|
خسارة يا بو فهد
للاسف ان ابو فهد طرقي سعود المسيب
لم ينجح في فرعية مطير وخرج منها بالمركز الخامس وكنا نتمنى يطلع جبلي واحد بس الامل كبير بمنصور محارب |
افاااااااااااااااااااااااااااااااااااااااااااااااا اااااااااااااااا
هل هذا خبر اكيد ياخوي بدر ؟؟؟؟؟ ارجو الرد ... |
الخيره فيما اختاره الله وابو فهد ماقصر
والخير في اللي باقين انشاء الله شكرا على ايراد الخبر تحياتي لك |
ااااااااه يالقهر بس .. هالفرعيه فيها تخاذل ونكران .. وحسبي الله على اللي خذلنا وخذل بو فهد ... وعشمنا بالصوت وما صوّت ...
وطبع التسامح والصدق والوقفه بـ شرابــة الهـــوااا ........... بالنهايه .. عسى فالهم التوووفيق ... الاربعه اللي طلعوو ..... بدر بن لامي عساك عالقوه وما قصرت تحياتي قوتشي |
أستشهد بقول الله عز وجل (وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون ) الحمدلله الحمدلله الحمدلله على كل حال وقدر الله وماشاء فعل وبالعكس اللي انجحوا أخوانا وبني عمنا والله يوفقهم لما يحبه ويرضاه وأنا أعتبر أن الجبلان لم يخسروا بل نجحوا لأنهم أتفقوا على رجل من رجالاتهم حينما أختلف الأخرون ونتمنى أن تتم مثل هذا الأجتماع والتزكيه في شتى أمور الجبلان والمقبلات أكثر إن شاء الله .......... والله ولي التوفيق ....... بدر اللامي لك كل الشكر
|
والله من دبله جبدي من امس
المفروض يعيدون الفرعي لنه في صناديق صادروها وحياك الله يابو صاهود |
لا تحزنون يا أخوان
يكفي الجبلان هذا الاتفاق علي أحد أبنائهم يكفي الجبلان الوفاء و الصدق و الالتزام بالكلمة يكفي الجبلان فخرا بأنهم نجحوا العلاوية و لم يتخاذلوا عنهم و ليتهم بادلونا الوفاء بالوفاء حسين قويعان حصل 1000 صوت من الجبلان وحدهم و يستاهل و لكن ماذا حصلنا في المقابل و الوعلان حصل علي 1000 صوت جبلي و يستاهل و لكن ماذا حصلنا بالمقابل و الصوت الرابع دار بين بني عمنا كلهم أعتقد أن خسارة أبوفهد و الجبلان سببها ربما الطيبة الزائدة و عدم وجود الخبث السياسي لدي الجبلان و بالتالي من المستبعد وصول جبلي في المرات القادمة فالنجاح بهذه الظروف يحتاج ربما لعشرين ألف صوت و بالتالي لابد تواعد هذا و تواعد ذاك و تأمل هذا و تأمل ذاك لكن هذه التصرفات ربما غير موجوده في قاموس بني عمي الجبلان أتمني أن لا يفهم من كلامي هذا أنه موجه لأحد بعينه لكن هذه اللعبة و هذه قوانينها و فعلا اللعبة السياسية قذرة و سبق أن شربنا من كأسها أكثر من مره |
انا معاك بكل كلمه تقولها اخوي
وكلامك ميه ميه وانا ايدك وتقبلو مروري |
يعني صج ... <<<< للحين موفايقه من الصدمه اسمع الخبر واقول لا اشاعه ..!!!!!!
