|
][ ديــوآن إلشـآعره : نـؤف الميمــوني.."شآعرة البنفسج"][
http://www7.0zz0.com/2010/05/03/01/828621751.jpg إلسسسلام عليكم ورحمـة اللـه وبركاااااته هذا أول موضوووع لي بالمنتـدى .. أتمنـى إنه ينااال على رضـااااكم وإتمنــى أكــون ضيفـه خفيفـة عليكـــم ... |
][نوف الميموني][ "شاعرة البنفسج" كما يطلق عليها محبيها كثيراً من الشعراء يحرصون على متابعتها لـ قوة حبكها وسبكها للقصيدة تكتب على أكثر البحور صعوبه , أوزان شعرها تخلط بين الماضي والحاضر ولاعجب فقد حافظة على موروثنا الشعبي في قصائدها . : شاعرة ربما لم تتواجد إلا للشعر الحقيقي فقط .. نعم هي [ نوف الميموني ] أجل هي تلك المبدعة التي تتنفس من الشعر شعرا ً للحياة .. وترسم ملامحها في كل قصيدة , تجدها في هذا البيت أو ذلك الشطر .. أو قل تلك المفردة .. حتى تلك الفكرة التي تكشف الكثير من ملامحها ... [ نوف الميموني ] المبهردة في بساطتها ونقاء قصيدتها من تلك الشوائب التي جلبتها مجموعة من المزيفات في الساحة نوف...تجبرك على التصفيق حتى ساعات متأخره من الأبداع.... عندما تتألق نوف الميموني ..نكون جميعاً أذانٌ صآغيه كي نستمتع فيما تقوله.... أترككم مع المتألقه....... |
"إلضلوع العوج" // // يعني عشاني حرمتن وإنت رجـال دايم جدالـك متخـذ عنصريّـه يانصفي الثاني على كل الأحـوال الضلع الأعوج لا يجـي هامشيّـه بنـاء دورك بالمياديـن فـعـال ونضرب عشانك للمراجل تحيّـه لا زلت في وضع الصداره ولا زال بأعلى المراتـب تآخـذ الأولويّـه حق السياسه اختلف بين الأقـوال ورأي المعارض حايـز الأغلبيّـه بشويش وإسمع كلمه الحق تنقـال ولا أبيك تشعل من كلامي قضيّه بنات حواء لو يقاسن بالأعمـال محدن نكرهن بالفعـل والعطيّـه افعالهن تبقى على مـر الأجيـال بصمه مهمـه فـي حيـاة البريّـه لهن مواقف شامخه مابهـا جـدال تاريخهن شاهد علـى كـل نيّـه وكانك بغيت الجد في كل الأحوال رأيي بقولـه وأكتبـه فـي يديّـه " أصلا عشاني حرمتن وانت رجال حق السياسـه للرجـل أولويّـه // // |
الحزن ماهو شي عـادي وعابـر به حزن يكبر يوم ذكرى مروره حتى الحزن مستوطنـن بالمحابـر بين القصيد وبين باقي سطـوره عمره سنه والكل عارف وخابـر سيطر على نبض الخفوق وشعوره من يوم شالـوا جثتـه للمقابـر والدمع يعلن في عيونـي عبـوره نسل السلاطين الشيوخ الأكابـر له سيرتن تحكي على الطيب دوره دام المراجل ساسها الشيخ جابـر تحفظ تواريخ المراجل حضـوره يالدمع ماقدر في فراقـه أكابـر أبكي ويبكيه القصيـد وبحـوره عقبه غدى هالوقت والكون غابر وأسدل ظلامه عقب ضيّه ونوره لكن عزانا الشعب مؤمن وصابر والله يزيد ايمان نفسـن صبـوره |
