يامتعب القلب قلي ويش غلطاتي=ان كنت انا اقدر اعدلها بعدلها

لاصرت تجهل عن الدنيا وضيقاتي=من دون ماشرح لك اوضاعي تآملها

الوقت ضدي حرمني من ملذاتي=والصد بعدك ذبح روحي وكملها

لالا يغرك كثير الصمت وسكاتي=خل المشاعر تقول الاه وسآلها

يسكني الحب واضح من عباراتي=وش عاد لجلك حروفي لو اذللها

عذبني الشوق وسرفت بخيالاتي=نفسن تحبك دخيلك ليه تهملها

ياليتك شوي تشعر في معاناتي=دنياك يمكن عليك تضيق بآكملها

الحزن كنه سفيري في علاقاتي=والهم خيم على حالي وطولها

اغديت دربي وتاهت فيك خطواتي=كل المواعيد مدري ليش تآجلها

اسنين احاول وضاعت كل حيلاتي=ماتدري اني حياة الذل ماقبلها

لاجيتك اسآل ودور فيك ضحكاتي=كنك تعمد بيديك اليوم تكتلها

لا تترك الضن يلعب بحتمالاتي=الكلمه الى تحز بخاطرك قلها

تعال شفني وحس بحال لوعاتي=كن الدقايق بدونك عام مطولها

متى التباشير بقدوم الغلا تآتي=فرحت زماني بشوفك ماتخليها

خلاص صبري تعدى كل هقواتي=اتعبت روحي اعزيها وعللها

ابيك تنسى وتدمح كل زلاتي=بعض البشر صعب مانقدر نزعلها

والحين جيتك ابمسح كل غلطاتي=دنياي دونك وربى ماتحملها