|
سن الكهوله
المشرف الموقر تعبناك معنا
ياليت اتحذف هالموضوع لوتكرمت |
العشق يحرم عقب سن الكهولـه وانـا كبيروهيضنـي رعابـيـب وأصير هرجة من يـردد مقولـه ودوه للكتاب فـي حـزة الشيـب صح احسآسك وكلك ’, مبدع وربي يعطيـــــك العآفيه قصيده جزله وقمه بالروعه : ) |
العشق يحرم عقب سن الكهولـه
وانـا كبيروهيضنـي رعابـيـب صح لسانك بن معرقب تسلم على الاحساس الرائع :) |
العشق يحرم عقب سن الكهولـه
وانـا كبيروهيضنـي رعابـيـب صح لسانك يا بن معرقب كلام صادر من الاعماق تقبل تحيتي |
ياليل خبر صاحبي عـن فعولـه فيني وكيف اسهرك كلك كما الذيب ماانام لين الصبح يرسل رسولـه أنا وطيفه ناخـذ العلـم ونجيـب اخاف من قولـة هـذولا وذولـه مااحب نقد الغير لاصـار تأنيـب العشق يحرم عقب سن الكهولـه وانـا كبيروهيضنـي رعابـيـب الله عليك ... بن معرقب صح لســ ــ ــ ـانك.. وعاش أحساسك ..ولا هنت القصيده في قمة الروعه ..والأروع انها من أناملك .. كل بيت أروع من بيت .. احترت وش اختار .. وكان هذا الأقرب .. لك مني أروع التحايا \ منى أنــ ــ ــ ـا هنايا |
الله على الابداع وعليك \ صح لسانك لا هنت |
بن معرقب
والله ابدااع ولاهي مجاامله ابداا ابداا اخووي كل بيت مبيني على البيت الي قبله ترتيب بالفكره وتنااسق بالكلماات وتشويق الي النهاايه رووعه مدري بس احس انهاا ابياات صادقه احسااس طبيعي صاادق بلاا تصنع وكذب معانااه شخصيه من اخر قصاائدك اتضح هذاا الاحسااس وداائماا الي من القلب يصل للقلب بسهووله صح لساانك واحساااسك ودمت بهالجمااال والتميز |
صـــح لسانك يأبن معرقب
قصيده جزله وأحساس أجمل وترى مو من كبرك :) تقبل مروري وودي جالي اللوايم |
.
. . الله الله الله الله ابن معرقب ! شاعر لا يشق له غبار . . صح السانك الف ولاهنت يالغالي ! سأبقى هنا حتى اشبع ! :) .. . |
جرح الغلا
صح بدنك وماقصرتي اختي على هالمرور الكريم تحياتي بن معرقب |
بن معرب صح لسانك قصيده جزله من شاعر جزل
|
بن معرقب
صح لسانك مليووون بن معرقب انا لاأرغب نهايئا انك تنشر قصائد الا في حالة توثيق حقوقك الأدبية. يجب عليك توثيق حقوقك الأدبية أولا حتى لاتتعرض للسطو في المنتديات والمواقع الأخرى. انا مااقول الا عيني عليك باردة وماشاءالله تبارك الله شاعر فطري خرافي حطمت الرقم القياسي. |
ماانام لين الصبح يرسل رسولـه