// // ياليت جابر حي ويشوف صـدام نهايتـه قـدام شعـبـه ذليـلـه يستاهل اكثر فوق حكمه بالأعدام وأنا أشـوف إنهـا بحقـه قليلـه ما هو برمزن للعروبـه والأسـلام ولا هو كفو حتى الشرف ينتميلـه يا كويتنا جرحك له سنين وأعـوام واليوم طيبـي يالجـروح العليلـه بثوا خبر موته بشاشات الأعـلام وبثيت فرحي والقصايـد جزيلـه واللي يقول إنه عظيم ٍ وضرغـام أقول أنا مافيـه خيـر وفضيلـه يكفي سجله حافلن كلـه إجـرام تاريخـه الأسـود بجرمـه دليلـه " يمهل ولا يهمل " على مر الأيـام سوى ف"جاره" وأصبحت تستويله // // |
بنآت الإمآرآت // // لوكنت ماني من بنـات الأمـارات ودمي كويتـي والعـروق بدويـه ابوي زآيد داخلي حـي مامـات ودبـي بيتـي والبلـد حاتمـيّـه واللي يبي تفسيرها بيـن الأبيـات يلقـى غلاهـا محتوينـي هنـيّـه حبي لها نابع من الـذات للـذات يعيش فـي دمـي خليّـه خليّـه وشلون اصلا ً ماأفتخر كل الأوقات وانا أجوديه مـن ديـار أجوديّـه لبيـه يـادار السعـد والمسـرات ولبى قصيدك لا نكتب فـي يديّـه ولبى شعبها كل ساعـه وحـزات كنـا ربينـا مـع بعضنـا سويّـه صحيح ماني من بنـات الأمـارات لكن لهـا داخـل عروقـي حميّـه // // |
دوم إتـردد بيـن قلبـي وبينـي " إن ماخذيت اللي له القلب ميّال عقبه فلا آخذ كل رجلن يبينـي " يمكن بعيدن بالمسافـه والأميـال لكن قريبن بيـن قلبـي وعينـي أشوف به شيخن على كل الازوال إليـا لفـى فزولـه الحاضرينـي متسيّدن في وسط قلبـي ويختـال يملك حياتي بس وينـه ووينـي؟؟ اللي رفض كل العذارى ولاطـال إلا خفوقـي بالغـلا والحنيـنـي وشلون ابقنع خافقي لاالزمن مال إن الظـروف القاسيـه ماتلينـي وشلون ابرضى عقبها بأي رجال وشلون ابدّل نور عينـي بيدينـي دامه حفظني فـي عيونـه ولازال طيفه على طـول الليالـي يجينـي ابيه يذكـر كلمتـن دوم تنقـال دوم إتـردد بيـن قلبـي وبينـي " إن ماخذيت اللي له القلب ميّال عقبه فلا أخذ كل رجلـن يبينـي |
// // مظلمه في غيبتك كل الْكُويت والشوارع غارقـه بأحزانهـا والله انك يوم قفيت وسريت والسعـاده قفلـت بيبانهـا واهنّي دربن وطيته لا مشيت واهنّـي المملكـه وسكانهـا يسعد الله طلتك في كل بيت معلن الجيّـه علـى عربانهـا غرفتن قيّلت فيها أو غفيـت ليت عيني من حدى جدرانها فارسي لاغبت عني مارضيت مهرتك تبكي علـى ميدانهـا دلتك في مجلسك منها خذيت في يمينـي حاضنـه فنجانهـا ياوجودي كان طولت وبطيت وجد منهي تنتخي بإخوانهـا دامك فبالي وانا فبالك طريت المحبـه عـادلـن ميزانـهـا عجل الجيه ترا حال الْكُويت والشوارع غارقـه بأحزانهـا // // |
ياللي خذيت القلب وين إنت غايب؟! غطت علي نبض الطفوله تجاعيد أحتاج لك قلبٍ جروحه عطايب من يوم ماشحت عليه العناقيد ليلة جفا وافراق بين الحبايب لا وا حسافه حالنا اليوم ياعيد ياعيد قلي هالسنه ويش جايب موت الامل ولا ممات المواعيد البارحه من طاح دمعي غصايب ضحكت أخبي دمعتي والتناهيد البارحه هم وجروح وطلايب وقلبك يزيد غياب وعنادك يزيد للعيد فرحه في عيون القرايب إلا انت عندي شوفتك فرحة العيد // // |
