|
.....ألم الفراق.....
ان من أجمل أيام العمر هي أيام الدراسه وخاصه الجامعيه ومازلت أعيشها-لكن اللي يحزن القلب هو ذلك الفراق اللي يكون بين اثنين عاشوا على الحلو والمر على الزين والشين لكن هذي هي الدنيا تفرق ماتجمع-ولقد فارقت رجل هو أعز انسان عرفته بعد ماكنا في شقه واحده بل في غرفه واحده وذلك بعد تخرجه من الجامعه--هيجتني الفرقى وقلت هذي القصيده:
أقول فيها: يابو مطر ليت الليالي تعودي...ليت الليالي ياابن الاجواد تنعاد خلن طرا ياعل قدره يزودي...وياعل ذكره فوق هامات الامجاد هذي هي الدنيا تذل وتسودي...هذي هي الدنيا حكايات تنعاد أكتب قصيدي والخافق يجودي...أكتب قصيدي والقاف من آآد العمر رحله والتجارب حدودي...والعقل كايف والوله تو مازاد ياراكبن من فوق جمسن يقودي...بلغ سلامي لعريبين الاجداد قله ترى طيرن بليا هدودي...مقيدن مغبون و للخرب ماصاد وقله ترى رجلن كثير الرقودي...يتعس في هالدنيا وقليل مافاد وقله ترى رجلن غلج حقودي...ينبذ في هالدنيا ولو جاد ماجاد يالله يامعبود يامنش وجودي...يالواحد اللي له الخلق ينعاد تكتب لي اللقيا بفرقى ودودي...راعي الوفا والجود مقطوع الانداد ياعل عمرك يابن يابس ورودي...ويفرش لك الريحان والمسك والكاد وياعل ربي من فضله يجودي...ويعصمك عن دروب الخنى والالحاد ويرزقك عشق صغيرات النهودي...في جنة الفردوس وتنساق منقاد هذا قصيدي يابن يابس وفودي...وختامها مسك والحوض ميراد .........."اليابس"اسم العائلة للذي قيلت فيه القصيده...... (((الجبليييييييي)))) |
هذه هي الحياة لابد من الفراق فهي لاتعرف القريب من البعيد... أشكرك على القصيده الاكثر من جميله ورائعه وبالتوفيق... |
صح السانك يالخال
|
صح السانك يالفداوي .. ولاهنت . . !
|
صح صح صح الله الســــــــانك وصح بوحك وقوافيك
اشهدنك شاعر بكل ماتعنيه الكلمه ووالله اني اقرى القصيده وتوقفت عند هالابيات الرائعه وقلت الللللللللله من الاعماق: هذي هي الدنيا تذل وتسودي...هذي هي الدنيا حكايات تنعاد أكتب قصيدي والخافق يجودي...أكتب قصيدي والقاف من آآد العمر رحله والتجارب حدودي...والعقل كايف والوله تو مازاد ماشاء الله عليك شاعر جزل وبداياتك موفقه اتمنى لك التوفيق -تقبل مروري وخالص تحيـــــــــاتي |
صح أبدانكم.......ومروركم الاروع......
أما بالنسبه للاخت دمعه فأقول:ان تغيير توقيعش هو الاروع والاجمل..............!! |
صح السانك
وضم صوتي لصوتك للاخت دمعه وياليت البنات يحذون حذوها |
الله عليك
لاخلا ولاعدم وتسجيل متابعه |
هههههههههههههههه
الظاهر توقيعي مسبب لكم ازمه بالمنتدى ههههههههههه شكرا لكم ع الكلام الي قلتوه |
الله عليك
صح السانك ولاهنت |
صح لسانك
وعلى قولة القايل عاشر من تعاشر لابد من الفراق تحياتي اخوك بن معرقب |
| الساعة الآن 03:43 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