أنا وطيفه ناخـذ العلـم ونجيـب اخاف من قولـة هـذولا وذولـه مااحب نقد الغير لاصـار تأنيـب العشق يحرم عقب سن الكهولـه وانـا كبيروهيضنـي رعابـيـب وأصير هرجة من يـردد مقولـه ودّوه للكتاب فـي حـزة الشيـب هههههههههههههه اثاريك شايب يبن معرقب يالله حسن الخاتمه بس بس يقولون على قولة جدتي حتى لوني عجوز روحي بنت رعبــوبيــــه هههههههههههههههه بس ترى حالتك مقاربه لحالة جدتـــــي الوضع طبيعي لاتخاف لاهو عيب ولاهو حرااااام بصـــــراااااااحه وربي انها قصيده بكل معنى الكلمه ووربي انك شاعر الفطره بدون تكلف وتصنع صح الله السانك مليووووون ولايكفوووووووون |
شفت انا وبعيد الهقاوي بالصدفه طلع كلامنا متشابه وكلنا اطلقنا عليك لقب
( شــــــــــــــــاعر الفـــــــــطــــــــــــره ) :e: |
جعل ربي لايهينك شاعر جزل وصدقني استمتع عندما اقراء لك استمر فانت في القمه وحدكـ |
التوم الغالي صح بدنك مرورك على قصائدي المستمر يخجلني ويسعدني 000لاهنت ممنون لك يالغالي بن معرقب |
صح بدنك ياسطام العوض ماتقصر يالغالي وشهادتك وسام على صدري تحياتي لك ايضا من الاعماق بن معرقب |
هنايا ياحياك الله وانتي من متذوقين الشعر اللذين اعتز بأرائهم دائما واتقبلها فلك مني كل الشكر على مرورك المعتبر تحياتي بن معرقب |
الابداع انت من رواده الاوائل دمت لي ولغيري من اخوانك الاعضاء ياالشجاع تحياتي لك بن معرقب |
جمرة مطير صح بدنك واشكرك كل الشكر على كلامك ومرورك اللي دائما يسعدني وقصايدي ماتدش الا القلوب الطيبه اللي تنبض بالحب والسلام وخاليه من الحقد والخبث000000ياراقيه بمرورك وحضورك وتواجدك تحياتي لك اختي الفاضله بن معرقب |
البراك حياك الله وصح بدنك ياحسين والله يعين يالغالي مابقى بالعمر كثر اللي راح تحياتي لك واشكرك على المرور بن معرقب |
فهد الجبلي اشكر لك تواضعك وحرصك على المرور والتعليق على قصايدي لاهنت يالغالي تحياتي لك وامتناني بن معرقب |
احمد صح بدنك واشكرك على هالمرور المتواضع وشهادتك غاليه والله ومحط اعتبار تحياتي بن معرقب |
يابعد راسي يابو سعود ماعليك زود وانا على مااوثق قصايدي واحافظ على حقوقي فيها اببطي مانشرت عند حبايبي الجبلان وانا تعرفني مااحب ابطي عنكم يالغالي متدفق شعريا لعيونكم لابعد حد000بالعربي جاي من اقصاي من غلاكم اشكر لك مرورك الغالي والثمين والقيم على قلبي لاخلا ولاعدم تحياتي بن معرقب |
صح بدنك يادمعة ناقه والشكوى لله العمر يركض بس القلب ملعون الجدف لهالحين خضر الله يبلشه هههههه والله يطول بعمر الجده ويخليها لك انها والله صاجه دمعة ناقه اشكرك على مرورك العطر دائما وشهادتك الغاليه علي تحياتي بن معرقب |
صح السانك ياذيبان ... جزله من راس جزل :) الله ياابن معرقب وش هالتدفق الشعري الجميل والممتع .. اتعبت الشعار من بعدك ياكحيلان ... اسمحلي ان اعبرلك عن اعجابي بهذه النايفه الشعريه وبشخصكم الكريم وبروحكم المرحه ...