// // الجرح ماترسم ملامحه الاقلام لاصار يكبر مالقى له طبيبي خله هنا بين المعاليق لا قام دمعي يوضح ماخفى ياقليبي وإلا انت ياللي من عقب غيبة اعوام قلي عقب طول الجفا وش تبي بي؟! أنا اعترف اني معك عشت بأوهام وخذيت من دنيا التعاسه نصيبي ياليتني ماقلت احبك من العام وأعلنت صدي في هواك ومغيبي قد قلت لك إنك حبيبي والأيام تمشي وأنا مابين دمع ونحيبي ومن يوم ماتت من سبايبك الأحلام ترا عقب ماصار من بـ (حبيبي) والعيب ماهو حب صادق ولا دام العيب ضاع الحب بأسباب طيبي // // |
// // ما انتثر دمعي علي حب وغرام لكن إنه انتثر ذنب وخضوع اسألك وعداد ماهل الغمام يا إلهي في سجودي والركوع لا دنا موتي عسى مسك الختام آآتشهد وأذكر اسمك في خشوع مو حرام ان مت لكـــن؟! الحرام من يصير بموتتي قلبه جزوع لابكوني من خوال ومن عمام وكل منهم تنثر عيونه دموع وش يفيد إن كثروا دمع وكلام [لامفر من الممات ولارجوع] اسألك ياللي عيونك ماتنام لا أنطفى عمري ولا باقي شموع تنقبض روحي وانا اصلي مدام إنتثر دمعي علي ذنب وخضوع // // |
// // والله اني يوم شفت قمت اغني "إيش جابك من بلادك لي بلادي" يآكلامن فيه ابو نوره تغنى يآنغم اوتار يعزفها عبادي يـ(أجمل) الاشياء في عين الخلايق من حسدهم يحفظك رب العبادي ياقديم الحب وإلا يا جديده أنت كل مره تجدد في فؤادي في غيابك ضاقت الدنيا عليّه والليالي طعمها ماكان عادي بين هم وبين غم وبين ضيقه والحنايا داخلي صاحت تنادي إبتعدت وخاطري بالحيل ضايق وانت مدري وش شعورك فـ(أبتعادي) قلت أبنسى وأثرني لاجيت ابنسى ماذكرت الا غرامك ياودادي في غيابك قلت لك مالك مكااانه والمشاعر وضعها صار اعتيادي ويوم شفتك خافقي صفق وغنى "إيش جآبك من بلادك لي بلادي" // // |
مـلـيت مـن جـر الـقلم لـلقصيده ...... ....... مـليت اعـبر عـن كبر ضيم بلواي لاهــو اسـتفاد ولاني بمستفيده ...... ....... لارتـحت مـن همي ولابوح شكواي قـالوا جـزيله قـالوا انـي فـريده ...... ....... قـالوا أبـبدع لادنـا وقـتنا الـجاي نـفس الـكلام الـلي مـضالي أعيده ...... ....... نفس الحروف ونفس الاحساس والرأي مـرات امـثل دوري انـي سـعيده ...... ....... مـرات ضـحكي تـسرقه نبره بكاي ومـرات اسـافر فـي قصيدي بعيده ...... ....... ومـرات اودع رافـعه كـف يـمناي ومــرات طـفـله لاتـغنت نـشيده ...... ....... صـوت الـبراءه كـلها بـس جواي دور الـبـطوله عـشتها بـالقصيده ...... ....... مـسرح قـوافي شـاهدن كل مسراي أتـقنت دوري فـي حـروفي وأجيده ...... ....... ومـع كـل هـذا مالهم غير هالرأي: "انـتي جـزيله انـتي فـعلا فـريده ...... ....... انـتي قـويه لادنـا وقـتنا الـجاي" |
