|
!~¤§¦ ساحر الكلمه .. متعب التركي .. ¦§¤~!
http://www.up.00op.com/data/visitors...1024328582.gif
ساحر الكلمه بالفعل هو ساحر الكلمه ....((( متعب التركي ))) لقب اطلقته بنفسي عليه واستفردت به ... هو يستاهلها فمن يرى قصائده يقف امام كل قصيده ويتامل كل بيت كيف صاغه ..... هنا .. سوف اجمع قصائد الشاعر الكبير متعب التركي اللي عندي وحافظتهم .... وياليت كل من يعرف قصيده للشاعر متعب التركي ... او من جديده ان يضعها هنا لتكون هذه الصفحات مرجع لمحبي و معجبي هذا الشاعر ... شاعر ليس لدي معلومات كثيره عنه ... معلوماتي جد متواضعه واللي عنده معلومات عن هالمبدع يا ليت يفيدنا ... فهذه الصفحه لمتعب ... ساحر الكلمه .. الاسم .. متعب التركي .. اللابه .. مطير .. من العبيات .. السكن .. حفر الباطن .. العمل .. موجه في التعليم .. و الان ابدأ .. من اشهر قصائده ... (( غلطه وغيري من خطاي استفادي ))
نسيتني علمني وشلون ابنساك =في هالزمن نسيان الأحباب عادي شلون لأمرت علي البال ذكراك =وطيفك سرق مني لذيذ الرقادي وشلون لاقالوا لي الناس وش جاك =من كنت في لذة منامك تنادي شلون أعيش اللي بقالي بلياك=لامن غدينا كل واحد بوادي لو قلت أداوى جرحي اللي تباطاك =ماكل جرح يفيد فيه الضمادي أعلنت حبك لين كلٍ تمناك =غلطه وغيري من خطاي استفادي لولي مثل قلبك تمنيت فرقاك=واكيد قبلك بالجفا صرت بادي حلوه عذاريبك وحلوه مزاياك =حتى بيوم فرا قنا كنت هادي كن الليالي ودها تكسب رضاك =وآنا يطول مع الليالي جهادي في ذمتي ماهي غريبة خطاياك =مبطي وقلبك لو تنبهت غادي سهله علي من كان مثلك وشرواك =مثل الثياب يغيرون المبادي علمني اكره ذكرياتك وطرياك =وانسى من الليلة صدوق الودادي ولاني بقايل عقبها وين ابلقاك =راضي ولو إن جروح قلبي جدادي وإلا القصايد جعلها من فداياك =لبستها مبطي ثياب الحدادي باكر علي المخطي يدورون الأفلاك =ونشوف من يصعب عليه البعادي لي عوده ... بقصائد اخرى .. تحياتي .. اخت القمر |
http://www.up.00op.com/data/visitors..._399316989.gifhttp://www.up.00op.com/data/visitors..._399316989.gifhttp://www.up.00op.com/data/visitors..._399316989.gif
(((((( وين هالغيبه )))))
وين هالغيبه عسى ماهي إفراق = ليه تبخل بالمجي خلّك كريم خابر ان الجرح لا صابه حراق = ما يفيده طبّ والله العظيم ينشدوني وين من رمشه دقاق؟ = قلت مدري ذاك خبري به قديم الغلا راعيه له قلبن رقاق = لو جفيته صارت ضلوعه هشيم لو زعل لو شال غيضه واستضاق = ما يخرّبها وجرحه بالصميم ادمح الزلاّت زلاّت الرفاق = خصّ لا من صار راعيها حشيم واكره الخوّان كرهي للعراق = واعشق الوافين عشقي للقصيم عند اهلها غاليه وضح النياق = وانت عندي يمكن اغلا يا وسيم ان بغيت افراقنا هاك الفراق = وش نبي بالحب دام الحب ضيم؟ http://www.up.00op.com/data/visitors..._399316989.gifhttp://www.up.00op.com/data/visitors..._399316989.gifhttp://www.up.00op.com/data/visitors..._399316989.gif |
يعطيك العافيه اختي اخت القمر
على هالموضوع الطيب وان شاء الله نعينك ونعاونك على الجمع تقبلي شكري وتقديري واحترامي اخوووك الجارح |
اهلا فيك ياخوي الجارح ...