واللي حصل بالفرعيه ونتائجها ... <<<< لا تعليق ... صحيح الخيره فيما اختاره الله ... و يابو فهد كلمه وتراها صغيره في حقك .... اعرف ان المجلس هو اللي خسرك انت ما خسرته ... و مرشحينا الباقين اتمنى لكم التوفيق ... و فالكم الكرسي .. تحياتي .. اخت القمر |
يــريــاجيل ابــو فهد اسادس ولاكن مايعذرب بشي
دام راح الكــرسي يــم امــطــيري ويــجــيب الله مــطــر |
مبروك يا بو فهد والله انك بيضة الوجه ونشكر اخوووووووونا مبارك الوعلان الدي تحالف مع هايف ورجا ضد ابو فهد وللعلم اتى الي الكويت قبل يومين امير الملاعب ولبيب بلاشارتي يفهمو وانا الي صار هدا شي لازم نعتبر منا وماقدر اقول بنهايه الى اتقي شره من احسنت اليه |
محمد الحصينى
ما فهمنا شى من ردك على الموضوع ولا على شان اللى نجح واحد من خوالك وما فيك حميه للجبلان |
جزاك الله خير يا خوي بدر بن لامي ....
اتفق في ما قاله اخوي العزيز ابن جريان جملة وتفصيلا .... وبو فهد هو الرابح الكبير وهو الجبل الشامخ مع ربعه الجبلان في ظل هذه الظروف والجايات أكثر انشالله .... والوعد قدام انشالله وأملنا كبير في أخونا منصور المحارب بإذن الله |
مشكورين على ردودكم
و يا ابن جريان انا اشهد ان كلامك بمحله حنا الجبلان ما طيحتنا الا الطيبة ولا حرام ابو فهد يسقط والحمدالله ان ما طلعت من الجبلان عيبه في هالانتخابات طلعنا وروسنا فوق عكس بعض الناس |
وانا معاك يا بن جريان .. بكل حرف وكل كلمه تقووولها ... ويالله اللي صار صار ... بس قسو قلوبكم شوي يالجبلان .. طيبتنا زايده ومو كل شخص يستاهل الطيب ؟!! واخترت هالابيات بعزوتي شرابة الهوا ... :
ديرة الجبـلان قلبـي مستهلـه=عن خفي القلب يخبركم لسانـي ربعي اللي دارهم للضيف فلـه=يذبحون الحيل لا شان الزمانـي وكل نشميٍ ليا جيـت بمحلـه=تمضي الساعات تحسبها ثواني ضيفهم مع جارهم مدموح زلـه=كل من جاء في طرفهم مايهاني يزعلون عيالهـم كـلٍ أرضلـه=ومجلسه ببيوتهم بأحسن مكانـي وبالنهايه بو فهد راعي مواقف .. ويستاهل كل خير .. ومثل ما قالت اخت القمر .. هو ما خسر المجلس .. المجلس اللي خسر رجل من خيرة الرجال ... والسموحه .. طولنا عليك يابن لامي .. والله لا يفرق شملكم يالجبلان |
سالخــيــر
مجرد سؤال لكل من قعد يدافع بعاطفته وترك عقله جانبـــــــاً شنو كان يسوي أخونا طرقي سعود مع المجموعه اللي معاه بمزرعة الشلاحي ومعهم الشيخ عذبي فهد الاحمد !!!!!!!!!!! اتمنى اجد اجابه مقنعه عشان ارد عليه رد مــقـــنــع اما المزايدات الفارغه فلا مكان لها عند الـــعــقــلاء صدقوني خسارة طرقي سعود كان هو السبب وراها والفرعيه فيها فايز وفيها خاسر والف مبروك لمن فاز والله يوفقهم وشوي شوي واشوف الاخوان يسبون الــمــرشحين اللي فازوا كأنهم شياطين وأخونا طرقي سعود الملاك الوحيد بــيــنــهــم !! رجاءاً لا تخلون هالمكان افرازاته تسيئ لنا اكثر ما تضيف لنا والله اني كنت بالسابق اتمنى انه يفوز ولكن بعد تواجده بــمـزرعة الشلاحي واهداف هذا التواجد والمجموعه اللي معاه واضــحـــــه فرحت بفوز كل من لم يتواجد بهذه المزرعه ووجدت انهم الافضل http://www.shathaaya.com/vb/images/smilies/i.gif |