*** وش جنينـا يـا خفوق مــن الحـيـات غـيـر عـمــرٍ مـــاوراه إلا الـتـعـب...... ....... نـوب نبكـي / نــوب نسـهـر مانـبـات نوب حب / ونوب نزعل من عتب...... ....... الحـيـاه أصـنـاف وأنــواع وصـفـات رحلةٍ ماهـي علـى حسْـب الطـلـب...... ....... طـاعـة الله مــع رسـولـه والـصـلات واهـنـي الـلــي حفـظـهـن واكـتـسـب...... ....... والله إنـــه مـاعـلـى الـدنـيـا حــــلات لونبـت فـي عشـب أراضيـهـا ذهــب...... ....... اخـتـبــارٍ لـلـنـفـوس الـعـاصـيــات مـن غــرق بذنوبـهـا يعـنـي رســب...... ....... فـــي حـيـاتــي أسـأل الله الـثـبــات وفــي ممـاتـي يغـفـر الله مـــا كـتــب...... ....... *** |
[من الصــدمات يـــاقلبي تــعلـــم] وخليني أبسكـت ماتكلـم من اللي صار يمكن بآتعلّـم يطيح الكون ماطاحت دموعي ولو قلبي من أحزانـه تألّـم انا والله ماجيتـك أبشكـي على كونن بعد فرقاه أظلّـم لإني مؤمنه باللي إنكتب لـي فلا يحتاج أشرح لك وأعلّـم أنا جيتك بقول إنه وحشنـي وعجزت إني بدونـه آتأقلّـم كلامه ضحكته حتى سكوتـه وكثير اشياء يومنـه يكلّـم هذاك إليا زعلنا يتصـل بـي وإلى مني سألته قـال أسلّـم مماته كان لي صدمـه كبيـره [ ومن الصدمات ياقلبي تعلّم] / \ /\ |
يالبى جنوننـا ولبـى غلانـا ...... ....... ولبى فرحنـا ولبـى شقانـا كأن اشياءنـا عنـا إتحـدث ...... ....... لكل الناس عن قصـه هوانـا هدايانـا سوالفنـا زعلـنـا ...... ....... وغيرتنـا ومحبتنـا ورضانـا وصرنا قدوة لكـل الحبايـب ...... ....... ولا يوصل احدهـم مستوانـا تعال اعلمك شـي ٍ جهلتـه ...... ....... وش اللي صار في ليلة جفانـا وضاقت ارضنا في كل حـاره ...... ....... ويحضن صدرها دمعـة سمانـا يعيش الكون نبضه وإوكسجينه ...... ....... على ضحكاتنا بليلـة لقانـا والى منّـا ابتعدنـا وافترقنـا ...... ....... يضيق لضيقتن داخل حشانـا انا وقلبي شقينـا فـي حياتـي ...... ....... شربنـا الهـم ماقلنـا كفانـا عسى حبك مع الأيـام يكبـر ...... ....... ويكبر حبنـا ويكبـر غلانـا |
سلطنة نوف تأخذك.. إلى حد الثمآله من إلتعب!! طمني على حالـك وحالـه ...... .......خفوقك في غيابي وش جراله ؟ تعوّد في غيابي عـ( التجافي ) ...... .......أو إنه ينتظـر منـي رسالـه انا للحين يا *نبضي / وحرفي* ...... .......على خبرك (تعب حتى الثماله) |
http://www7.0zz0.com/2010/05/03/01/611313645.jpg نوال غنت تشتكي خمسة جروح ...... ....... وانا جروحي ماوصلت لعددها لو بالطرب غنيت بيتين وتروح ...... ....... مير المصيبه صار قلبي بلدها |
//
الوله يكبر عقـب طـول البطـا ...... .......وإنت خلقه خافقي يوله عليـك صاحبي من قاعدة "أخْذ وعطا " ...... .......به تشابه بين بعت ومشتريـك ؟ كان مابه " صح " مافيها " خطا " ...... .......وكان مابه شوق ماجيت التقيك لو تَعْرف اللي بقلبي قـد سطـا ...... .......كان تعذر خافقي لاقلت ابيـك // |
