو تطرحين كلتا القصتين لنستفيد.
بارك الله فيـــــــــك.

شكرا لك


واسموحه ماعندي خبر بالقصه

ماعندي خبر في القصيده لاهنتي

تقبلي مروري

بسم الله الرحمن الرحيم



السلام عليكم ورحمة الله وبركاته



هذه قصة للشاعر المعروف خضير الصعيليك الشمري كان مجاور ناس من العبيات من بريه من مطير ودارت الايام واصاب ابل خضير مرض ( الجرب ) والناس قديما كانوا يخافون من مرضين هما مرض الجدري للبشر ، ومرض الجرب للابل ، وكان جار خضير الملاصق لبيته رجل اسمه مسامح بن مدعس العبيوي ، فطلب مسامح من جماعته الوقوف مع جارهم ، فقالوا : حنا معك بما تطلب ، فقاموا بعلاج ابل خضير حتى برئت جميعها وبقي معهم وقتا وهو معزز ومكرم وعندما نزح لجماعته تذكر جيرانه وما حصل منهم فقال فيهم


ياراكب حر بدو الخلاهـــــــــات @@ لما بنى فوقه سنام امظلي

فوقه غلام ياخذ الليل ساعات @@ قرم لعسرات الموارد يدلــــي

ياراكبه نصه فريق العبيـــــات @@ جنابهم للجار فرش وزلـــــي

لبوفلاح والوجيه الفليحـــــات @@ ومسامح اللي للنشامى يهلي

اهل بيوت للفداوي ذريـــــات @@ يقزر زمانه وسطهم مايمـــــلي

ولا صاح صياح الضحى بالطويلات@@يفرح بهم راع القطيع المتلي

نعم هل الجدعا نهار الملاقــات @@ اليا عدوا مافيهم اللي يذلـــي

ودي بهم مير المشاحي امعيات @@ والريق بين الشفايا يزلـــــــي


( هل الجدعا عزوة العبيات ) ونعم بالعبيات ماضي وحاضر .





هذه القصيدة التي كنت ابحث عنها لكن القصة التي نقلت لكم في بدايت موضوعي كانت غير هذا وبعد البحث انقلها لكم صحيحه قصة مع القصيدة
اما قصة كسير شمر مع العبيات انقلها لكم عن قريب باذن لله..


كم اوجه الشكرللاخ :العبيوي وصديقتي الاخت:الشمرية ..

السلام عليكم ورحمة الله وبركاته
القصه بنقلهالكم مثل ماسمعتها من كبار السن يقولون إن الشيخ عواد بن طواله من مشايخ قبيلة شمركثير الغزوات على القبايل ولا يرجع إلاوهو منتصر وكاسب وكانوا العبيات غزو شمر عدت مرات وكل مره يكسبون أبل شمرويقتلون من يعترض طريقهم وقرر الشيخ عواد بن طواله في أحد الأيام أن يغزو العبيات من مطير وقال لربعه ياربعي منهم العبيات هذولا اللي يتجرون على غزو شمر بديارهم وأخذحلالهم وتقتيل رجالهم والله للقنهم درس ماينسونه وأني لجيبهم معي ممنوعين قدام الشمريات حتى أبرد قلوبهن عن حللهن اللي أخذوه ورجالهن اللي قتلوهم (ومعنى المنع الاسر )وجمع ربعه وقصد ديار مطير وكان العبيات مربعين بالحنبلي وفاجاهم بن طواله قبل طلوع الفجر وحصل بينهم معركه شديده قيل أنها أستمرت من قبل الفجر إليابعد الضهر وقتل من شمر من قتل وبعضهم منع وبعضهم هرب وأما عوادبن طواله فاصيب بفخذه الايمن وأخذ أسير وعندوصول الشمامره اللي هربوا لديرة شمر كل جا يسألهم عن قريبه وجأت نوره بنت الشيخ عوادبن طواله وقالت وين أبوي ياشمر قالوا علمنا فيه مصاب بأرض المعركه قالت ليه ماجبتوه خلتوه لذيابه تاكله قالوا ذبحوناالرياجيل وعجزنا ناصله ونثرت الرمل بوجهم وقالت لوكنتم نسا أسترلكم
وقال أحد شمرهذه القصيده مخاطبا فيها نوره لعلها تعذرهم:

لوهني بالهني نوره &&&&&موحت منوع العبياتي
ركبوا على كل مسطور ه &&&&ربعن معاطيب ورماتي
والحنبلي تشبع طيوره&&&&&&من قو ضرب العبياتي
وعواد خلوه بالقوره&&&&&&&& يوم العهد فيه مماتي

والقصيده طويله وهذأاللي أناحافظ منها
وبعد أنتها المعركه أخذو العبيات الاشخاص المصابين ومنهم الشيخ عواد بن طواله ووضعوه في بيت شيخ العبيات رفاعي بن عشوان وكنوا العبيات يعشونه على مفطح ويغدونه على مفطح حتى كمل أربعين يوم وجبرت رجله من الكسر وقاله الشيخ رفاعي تبي أهلك يابن طواله قال إن سمحت لي ياطويل العمر فامر الشيخ رفاعي بن عشوان بأعطاه ذلول وبندق وزهاب وأمر فارسين من فريس العبيات بمرافقيه حتى يطلع من حدود قبيلة مطير
وبعد رجوع بن طواله لربعه حلف أنه ماعا يغزي العبيات
وقيل إن نوره بنت إبن طواله رفضت تزوج من شمر وحلفت ماتزوج الإ عبيوي.

وهذي قصيدة وقصة كــــــــــســــــــــــــــــــيــر شمر..

واما قصيدة كسير شمر اشكر فيها الاخ باسم..

نعم هل الجدعا نهار الملاقــات @@ اليا عدوا مافيهم اللي يذلـــي

والنعم والله فيهم .. وقصص جميله نقلتيها لنا
مشكوره يالغلا ,, على المجهود ..
والله لايحرمنا من مواضيعج الحلوة..

مشكورين على السالفه والقصيده وتقبلوووو مروري

تسلم يمينك على اضافتك القصه والقصه بالتمام

ولاهو مستغرب الطيب على العبيات

لاهنتي