الخيره في ما ختاره الله
ؤخيرها بغيرها يالجبلان كافي الجبلان انتهى فرعيهم بكل هدوء والاشاعات استلمة طرقي من اعلن نزوله حتى بعد اعلان نتيجة فرعي مطير والله يوفق الي نجحوا الى مايحب ويرضى ولي صار صار لاتقعدون تذكرون الي نجحوا بسوء وفلان تحالف مع فلنتان هذي السياسه شعارها ( الغايه تبرر الوسيله ) والجايات اكثر يالجبلان |
مــاعـليه يـابـوفــهد الــهقوه بــاخوانـه الــلي نجــحوا
وانـشالـله بـيرفـعون اسم مــــــطـــــيــــر.............. |
ابو ساره
مالعب بحسبت الرياجيل غير مدورة السوالف واهل الاشاعات واستغرب منك توك تطرح مافي قلبك معنى هل اشاعه الخبيثه من فتره وياليت كان هسؤال موجها لبو فهد بنفسه لو كان فيك حمية لكن تمنية وصار ماتمنيته لكن ماضيعو الجبلان غيرك انت والي مثلك الي فيهم حقد وحسد على العموم الرد عليك اشبه برد على ............. وان شاءلله انها تكون خيره لك يابو فهد وانت رجل بمواقفك وشهامتك |
مراعي حالتك النفسيه وعشان كذا ماراح ارد عليـــك لأني للأمانه ما لقيت اي نقطه مهمه تستحق التعقيـب والكلام لمجرد الكلام هوايه لا تـسـتـهـويـنـــي :w: |
ابو ساره ترى بو فهد راعي الطيب ومن معرفه شخصيه
بس للاسف حنا جذي يا المطران نخرب على بعض وارد واقول خسارة ان بو فهد خسر بس البركة في الباقين انشالله والله يخليكم حنا بنى عم عيب يطلع منا هالكلام عن واحد من عيالنا |
هلا يا بدر والله يا ابن الاجواد اني منغث وطابت نفسي من الانتخابات كلها ويعلم الله اني انقهرت ان طرقي ما طلع بالرغم من ان الجبلان الكفه الاقوى من غير ما يتحالف مع احد بس مو صـــــحيح ان المرشحين الباقين اذكي ولكن الجبلان نفسهم حـــضورهم كان ضعيف علي حسب ما سمعنا وبعدين وانا اخوك موصحيح ان الاخوان يطعنون في باقي المرشحين لان طـــرقي ما نجح !!!! مثل ما نحب ان احد يغلط علينا ايضا غيرنا ما يــحــبـــــــون اننا نسيئ لهم فالاتهامات اللي انتشرت من طرف لأخر ماراح تغير نتائج الــفــرعـــيـــــه ولكن راح تترك صوره سيئه لردود فعل ابناء القبيله بين بعض مع الاسف أرى ان يتم اقفال مثل هذه الــمــواضــيــع الـلـي لا تـقــدم ولا تـــأخر بل بالعكس تزيد من مغثة الواحد كيف تكون الكفه الاقوى وتخسر !! عموماً دايما أطرح وجهت نظر خاصه بعيداً عن المجامله قد يتقبلها البعض وقد يرفضها الكثيرين وهذا امر طــبيعي بصراحه كنت بتجاهل اي رد يوجه لي بهذا الموضوع ولكن ردك اجبرني لتوضيح صوره للقارئ منعاً للبس والعاقل يفهم معنى كلامي لانه شفاف وواضح واللي يبي يفهمه بإتجاه عكسي ما يشوف شر ســـــــلام كــــاش ^_^ |