وهنا جواب لـ من شكك في وجود شاعرات قادرات على أمتلاك زمام المبادره في ارتجال القصائد والغريب في الأمر أن بعض الشعراء كروه أن ينطقو للشاعرات عن شعرهن !! لكن شاعرتنا نوف الميموني تدحض نظريتهم بقول : من بيته من زجاج لايرمي الاخرين بالحجر * * * قلتها والهرج لا يصبح قضيّه بيت واحد واضح ٍ به مقصدي من يقول إن الشعر مابه بنيّه قلت أنا مافيه شاعر أجـودي |
لـ زالت شاعرتنا .. تتسيد بلهجة البدويه ومفرداتها الجميلة كـ سمح المحيا : : : الصباح بطلتـك رحـب وحيّـا يامراحب عْدْ همّـال المـزون ....... كل نبضة قلب يا سمح المحيّـا في غيابك صابها هم وشجون ؟ ....... |
قمة الابداع لا صغت القصيـده
...... .......من جروح ٍ داخلي عيت تطيـب وقمة الأحزان لاصـارت أكيـده ...... .......فكرة الفرقا معك يا اغلى حبيب والمشاعر لو ألمها من فقيده ؟ ...... .......مالها غيرك من العالـم طبيـب من قديم الشعر وايضا ًمن جديده ...... .......مالنا حتى مع الطيـب نصيـب ...... .......مالنا حتى مع الطيـب نصيـب ...... .......مالنا حتى مع الطيـب نصيـب |
بلاش من كثر الخرابيط ياهيه ماعندنا عيد ٍ يسمونه الحب ...... ....... *** زعلت ؟ بالطقاق وألفين طقاق ...... .......دربن يودي حضرتك لا يردك *** روحي على لقياك ميـر المخاليـق نقـاده ...... ....... وإن هل دمعي على فرقاك طبعي على الضيم معتاده ...... ....... *** يادموع الغيم يانبض الـورود ...... .......بلغ ابيات الشعـر بوصالهـا دام شعري يرتقي لذوق العنود ...... .......والله اني ما كتبـت إلا لهـا *** يطيح الكون ماطاحت دموعي ولو قلبي من أحزانـه تألّـم ...... ....... |
والله إني ماتفاخر في كلامي
...... .......بس قولي لازم إنك تسمعه بنت حر ٍ من رفيعين المقامي ...... .......مايطيع الوقت لكن طوعه |
"غضب" علم اللي من ورا ظهري تكلم ...... .......من يمارس لعبته دايـم خفـا لا تسلم لي عليه ولا يسلـم ...... .......بلغه وان كان شره ما كفا : "الرجوله مدرسه ليتك تَعْلم" ...... ......."بندها مايحتوي هرج القفا " ليتك بوضعك مع الدنيا تأقلم ...... .......لا مراجل لا رجوله لا وفـا |
البرد مايقتل تفاصيله الكوت ... .. لو تلتقي راحة يمينك بيسراك ياجارحي لو يختنق فيني الصوت ... .. الدمع طاح وسبته من خطاياك والجرح طبه مايجي غير بسكوت ... .. ليه أتكلم والحكي ضاع وياك كل الجهات الأربعه تلبس الموت ... .. دام الطُرق صارت تؤدي لـ فرقاك |
http://www7.0zz0.com/2010/05/03/02/445541230.jpg
"شف قهوة الكوت الذي ممتليها" والسينما ودروبنا والمحلات شف قمة الحزن الذي معتليها الدمع غطى الأمكنه والممرات |
..
