|
يامل قلب بنات البدو يشعنه شعوة قطيع شعوها قوم صاهودي
بسم الله الرحمن الرحيم
السلام عليكم ورحمة الله وبركاته هذه قصيدة مشهورة لاحد الشعراء لااعرفه واعجبتني وهي غزلية وسؤالي من القائل وحقيقه اني سمعت انه من اهل الشمال والله اعلم: يامل قلب بنات البدو يشعنه ،، شعوة قطيع شعوها قوم صاهودي مقدم هل الهجن ابوسفاح يتلنه ،، واللي على اكوارهن شفي ومقصودي لاوردوهن على الماء جالهن حنه ،، عد محت جرته هبايب النودي ذود خذو جلهن واقفوا عليهنه ،، ولا خلوا الا شبه شبه ضالع ومفرودي على عشير اليا منه مشى كنه ،، زملوق وسم يعله برق ورعودي ابو ثليل على الامتان يزهنه ،، سبحان من صورك ياناعم العودي |
اخوي قلب الذئب
بيض الله وجهك على ايراد القصيده والقصيده مشهورهـ كما ذكرت اما بالنسبهـ لسؤالكـ من القائل؟؟؟ على حسب معرفتي ان قائلها رشيدي وانشالله يفيدونكـ الاخوان اللي اعرف مني اخوكـ / راعي الوضحا &&&&&&&&&&&&&&&& |
اعرفها والله وسامعها
بس للاسف اني مش قادر افيدك لاعلم لدي ياعزيزي تحياتي لك بن معرقب |
حياك الله يالامير ومشكور على ايرادك لهذه القصيدة وحسب ماسمعت في السابق من احد الاخوان ان قايلها عازمي ولست متأكد من المعلومه
ولكن ابي اسأل الشياب<<<ماخذ كلمة الشياب من سمرين ههههه ابي اسأل الشيبان ان شاءالله وافيدك يالغالي. |
راعي الوضحا
بن معرقب بعيد الهقاوي مشكورين على المرور ومازلنا بانتظار قائل الابيات . تحياتي |
لاهنت ياقلب الذيب على نقل هالابيات التي تستحق النقل تقبل تحياتي وتقديري |
ابو ثليل على الامتان يزهنه = سبحان من صورك ياناعم العودي
الله لا يهينك على النقل وسلمت يمناك تقبل ودي ومروووووري |
طقها والحقها
كبرياء جبلي مشكورين على مروركم الرائع تحياتي |
القصيدة قائلها محمد بن جدوع الرشيدي عاش مع الجبلان وغزى معهم ولة القصيدة اللي اشتهرت انها لصاهود وهي اصلا لمحمد بن جدوع الرشيدي اللي يقول فيها(غزيت انا ياعبيد بهلال عاشور)__بعض الناس بيقول لا انها لصاهود والحقيقة ان صاهود بن لامي موب شاعر واكبر دليل على ذلك اذا هو شاعر اسالوا الشياب عن قصيدة ثانية غير غزيت انا ياعبيد ماراح يقولون لكم ان لة قصيدة ثانية
|
السلام عليكم ....
والله يا قلب الذئب حسب ما قرأت أنها لحمد بن وازع الجبلي ومختلفه أبياتها عما ذكرت ... ومو متأكد من المعلومه واللي عنده الصواب ينورنا ! أخذت هذي المعلومة من المنتدى الرسمي لقبيلة عتيبة وقد ذكرها رئيس مجلس إدارة شبكة قبيلة عتيبة ... وومكن تتأكد من ذلك عن طريق : http://www.otaiby.com/vb/showthread.php?p=32804 وهذه القصيدة المذكورة هناك على طاري بنات البدو يقول الشاعر حمد بن وازع الجبلي المطيري يامـل قلـب ٍبنـات الـبـدو يشعـنـه شعيت قطيع ٍشعوهن قوم صاهودي ( 1 ) مقدم هـل الهجـن ابـو سفـاح يتلنـه واللي معـه كلهـم صبيـان مقصـودي لياشـعـودقـهـن واقفوعلـيـهـنـه مايبقـي الا مثـل ضالـع ومـفـرودي يوم اوردوهن علـى الماجالهـن حنـه مـفّــرق ٍطـــارد ومـطــرودي علـى عشيـر ٍليـا منـه مشـا كنـه زملوق صيـف يعلـه ديـم و رعـودي وليا لبـس مـن جـداد اللبـس يزهنـه متـعـزل ٍوسطها ردفـيـن ونـهـودي ودمتم ....... منقول ! |
مقدم هل الهجن ابوسفاح يتلنه ،، واللي على اكوارهن شفي ومقصودي
لاوردوهن على الماء جالهن حنه ،، عد محت جرته هبايب النودي تقبل تحياتي ومروري for_305 |
يعطيك العافية على الأيراد تقـــــــبل مـــــروري وخــــــــالـــــص شكــــــري تحيــــــــــــااااتـــــى لك أخووووك(فهد عيد الجبلي) |
| الساعة الآن 08:17 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
