البيت من دون العمد كود يهوي=والذيب ياكل من بعيدات الغنم
والوقت هذا في نظامه فوضوي=ماصان حق ولا يراعي من ذمم
كم من ضعيف(ن) ضاع حقه من قوي=وكم من قوي(ن) قلبه اقسى من رضم
اقسى الطعون اللي تجيلك من خوي=واقسى الظلايم كان ابوك اللي ظلم
يابوي بان الشيب بالراس يضوي=شب الطفل عاف الرضاعه وانفطم
خبل العرب يبقى خبل لو ينكوي=وانت العرب تضرب على عقلك حكم
شفت القهر مابين دمعات بدوي=ذل الفضيحه وصان سره وانكتم
كف الزمن عقب ذراعي ملتوي= والناس ماتذخر علي وطي القدم
ماهبتهم لاني بذر منبت سوي=علمتني معنى الشجاعه والكرم
ماتنطفى نارك وبيتك يحتوي=من يوقد النار ويهلي لاعزم
ارحب على الهيل وفناجيل الروي=اقلط على جنب السمينه والشحم
يابوي عمري صار يطويني طوي=صحيفتي جفت ومرفوع القلم
خيب هقاوي الذيب كلما عوي=لامن هقى في دارنا بس العظم

خبل العرب يبقى خبـل لـو ينكـوي=وانت العرب تضرب على عقلك حكـم
شفت القهر مابيـن دمعـات بـدوي=ذل الفضيحه وصـان سـره وانكتـم
كف الزمن عقـب ذراعـي ملتـوي=والناس ماتذخر علـي وطـي القـدم
ماهبتهم لانـي بـذر منبـت سـوي=علمتني معنـى الشجاعـه والكـرم
ماتنطفـى نـارك وبيتـك يحـتـوي=مـن يوقـد النـار ويهلـي لاعـزم
ارحب على الهيل وفناجيـل الـروي=اقلط على جنـب السمينـه والشحـم