مرورك اسعدني اخي الكريم ... ومنتظره طلتك بقصيده لهالمبدع ... http://www.up.00op.com/data/visitors..._990688004.gif تحياتي لك .. اخت القمر |
قموووووره
مميزه داائمااا بالاختيااار والتنسيق واسلووب الطرح روووعه داائمااا متعب التركي يستحق هاللقب ساااااحر الكلمه دمتي بهالجمااااال والتميز يالغااااليه |
الروعه مرورج يالغاليه جمره ...
دائما طلتج على صفحاتي تخجلني بكلامج العذب ... شكرا لمرورج يالغلا .. تحياتي لقلبج .. اخت القمر |
http://www.up.00op.com/data/visitors...1499924530.gif (((( لا تنشغل فيني ))))
لاتنشغل فيني أنابحالي ادرى = قلبٍ تعلّق فيك ينسى مع الوقت اكثرمن اللي صارلي ويش يجرى =بين الرجاوالياس فكري تعلّقت مثلي ولوشفته عن همومه ازرى = ماقال ليتك في جروحه ترافقت هاك القصايد لاتضايقت واقرى = شف وشكثرفيها لبسماتك اشتقت أثرالوفا ينباع عندك ويشرى =ماكنت اصدق فيك واليوم صدّقت يامشتهي فرقا المواليف حذرى =تبعد وأنا من سكرة الحب مافقت لاطافت الفرصه تحريت الاخرى =وتروح ماكني عليها تشوقت ساري لو إن الليل مافيه قمرى = اشيل من حمل الهوى فوق ماطقت لاصارحظ أقشروالايام قشرى =مافيه احد عاقل يلومك إلياضقت صحيح بعض الناس فرقاه بشرى=وبعض البشرلاغاب ليله تضايقت ليتك خذيت بليل الاحباب مسرى =غربت من كثر الطواري وشرّقت السيل يبقاله على القاع مجرى =ويبقالك التذكارلوكنت فارقت اشوف لك من وين مارحت ذكرى=ولاشفتها صديت عنها ودنقت ماكل جرحٍ لاخذا أيام يبرى =بعض الجروح يزيد شره مع الوقت http://www.up.00op.com/data/visitors...1499924530.gif |
الله على هالذووووووووووووووووق
جد روعآت من روآئعه صح السآنهـ ويسلم قلبك يالغلآ لآعدمنآ روعتك |
خيتووو جنون الحب ...
الروعه مرورك غاليتي ... عساني ماخلا من هالطله .... تحياتي لاحساسج .. اخت القمر |
http://www.up.00op.com/data/visitors..._948189991.gif http://www.up.00op.com/data/visitors..._948189991.gif
قالوا حبيبك يسمع الشعر قلت إيه = يقراه بعيوني قبل تسمعونه http://www.up.00op.com/data/visitors..._948189991.gifhttp://www.up.00op.com/data/visitors..._948189991.gifلولاه حتى طاري الشعر مابيه =مير اكتبه من شان خاطر عيونه هو روح شعري وامنياته وماضيه=جذع الشجر وش كان لولا اغصونه اكتب لغيره والقصايد تجي فيه =كن القصايد حالفه ماتخونه هذاك لامنه زعل قمت اهاديه =حتى وهو مخطي تعذرت دونه يمكن لوانه يلمس الجرح بيديه =يستغرب ان اللي لمسها طعونه ابطى وهو غايب وزلت حراويه =وأنا من العام اتحرى مزونه هومادرى اني في غيابه محاتيه =ليته نشّدعن حالي اللي يجونه وقلبي اللي توه افلت عراويه =كيف انسرق وضلوع صدري حصونه عجزت ارده كن ماني براعيه =يوم انتثر شوقه وهاضت اشجونه يبسن عروقه لكن اللي يعزيه =ان اكثر العالم تردد لحونه خافوا من الله لاتجيبون طاريه =لاصرت انا موجود لاتذكرونه لو كل غالي جابه الله لغاليه =ماشفت لك مخلوق تبكي عيونه |
