،، ــــــــــــــ دم العــين ـــــــــــ ،،
 

مسائكم الله بالخـير


لا املك عذر للغياب ولكن املك هذه القصيده التي اسال الله ان تشفع لي امامكم


قصيده تحكي مناسبتها قبل ان احكيها لكم ،،

ياسعود مــ بالوضع ياسعود تغيــر
ــــــــــــ صاح الجنوب وضاق لاجله شماله
..
ياسعود ماني بخــير لو قلت لك خـير
ــــــــــــ هذا الزمـــن عيبــــه يبكي رجاله
..
هذا الزمن مايرحم صغـير وكبيـر
ــــــــــــ ياكم عودً دم عيـــنه عيـــــاله
..
وانا كتبت اللي كتبته وانا صيـر
ــــــــــــ شاعر يترجم مايشوف بجــــزالــه
..
سقت الركايب علها تارد البيـــر
ــــــــــــ وتروي غليل اللي دموعه همـــــاله
..
مثل السحايب فوق خـده مزابيـر
ــــــــــــ وحد الثماله الحــزن حد الثمـــــــــاله
..
والطير لو يكفخ عجز يكفخ الطيـر
ــــــــــــ وش حيلـــته والموت نوخ جماله
..
بسبـة اللي ساق عمــره على الغيـر
ــــــــــــ ويجني ثمار العمــر ، شر وجهاله
..
والغير ، لو تدرون في وضعهم غير
ــــــــــــ هم الضنـا يوم الضنا راس مـــاله
..
شايب وصاح بعالي الصوت ويشير
ــــــــــــ الله حسيب اللي ظلــــم في حلالـــه
..
ثم شدني والدمع في عينـــه يحيـــر
ــــــــــــ وتحكي عيونه قبل يحكي فعـــــــاله
..
قال القطاعه ، دابر الشر يا اميـر
ــــــــــــ وهذه نتائج مازرعت بخمــــــاله
..
امي وابـوي ، ومالقيته وانا صغيـــر
ــــــــــــ كله نسيته ، بالشباب وكمــــــــاله
..
قاطع وقلبي صد عن وصلهم ميــر
ــــــــــــ شفت الجزاء واللي لقيت بوصاله
..
ياهيه ، كانك تفهم العلم لاتصير
ــــــــــــ مثلي وتلقاء ماحصدت بليالــــه
..
ثنتين وافهم ما اقوله بتبصيـــر
ــــــــــــ امك وابوك ، اللي عليهم جماله
..
ومسحت انا دموعه بليا معاذير
ــــــــــــ ومفطور انا قلبي من الي جراله
..
انشهدً مايعفي الذنب تبريــــــر
ــــــــــــ لا والذي ارسل علينا الرســاله
..
ياعم والدنيا مصايب وتعبيــــر
ــــــــــــ والله كريم ، ويعفي اللي عنـاله
..
قد قالها في محكم القول تفسير
ــــــــــــ من تاب تاب الله عليـه وهدالـه
..
ياسعود والاشعار عبر وتفاكير
ــــــــــــ و ( العـاق ) والله لاتقطع حباله
..
ياسعود والي صار في غيره يصير
ــــــــــــ وياكم عودً دم عينــــــه عيــــاله

وسلامت عيونكم

ابن جاعد الجبلي

..
مثل السحايب فوق خـده مزابيـر
ــــــــ وحد الثمال ه الحــزن حد الثمـــــــــاله

صح لسان شاعرنا وحبيبنا فارس الذي افتقدناه طوال تلك الفتره الماضيه. ونقول ياعسى مانفقدك من شر.
الشاعر فارس شاعر غني عن التعريف. وأحد أفضل شعراء المنتدى.
صاحب ابيات جزله وفكره فنية مكتمله وهو غني عن تعليقي .
فهو شاعر بحق ونفتخر بوجوده ونقول كان الله في عونك ومرحبا فيك اخونا ومرحبا بإبداعاتك مرة أخرى.

مطول الغيبات جاب الغنايم
صح الســــــــــــــانك مليوووووووووووووون يا فــــــــارررررررس
قصيده في غاية الروعة تسلم ايدك على هذي القصيده التى تعتبر عبره ونصيحه لكل رجل

تقبل مروري / فــــــــــــلاح الــــــــحــــــصـــــــيــــنــــي

ياسعود والاشعار عبر وتفاكير
ــــــــــــ و ( العـاق ) والله لاتقطع حباله
..
ياسعود والي صار في غيره يصير
ــــــــــــ وياكم عودً دم عينــــــه عيــــاله

..............
فاارس صح لسااانك
قصيده جزله وموضوووع مهم
الله يجزااك كل خير
اخووي
ودمت بهالجمااال

فارس ابن جاعد . .


مرحبااا مليووون . .



اسفرت وانورت واستهلت وامطرت يوم جيت يالقرم !!



صح السانك مليووون ولاهنت



قصيده مؤثره .. وعبره


شكراً لك


..

..

فارس ابن جاعد
مرحبااا مليووون
اسفرت وانورت واستهلت وامطرت


قصيده في غاية الروعة تسلم ايدك على هذي القصيده


وصح السانك ولاهنت





تقبل مروري









تحياتي


|--*¨®¨*--|أحٌـٍبٌٍك لٍٍُوٍُ تٍُحٍُبٍُ غٍُيٍُرٍُيٍُ|--*¨®¨*--|