ياعزتي شومي عن اهل الرديات=وروحي لقومن يحتمون التوالي
ويامحمد اسمع هرجتي فـ المِقّبلات=ماجبت لك ياخوي حكي الهزالي
كب الحكي لاجات فعل ومروات=وارقى بفعلك فوق روس العلالي
ماينفعك لاجات صوله وجولات=حكيٍ تقوله دون فعلن يقالي
ارقا بفعلك لالفتلك مهمات=ولاخيرن في رجلن بليا افعالي
وصيت الجدود اهل الفعول القديمات=خله امامك لالفوك الرجالي
انته سليل اهل السيوف الشطيرات=اهل الكرم والجود بأول وتالي
ربعك مطير ان جا نهار البطولات=تزها بفعل جدودك أهل الجزالي
ربعك ليامن جات فـ الوقت صملات=مامثل فعل مطير .. وقت النزالي
وان جيت لـ الادنين .. هيهات هيهات=جبلان .. سقم الضدّ كرام السبالي
ثلاثة اشهر فوق ظهر المطيّاات=نارد على العد القراح الزلالي
صاهود لاجوّ في ظهور الأصيلات=وغينم .. يدحم جيش .. ولا يبالي
والدحمليه تشهد بفايتن فات=مانحمتي كود الصعاب الثقالي
نارد حياض الموت .. ويّعَزّ من مات=ويروح غالي .. ثم يجي عنه غالي
غنيت مافـ الجاش في عدة ابيات=وعديتها يومن جالي .. مجالي
صغير سن .. وماحسبت الخسارات=يكررم جنابي عن علوم الهزالي