الله الله
متعــب التــركي شـأأعر مبدع وصح لســانه ولا هنــتي عـلى نقــل القصـأأيد واخــتبـأأر مـوفق وذي قصـيدة له ما ..ماتت أشواقي .. ولا قلت مابيه = هذي مداهيله .. وهذا مكانه هو الوحيد اللي .. ليا حل طاريه = أشفق على كلمة غلا .. من لسانه لاقالوا تحبه من القلب .. قلت ايه = حبه بوسط القلب .. مثل الامانه الله يلوم العاذل .. إن لامني فيه = وضيّق بطان .. اللي وسيعٍ بطانه عزالله اني .. طول الايّام مغليه = مضنوني .. وبيني وبينه ميانه ياكثر ماأرضاني .. ويزعل وأراضيه = مافارقه يالين .. تضحك ثمانه :) بيني وبينه .. ماتدوم المشاريه = يومين والثالث .. يردّه حنانه :))))))) أحلى ليالي العمر عندي .. لياليه = وفرقاه ياشينه .. وصعب أمتحانه أحيا ليا عانق يديني .. بياديه = وأموت لو يطري .. الغدر والخيانه البارحه .. قالوا من اللي تناديه = مدري أسئلوني ضحك .. والاّ لعانه صديت أجاهد في غيابه .. طواريه = وأجاذب طيوفه .. وأعاتب زمانه أكذب على نفسي .. ليا قلت ناسيه = اللي كتبت أصدق قصيدي .. عشانه :)) |
لاهنت يا الملكع على المرور الروعه ...
لاعدمنا هالطله وبيض الله وجهك على القصيده .. تحياتي لمرورك الطيب ... اخت القمر |
مفتوح باب الرجى لو هب مليون ريــــح..والريح ما ناخذ الغرسه من عروقهــــا
القوس مكسور والرامي يقوم ويطيـــــح..والسهم منعاج والايام خازوقهــــــــــــا لو لبسوا ساقط الهرج ثياب المديــــــــح..قلنا سحابه وبلت يابس حلوقهـــــــــــــا يا حادي الركب لا توده عليه وتصيــــــح..ماعاد هي سالفة ليلي ومعشوقهــــــــا مديت شوقي وشفت الكون رحب وفسح..والارض حدر المواطي والسما فوقهــا مادام عين الرضا ماها هماج وشحيــح..ابتبع الغيمه الي رفة بروقهـــــــــــــــــا مدري عن المقبله لكن عسى الله يبيــح..الي تهز القلوب وهزني شوقهـــــــــــــا غنيت للحب ولسان المحبه فصيـــــــــح..والبدو سبة غناها ضيقه خلوقهـــــــــــا باكر يروح الشتا والثلج قصره يسبــــح..ما يفضح الثلج غير الشمس وشروقها |
وش ينفع اليوم لو جيتني بليــــني ×× كسر الخواطر مصيبه من يجبرها
روحي وخلي جروحي منك تدميني ×× والسالفه لو يطول الوقت ابسترها واليا ســــألوك وش بينك وبــــيني ×× قولي حياتي قصيده كان شاعرها |
السلام عليكم
انا سمعت ان متعب التركي التزم و وخر عن القصيد والشعر و تقبلي هالمشاركه و مروري :) |
الله الله عليك ياخوي مستر ...
مرورك نتقبله ونص ابدعت بما اصطحبت معك من قصائد .. و المعلومه اللي قلتها سمعتها لكن مدري عن مصدر الصحه ياخوي و الله يتمم عليه ويثبته بطاعته ... لكن يضل سااااااااااااااحر الكلمه ... لاعدمنا مرورك يا مستر جبل .. لاهنت تحياتي .. اخت القمر |
الله الله عزالله انه شاعر مبدع وبحر بلقصيد
قالوا حبيبك يسمع الشعر قلت إيـه....!! يقـراه بعيونـي قبـل تسمعـونـه.....!! تقبلي مروري واخلص تحياتي اخوج مـ ح ـمد الـ ح ـصـيـني الـ ج ـبـلي |
هلا بك ياخوي محمد... نورت متصفحي ...