ياليل خبر صاحبي عـن فعولـه=فيني وكيف اسهرك كلك كما الذيب
انشهد انك ذيب .... مبدع بكل حالاتك داايم تتعب على الجزله وتجيبها ... ودي احب خشمك على هالجزله واهمس باذنك ثلاث مرات : " مافيك حيله ... مافيك حيله ... مافيك حيله " وابن معرقب ليا منّه حضر مايجيب من الشعر الا اجزله واعذبه ... وابن معرقب شاعر من العيار الثقيل شعريا .. وقليل من الشعراء من لديهم ملكة شعريه مثل التي لدى ابن معرقب ... فلا تبخل علينا يالقرم بقصائدك اول باول ..." استاذي الكبير بشعره والقريب الى نفسي بروحه الجميله ابن معرقب \ ثلاث بيوت ارسلهم لك وهن مقدمه بسيطه لرديات وقصائد قادمه بيني وبينك ويشرفني ان اسند اليك في قصائدي المستقبليه :
ياذيب لي وياك ميثاق وعهود=انك تصون القاف يومك ورثته خبّر بن معرقب ترى الشعر محصود=زرعن حرثته يالغضي مابحثته الجزل يبقى فوق الاعيان مشهود=والهزل ياكل زرعك اللي حرثته تقبل تحياتي \ اخوك المحب ابن سمدان |
ياذيب ياللي بيننا حلف ووعود=حلفن حلفته مانكرت وحنثته انا ابخصك ياذيب00ماتذكر العود؟؟=وادري بتهروالك عمد ماعبثته رد الحكي للي فلا جابمنقود=واخذ السلام اللي لشخصه بعثته خلف خلف00نسل الاجاويد والجود=يجيه فنجال الغلا مع اشعثته وان كنت حاصد طيب فالطيب له زود=هذاك مكرمني بوقتن مكثته اعاهده000لاصله لاصرت موجود=عهدن علي والعهد مااذكر نكثته |
^
^ ^ صح لسانك ياا ابن سمدان وبن معرقب ودي اعلق ان سمحتووا لي انا اشووف ان تواصل بن معرقب بهالرواااائع يحسب له اولااا متجدد يذهلنااا كل مره ثانياا القصيده تختلف من وحده لاخرى بحرهااا وولونهاا ولايووجد تكرر واستحااااله نمل هذاا الابدااع هالقسم يزدهر برواائعكم فلاا تبخلووا على متابعينكم ومانسمح لك تغيب ياا ابن معرقب راجع نفسك؟؟ |
صد وتركني كـن نفسـه ملولـه
والظاهر انـه مـل وده بترغيـب ليته يحن ومانبـي كـود زولـه ويبل قلبن يبس محتاج ترطيـب أبداااع وحبك وسبك وجزاله ياسلام عليك يابن معرقب أشهد بالله أنك فحل شعر لله درك ودمت جزل ياالجزل |
صح الله السنتكم
ابن سمدان وابن معرقب والله يدوم المحبه بينكم كلكم اخوان وعيال عم |
بن معرقب \ شاعر يندر وجوده في الاوساط الشعريه لانه شاعر متوهج شعريا شاعر لايتعب لكي يستريح ولا يستريح لكي يتعب وهو شاعر متعدد الاغراض ,, ومتعدد البحور شاعر لا تمل قصائده عند قرائتها اكثر من مره لانه يجيد لغه الاحاسيس ويمتاز بالجزاله والقوه له طابع خاص وبعيد عن الضل والتقليد \ وهو مكسب لمنتدى الجبلان ومكسب لقسم همس القوافي بالاخص \ بن معرقب انشر ابداعك ولك جمهورك ومتذوغيك \ ومن هنا ادعو جميع الشعار للنشر والاستمرار \ شجاع الهيت |
شجاع الهيت
بيض الله وجهك طول بعرض وعساني مااخلا منك يالغالي000اخجلتني بكلامك وشهادتك اللي اعتز فيها والله00وانا ياشجاع ماتوهجت شعريا على قولتك الا من غلاكم وقدركم عندي ووالله ياما وياما جتني دعوات لمنتديات اخرى ولكن اتضح لي اني لااجد نفسي الا هنا عند الجبلان وبس فرفضت النشر والكتابه الا بهالمنتدى اللي يمثل لي جزء من كياني تحياتي لك وانا والله ناشر ناشر ماهمني من يحاول يعرقلني وانا اخوك مير عسى الله ماينزع واهسي للشعر بن معرقب |
ســــــــــيـــــــــــــــر يبن معرقب ونحن وراااااااائــــــــــــك
:e: |
جمرة مطير كلامك هذا ومداخلتك جميل لايمكن انساه ماانكر اني سعدت جدا بما قرأت منك فلك مني الشكر الجزيل بيض الله وجهك تحياتي بن معرقب |
يابعدي يالجزعي اشهد بالله انك رشيق بمرورك00وانيق بتعليقاتك ولذيذ ابطرائاتك<<<بيشهيك خابرك ضعفان ههههه على راسي يالغالي وتحياتي لك بن معرقب |
| الساعة الآن 04:18 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
