|
اديار الجبلان
بسم الله الرحمن الرحيم
من ديار الجبلان ما يلي : اللصافة أسسها مزوج العزبان الشيخ صاهود بن عبد العزيز بن لامي وهي من مراتع الابل والخيل وأتى بعده ابنه جاسر بن لامي وأتى بعده صاهود بن علوش بن لامي . أم سديرة أسسها الشيخ مشاري بن لامي . الحيرة أسسها شيخ المقالدة إبن رشدان . خبيراء أسسها الشيخ فيصل بن مرزوق بن شبلان . الدبية أسسها الشيخ محمد بن دبي المعرقب ، والآن ضويحي بن محمد بن دبي . الكدادية : أميرها مشاري بن لامي . مناخ أسسها الشيخ إبن شبلان . الطليعة (هجرة جديدة) : أميرهاحشربن جزاع بن لامي . |
يا مال العافيه يا ردن بن لامي
موضوع اكثر من رائع, ويشمل جميع هجر الجبلان, لا عدمناك يالغالي, ننتظر جديدك, |
السلام عليكم ورحمة الله وبركاته
يعطيكم العافيه يالربع اخوي ردن اللصافه مورد مياه قديم جدا قبل لاتنزل مطير بالصمان اذكر اني قراة مقاله عن اللصافه انها تعود لعصر الجاهليه لان الصمان تغنوا فيه شعراء الجاهليه ويقولون اذا ربع الصمان ربعة العرب فا مايصير تقول اللصافه اسسها صاهود اسسها يعني انشاها من العدم الصحيح هوا اول من نزل على اللصافه من مطير هو دليبح بن لامي وليس صاهود احد شعراء الجبلان يقول : عسى الحيا يسقي جباة اللصافه : هكا القليب الي دليبح طواها ؤبعدين فيه ديره ينقالها ؤم الحمير ويقولون مؤسسيها هم احفاد شويش بن ضويحي المعرقبي فهل هاذا الكلام صحيح ؟ انا لازرتها ولاشفتها ويقولون هي بعيده عن ديار الجبلان ياليت اخوانا السعوديين نجد منهم الجواب لان اهل مكه ادرى بشعابها اذا ماخانتني الذاكره مؤسس مناخ هو مسير بن شبلان فمان الله |
أقتباس من موضوع أخوي ابو مزيد الجبلي
بلدة اللصافــــــــــــــــه .. كانت تعرف قديما ( لصاف ) وقد أشتق أسمها من اللصف وهو ثمر الشفلح الذى يشبه طلعه الخيار ألا أن لونه أحمر . قال // جرير :: وأجـر مطـرد الكعـوب كأنـه مسد ينازع من ( لصاف ) جرورا ولصاف من ديار تميم بعد الأسلام ومن منازل بنى نهشل بن دارم بن مالك بن زيد مناة تميم . قال // الراجز :: حياليت عنا وبنى منـاف والنهشلين على ( لصاف ) وهى من طوال مطير . وهى من أهم موارد مطير المشهوره فى الصمان المسماه قديما بالشواجن ( القرعاء . اللهابه .اللصافه .ثبره (وبره ) . قال // النابغه الذبيانى :: حلفت فلـم أتـرك لنفسـك ريبـة وهل يأثمن ذو أمـه وهـو طائـع بمصطحبات من ( لصاف ) وثبرهة يـزرن إلالا سيـرهـن التـدافـع ولمنهل اللصافه عدة أبار منه مليحا, الحقبا , الجاهليه , الرقبا المطيوى , القاعيه .. وكانت من مياه بنى تميم فى العهد الأسلامى و(( الجبلان )) أتخذو اللصافه هجره لهم .. وقال // زيد ابن غيام :: جعل الحيا يسقى جباه اللصافه هاك القليب اللى دليبح طواها لاصدرة زافه تقفتـه زافـه والزافه الأخرى تزهب دلاها دليبح هو دليبح ابن لامى .. والآن تتمتع بجميع الخدمات الحكوميه ويرأسه . الشيخ تركى بن علوش بن لامى ,, ولازالت البلده فى تطور .. الموقع // غرب مدينة قريه العليا بــ100كــ شمال بلدة القرعاء بــ 20ك شرق جنوب الحيراء بــ28 ك جنوب معرج السوبان 45 ك .. لاهنت أخوي ردن بن لامي . . لاخلا ولاعدم |
السلام عليكم ورحمة الله وبركاته
يعطيكم العافيه ممكن توضح حقة مني هالآبار من فخوذ الجبلان الله لايهينك ولمنهل اللصافه عدة أبار منه مليحا, الحقبا , الجاهليه , الرقبا المطيوى , القاعيه .. 1_ مليحا 2_الحقبا 3_الجاهليه 4_الرقبا 5_ المطيوي 6_ القاعيه فمان الله |
يعطيك العافيه اخوي دمي جبلي
انا اقصد انهاا تأسست كا هجره يعني صار فيهااا مركز اماره ومدرسة والى اخره وانت كلامك صحيح ولاهنت ياخوي دمي على المرور الجميل وللجميع |
موضوع اكثر من رائع
مشكور اخوي ردن بن لامي وهذي عوايد الطيبين اللي مثلك وشرواك مايجيبون الا الشي الطيب وشكراااااااااااااا |
ماقصرت يابن لامي ودي تخبرني عن أم كداد والجعلة الله يسلمك
|
تـــسـلم ايديــك يا ردن عــلى الموضـــوع الرائـــع
تـــقـبــل مــروري فـهـد الـتوم |
معلومات قيمة وتاريخيه تشكرووون عليها يا خوان
الله يعافيكم تقبلوا مروري وتحياتي اخوووكم الجارح |
شكرا على مشاركتك اخوي دمي جبلي والاجابه على سؤالك موجوده ام الحمير ليست هجره ولكنها موارد ما قديمه اسسها الشيخ سعود بن ضويحي وفيها الان مزارع الشويش وفيها من الخدمات تلفون ثابت ومطار وطريق اسفلت والكهربا الان يشتغلون فيها وفيها بيوت الشويش ومستقبلا ان شالله الاماره
|
شكرا على مشاركتك اخوي دمي جبلي والاجابه على سؤالك موجوده ام الحمير ليست هجره ولكنها موارد ما قديمه اسسها الشيخ سعود بن ضويحي وفيها الان مزارع الشويش وفيها من الخدمات تلفون ثابت ومطار وطريق اسفلت والكهربا الان يشتغلون فيها وفيها بيوت الشويش ومستقبلا ان شالله الاماره
|
اخوي ردن بن لامي
لاهنت على الموضوع الجميل لديار الجبلان بس عندي توضيح هجرة مناخ مؤسسها بالضبط هو مسير بن فراج ابن شبلان رحمه الله |
لاهنننننننننننننننننننننننننننننننننننت يالغالي عالموضوع الرائع
قوااااااااااااااااااااااااااك الله |
| الساعة الآن 11:15 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