شاكره مرورك العطر .. تحياتي .. اخت القمر |
يـــــــوم طاب الســـهر عيت تطيب النفوس&&جت من الله وانا كم كنت محتاجهـا
كنــــــــــها من حلاها كل لـــــيله عـــروس&&خايفه من عيون الناس واحراجها حي هالطـــــول يازول عســــــــاه محروس&&من عبث لوعة الايام و ازعاجهــا تزعل نفوس و الا تمتلي غيـــــــــــظ روس&&من يقرب لها وضلوعي سياجهـــا لا متي وانت ياشـــــــــوق القلوب محبوس&&طالت السالفه و ابطيت بعلاجهــــا جعل قلب علي نار الغايب محمــــــــــــوس&&يحترق بين صاليها و وهاجهـــــــا من خبرله غلا بين الضـــــــــلوع مغروس&&غرسة كلبو شعري من انتاجهــــا لا تقرب لك الفرقــــــــــــــا هذيك الهجوس&&من متي والبحور تفارق امواجهـا لازم اصبر علي وجه الزمان العبـــــــوس&&لين سود الليالي يضحك احجاجهـا من بــغى يقطع الفرجه يعــــــاف الجلوس&&لين ياصل نهايتها و مخراجهـــــــا كان شعري قصر ما طال شمس الشموس&&تستريح القصايد داخل ادراجهـــــا |
لاهنت يا مستر ... لاهنت .. (( دليل المحبه )) http://www.4nw.net/get-4-2008-65s0s5a5.gif
دليل المحبه شوف عيني عليك تغار = ولاودي الحاسد عيونك يطالعها مع إنك رحلت بعيدلكن بقى التذكار = لياشافته عيني تسابق مدامعها دفنت الغرام بخافقي والقلوب أسرار = مشاعرهقيت إن الليالي تضيعها فرحت برجوعك ماطلبت لخطاك اعذار = ونفسي نست ماجرى من تواضعها تهادت مشاعرخاطري لك بلا معيار = تجاهلتها لوكنت خابر دوافعها يقولون جنّب درب مالك معه معبار = يلومون نفسٍ بعدالاحباب موجعها يقولونها قبلي يخون البحربحّار =والآمواج لاهاجت خذت ماتبي معها تكاثرت منك الصد وأثرالعلوم كبار =لقيتك على نفسي تقلّب مواجعها اقوله وأنا اللي شفت ذاك الغلا ينهار = يشوف الندم رجّال نفسه يطاوعها مثل ماضرب جّوٍ خلاغادي محتار =يدّوج ورجله مادرى وين موقعها تعرض سموم القيض والدارمامن دار = هليك وشعربالموت روحه ينازعها جحدت الغلا لين امتلا بالخفوق وثار = قصايد عساها اليوم تطرق مسامعها غرامك مثل نارٍ حطبها الغلا النار = تموت وغلاك اللي بقلبي يولعها غلاك بضميري واضحٍ ماعليه غبار = تشيل الغلا نفسي وأنا عاجز امنعها يقولون ماودعّك : قلت الفراق وصار = والإنسان روحه تنسلب مايودعها ! هذيك الليالي وين أثرالزمن دوار= خذاها ولاظني زماني يرجّعها طوتها السنين ولابقالي سوى التذكار = لياشافته عيني تسابق مدامعها http://www.4nw.net/get-4-2008-65s0s5a5.gif |
الله الله وش هالابداع يا اخت القمر
مميزه دائما طرح غايه في الروعه وفكره أجمل استمتعت بابداع الشاعر متعب التركي تحياتي لك ولشخصك الكريم |
اخوي بكيفي لاهنت على المرور الجميل ..
والكلام الاجمل ... لاعدمنا طلتك ... تحياتي .. اخت القمر |
| الساعة الآن 11:37 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