حببيبي ابو سار انا ملاحظك ماعند لا هسالف وبكل مكان بلمنتدى قايله انا قلتلك من زمان انت تعتمد على وكالته يقولون وانت الظاهر نفس ماقال اخوي؟؟؟؟؟؟؟؟؟؟؟؟؟؟؟؟؟؟:w: بس ارد وقولك نفس الكلام الي قلته لك من قبل وارجو انك تفهم ابو سارة ردنآ على الكلام الي قلته ولي طعنت فيه بو فهد بسالفته اجتماع المزرع سالفته المزرعه بلاساس منو طلعها محد فكر للاسف بس سمعتو السالفه ونقلتوها عمياني سالفت المزرعه طلعتها قناة سكوب لضرب قوة المطران ولمصلحت مرشح صالح السعيد الي اخو فجر وللاسف نجح وصدقوه العالم واقسم لك يا بو سار قسم اسأل عليه يوم القيام انا سالفته المزرعه مو صحيح ودليل ابو فهد التزم ويا ربع وماتحالف ويا احد ( يعني بدى مصلحة القبيله على مصلحت الخاص وهدا مو شي مو غريب على الجبلان لانهم دائما يحبون الخير لهم ولغيرهم) وابو فهد لو على قولتك مجتمع بالمزر عه جان انزلو بروحهم وبدون فرعي وعوار راس ولعلمك الخاص ترى الجبلان ماينقادون هدي حطها ببالك عدل وارجو منك انك ادا بغية تتكلم عن اي شخص تجيب دليل مو تجيب الدليل من وكالة يقوووووولوووووووون واخير اقسم قسم انا سالفة المزرعه غير صحيح وانا تحالف الوعلان وهايف ورجا هو السبب الرئيسي وعيب مطيري تحالف ويا مطيري لاسقاط امطيري سجل يا تاريخ وارجو انك فهمت مصدر الاشاعه والهدف منها وانا متأكد انك مافهمت لاانك ؟؟؟؟؟؟؟؟؟؟؟؟؟ |
يا جماعة عيب الكلام هذا مايجوز وبو فهد ماسقط ابوفهد نجح واكبر دليل تزكية الجبلان له
والساقط مطيري والناجح مطيري ( وحنا يالجبلان ماخذين حقنا من زمان بالمجلس ) خلو غيرنا يفرح فيها !!!! هذي عانية الجبلان العلوى .....؟ |
أبو ساره مساء الخير ... عموماً لا تتضح الصوره إلى بسماع جميع الأطراف وإذا كان كلامك من وكاله يقولون فهذي وكاله مااخوذ خيرها أما إذا قلنا أن هذا الكلام صحيح فأنا أعرف ان هناك أسباب ودوافع قويه لحضور ذلك الأجتماع ولا تتضح هذه الأسباب إلا من أهل العلاقه وثانياً أنتشرت هذه الأشاعه لما للطرقي سعود من علاقات طيبه مع عيال الشهيد فهد الأحمد والتي ليست ولييييدت الساعه وبالتالي أنت يالناخب أو المرشح الأخر ماتقيمني على حسب علاقاتي الشخصيه وتبلورها وتصبها لتكون لصالحك وفي الأخييير أصابع أيدك ماتساوا والخلافات والأختلافات موجوده بين الأخوان وهذا الأمر لايفسد للود قضيه والله يوفقنا في المرات الجايه ويوفق ربعنا الحاليين إن شاء الله
( العلاقات الشخصيه ليست معيار كما هو ارتفاع الصوت ليس معيار لكن هذه السياسه تستغل كل شيء ) |
تكفون بسكم لاتقطون ن قزات على الي مادشوا الفرعيه
ترى مالهم شغل لا بلغوا على الفرعيه ولادعموا الي فازوا ضد الي راحوا للمزرعه مالهم شغل ترى هم بس يترقبون الاحداث بس تكفوووون لااااااااااتخلوني ازعل خلااااااااااااااص مبررررووووووووك للي فازواااااا وانشالله يفوزن المرشحين الي مادشوا فرعيـــــــه وينجحون الي دشوا للفرعيه ونجحوا |
تظل عالي يا بوفهد ولا يهمك نباح .....