دآمك رضيت بغير [..نوفــك..] حليلـــهُ مآلي مكآنه .. بنسحب من , حيـآتك ..{ بكره يجيني فآرســي فوق }..خيلــه..{ يبــي يلمــلم خآإآفقـــي من ..شتآإآتــــك ودآمـــه خذآنــي وآحـــدن بالقبيــله ..!! رح وأعتبــــرني وحــدتن مــن خوأإأتـك .. |
**
مو خطآي إلبعد وأيضــاً مو خطــآك إلخطــآ كله من أسبـــآب إلظـــروؤف تنــذرف دمعــة عيونــي في لقــآك ودهــآ تـرقد علي ذيـك إلكفـــــوووف إيــه أنا لوشفتنــي كلـــي }..معآإآك..{ [..دآخلي..] ضيقــه من الفــرقآ وخوف ** |
**
إنفعـــآلي ولدّه كثـــر المــلآم وصغتهــآ بيتين والمعنـى جزل دآم مـآهــزك قصيدي والكــلآم لآيهزك دمع من عينــي نزل؟! رآحت سنيـن المحبـه والغـرآم ولآبقـى غير إنت يآشعر الغـزل ** |
**
إليــووم مآنحسـب من أعمــآرنا شي [..عمري وعمرك..] نحسبه شهر سبعه قلي كبرنـآ بالعمــر لكــن شــووي }..رآبع سنه نطفي من الحب شمعه..{ ** |
**
إلصآحب إللـي كآن له بالحشـى شـآن وإللي وعدنـي بالمـوآقف والأفعــــآل كنت أحسبنـــه من ســلآيل محيـــلآن وطلــع مع الأيــآم مآهـو بـ(رجـآل) ** |
/
\ / إلحكي خلص ولا خلص..سكوتك يآمجآفيني علي أسبابٍ بسييييطه يآعقـآبي دآم أنا بالحـب نوتــــــك حدد المـوقع علي وجـه الخريطــه لآ تخليني بـلآ هرجك وصوتــك خآفقي همّـه بهاللحظـه يحيــطه مـوت فيني وبندفـن فيك وبأمـوتك للرضـآ حفلـنٍ نبي نقطـع شريطـه دآم "أحبك" والغلا قوتي وقوتك العبـآطه خلهـآ لنـآسٍ عبيطــــه \ / \ |
إلبارحه كنت أحتآجك ولاجيتك
إلبارحه دمع عيني غرّق أهدآبي إلبارحه مووت يومني تبآطيتك إلبارحه كنت أقرب لي من ثيآبي |
دمعتك عندي كبيـره يالعنـود
والله إني من سبآيبها أضيق كم فقدنآ "أم..وأباء..وجدود" كم فقدنا "أخ..وأحباب..وصديق" كلبونا ضيوف في هذا الوجود وكلنا نمشي علي هذا الطريق |
لآعآد تطري طآري إلبعد بشفآك
تضيق "نوفك" لآسمعت سيرتن لـه تكفى عشآني بالسفر هوّن خطآك يآواحدن عيني حشى مآتملـه لآتقول لي مده قصيـره وأبلقآك أخاف أصير بغيبتك مهرتن لـه إلسـآلفه لاطولت أبتعدااااك وترجع تلآقي في يدين خآتمن لـه |
وش فآيدة أشتاق لك وأنت تشتـآق
وغيري نصيبك وإنت غيرك نصيبي دآم النهـآيه وآضحه [بعد..وفراق] شآلفـآيده لآقلت إنك حبيبي؟! |
مآكنك إلا من غـلآ "آل مكتوم"
فقلوب أهل "دبي" واللي وراها يآقوم يآكل الشعر فيك يآقــوووم لآمن كتبته فيك قآم يتبآهى |
ليه يفصل هآتفك بينك وبيني
يوم أنا دقيت في وقت الفجر عآجبك هالوضـع يوم يصير فيني ينذرف دمعي ونبضي ينفجـر قآلها قلبي ودمعآتي بعيني [..إشحن الجوآل تكسب بي أجر.. |
حرام مثلك حبيبي يضعف بعيني
تعبت أقويك وأنت تقول لي مدري عودتني تضيع كل مره من يديني بالموقف إللي يحدد عمرك وعمري |
| الساعة الآن 08:13 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
