مرثيت تركي 2000 على اشاعر الكبير عبدالله العير رحمه الله .
 

هذه القصيدة للشاعر عبدالله العير قبل وفاتة ( رحمة الله علية ) وهو يرثي نفسة وذلك عندما أحس بدنوا أجلة قال هذه القصيدة ...



إن مت عزوا لي مرامي ووجدان

*********** وبكوا على قبري ليالي طويلة

ابكوا وبكوا لي معاكم كحيلان

*********** وخليف شيال الحمولة الثقيلة



مرام ووجدان هما بنات عبدالله العير وكحيلان هو جمل عزيز على قلب الشاعر .



هذه بعض من القصيدة لأن القصيدة طويلة لا يسعني ذكرها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ



تركي 2000 يرثي الشاعر عبدالله العير بهذه القصيدة وهذه القصيدة تعبر عن مدى تأثر تركي بوفات عبدالله العير





لو الدموع ترد عبدالله العار

*********** والله لبكي لين عيني تشوفه

ويبكي معي صفة قبايل وشعار

********** ورجال من بين الرجال معروفه

لكن حكم الله ما يمنع ليا صار

********** وأمره على اللي يقصده ما يطوفه

مرحوم يا للي لك معزة ومقدار

********** يا الصاحب اللي موت مثلك حسوفه

عساك في الفردوس مع سيد الأبرار

********** وعسى سنين العمر فيك امخلوفه

اخذت لك في صفحة الشعر مشوار

********** وبنيت بيت معجزات وصوفه

ولك وقفة تشهد لها كبار وصغار

********** لا صار نهارا فية صولة وجوله

كنك معي في المعركة سيف بتار

********** لن قيل كلا نجدتة من سيوفه

اثقل من الجولان والضلع سنجار

********** لا هب طيف الشعر واقبل صفوفه

عليك قلبي فيه جمرة من النار

********** ورحيلك اللي ولع النار جوفه

اجاذب الونات والدمع عبار

********** وضلوع قلبي من بعدك مكوفه

يا ما بنينا للمعزة من جدار

********** ولكل للثاني يشرف وقوفه

واليوم راحت بك صواديف الأقدار

********** وبنت الهواء صارت بعدك معيوفه

لكن مالي عن وصيتك معذار

********** والعزوة اللي بالفعول معروفه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ



{ كل من عليها فان ويبقى وجه ربك ذو الجلال والإكرام } صدق الله العظيم



إنا لله وإنا إلية راجعون

الله يرحم عبدالله العير


ويرحم جميع اموت المسلمين



اثرت فييني قصيدته .. جعله الله في جنان الفردوس


وصح اللسان الالفين ومن نقلها


لاهنت يامحمد



خالص التقدير

أخوي محمد الحصيني لاهنت على النقل والله يرحم العير ويسكنه فسيح جناته.

شكرن لمرووركم على النص وانشاءالله نال اعجابكم
تقبلو مروري / محمد الحصيني

أخووي محمد الحصيني ياليت لو انك نزلت هذه المشاركه بالعام يكون افضل على ماأظن.

تسلم يا محمد الحصيني علي هالوفاء الغير مستغرب منك

تجاه أحد رموز شعر المحاورة و شاعر مطير الأول في

مجاله رحم الله الشاعر الكبير عبدالله العير و أسأل الله

له الرحمه و المغفره

بعيد الهقاوي افرارت الاعضاء والمشاركين واجد ماهي مختلفه وانا اخوك

وشكرك على توجيهتك يابعيد الهقاوي


تقبل مرور اخوك /محمد الحصيني

يالربع القصايد المنقوله تكون بالقسم العام

يافهد ياخوي ترا ربعك عليميه ولانعرف شلون نعرف المنتدى ونعود بس

محمد الحصيني . .


الله يعطيك العافيه / اولاً "


ثانياً /


انا اشرح لك :)


قسم " همس القوافي "

لقصائد اعضاء المنتدى فقد !!

وفي موضوع مثبت بالقسم " قوانين للقسم هذا "


طيب

قسم " الشعر العام "

هذا للقصايد المنقوله او القصيده اللي تعجبك وانت منت شاعرها تحطها هناك !!


مثل مرثية تركي 2000 تكون " بالشعر العام " ..


ثالثاً واخيراً /


شكراً لجهودك المبذوله بالمنتدى . .


ولاهنت . .


واتمنى لك دوام الصحه والعافيه . .


الى الامام دوماً يابن حصيني !!

:)

..

..

فهد شوي شوي بغيت تاكلني من واحد لحد ثلاثه واجد ياخوي
كككككككككككككككككككككككككككككككككككككككك
1
انا مالي خبره بسوالف هذي
2
القصيده ماهي لي لتركي 2000
3
العفو عند المعذره وسامحن ياخوك
4
ماعندي شين اقوووله
5
مع السلامه وبيض الله وجهك
كككككككككككككككككككككككك
ابشر ابشر يابن دبداب اشكرك على توضيحك

شكرن علىى نقلك للقصيده يابو عبدالله ,, تقبل مروري ولد عمك علي الحصيني,,

رحمة الله على عمي الشاعر الكبير عبدالله العظيله

ويشرفني انه عمي ويسعدني هالشي بقولة عمي


عمي لامن شاف همي غلبني --خفف على قلب المعنى بلاويـــــــه


صح الله السان تركي الفين ماقصر

وسلمت يمناك يالحصيني على نقلها لنا


بصراحه ابيات مؤثره

محمد الحصيني

تسلم اول شيء على النقل

وثاني شي

عبدالله العير شاعر مطير في المحاوره رحمه الله وجعل قدره في الفردوس الاعلى

ولا نستغرب الوفاء بين شعار قبيلة مطير

وشكرا لأبو رهف تركي الميزاني على هذه المرثيه الجميله

وطاب فالك يامحمد وياليت تنقل للقسم العام

تقبل مروري

ولد عمك جزاع بن كويعب