سبحان الله وين سلوم الرياجيل ؟؟؟ مالقو عليك يا بوفهد غير سالفة المزرعه ؟ جذبوا و صدقوا جذبتهم ؟ وظلوا يرددون هذه الكذبه حتى أسقطوك بتحالفهم المخزي .... الكل يشهد لبوفهد بأخلاقه و سلامة اليد ... و الرجال حلف و أقسم بخصوص المزرعه وسيرته و أخلاقه تحتم علينا تصديقه ... والدور على من حلف و أقسم بأن لا يخوض الفرعيه بالتحالفات ولكنه نكث في قسمه وغدر و خان ... فهل يستوي بوفهد مع غيره ؟؟؟؟ والجواب لك يا بوساره بوفهد كبير بشخصه و اخلاقه و هذي شهادة كل من عرفه ... ومن سمع كلامه بعد النتيجه والله ليستحي انه يطعن فيه .... عيب والله ولكن ضاعت سلوم الرياجيل .... ويظل الجبلان قدوه لغيرهم في جميع الظروف .. |
والله لومنتي ناقه جان عرفت وشلون ارد عليج .... تقولين المزرعه !!!! جايه تطعنين بطرقي في داره ... أقول خلي سوالف الرياجيل للرياجيل ... |
انت يا جبل يكون بعلمك ترى انا واهلي كلنا مع طرقي واحنا اول ناس من غيرالجبلان فكروا يصوتون له
واعتقد انا اكثر من رد قلت هالكلام ولي صديقات من الجبلان وجبت منهم شخصيا ارقام اللجنه النسائيه لطرقي سعود ووزعتها على كل الي اعرفه جاااي انت بعد هذا كله تقول كلام مادري شلون قايل قبل لاتنط على الناس اعرف من تكلم اول شي وبعدين جيب ماعندك وسالفة في دارهم ومادارهم انا اتشرف اني في دار بني عمي الجبلان مثل مايشرفهم وجودي وبعدين سالفة المزرعه كلن سمع فيها وانا شخصيا عقب ماشفت الفيديو الي حطه اخوي الهيت عن انسحاب الطرقي يومنه حلف صدقنا الرجال وبعدين الي جاب طاري المزرعه تراه جبلي منكم وفيكم الله يصلحك بس!!!! |
السلام عليكم ورحمة الله وبركاتة مساء الخير يالجبلان كل شخص له وجهة نظر وأبو فهد والنعم أبن العم وحترام الجبلان وتقديرهم للأبو فهد لايختلف فيه أثنين بس حنا نشره على أبو فهد للأنه ضيع الجبلان ونزل فرعية مع أقلية أمطير مع أحترامي لهم لأن الجبلان ا|لأقوة للأنهم زكووو طرقي للتمثيلهم في مجلس الأمة وهذاا يدل على الترابط بين القبيلة ويدل على أن طرقي كفوو للتمثيلهم في مجلس الأمة بس حنا نحمل المسؤلية طرقي وللجنة الي مع أحترامي لها عملت أكبر خطأ في الترتيبات للفرعية. حسب قرائتي للوضع الـــجبلان سبب السقوط طيبة قلبهم |
يا علي الله يرضي عليك و يوفقك إنشاء الله
كلامك سليم الجبلان زكوا طرقي للمجلس مباشرة بس هل ترضي أن يخرج الجبلان من عباءة القبيلة صعبة بل مستحيلة و إذا قبله طرقي ما قبلناها نحن و هذا اللي زعلنا علي مسلم و حسين و بورمية رغم حبنا و تقديرنا لهم و لتاريخهم و لكل ما قدموا يعني ننهي الناس و نعيب عليهم شق عصا طاعة القبيلة ثم نقوم نحن بهذا و تأتي العيبه منا لا و الف لا يا علنا ما ننجح و لا ناصل إن تخلينا عن ربعنا و بيتنا الكبير قبيلة مطير العريقة تحياتي لك أخي العزيز و أحيي فيك هالحميه الغير غريبة علي حر من احرار الجبلان |
ماتدرون يمكنها خيره لابو فهد وابوفهد ماخسر الكرسي الكرسي هو اللي خسر وتقبلو تحياتي
|
| الساعة الآن 08:45 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
