::منتدى الجبلان الرسمي::

::منتدى الجبلان الرسمي:: (http://www.aljblan.net/vb/index.php)
-   مجلس ديوان الجبلان الشعري (http://www.aljblan.net/vb/forumdisplay.php?f=107)
-   -   دليم بن عوض بن دليم المعرقب الجبلي (http://www.aljblan.net/vb/showthread.php?t=691)

المحتسب 22-03-2007 03:28 AM

دليم بن عوض بن دليم المعرقب الجبلي
 
سنبحر مع مقطفات من شعر دليم بن عوض :

ونة شاعر


ياونتي ونة جريم (ن ) يقود
جابوه قود ( ن) مثل قود الخروفي
جابوه قود( ن) في عضوده مجود
من غير وده والاوادم وقوفي
الدم ناشف والوجه غادن اسود
للموت قرب وهو بعينه يشوفي
واهوى عليه العبد قبل يتشهد
وقصف حياته في شطير السيوفي
ابوه عودن يصفق اليد باليد
وامه عجوزن من حزنها تسوفي
ماله عيال ولا لهم مارثة جد
ارمل ورمله مالهم من يحوفي
عليك ياللي قدني بالهوى قد
اللي جروحك صاطياتن بجوفي

غربة عاشق


وين ابا القى عشريلي هجاج سنافي
خابر ه في محلن مير غير محله
خالين بيتهم تذري عليه السوافي
محلين بابهم مبطن على صكتله
عينها عين حرن شاف جولن مقافي
مع سمو الامير وكاشفن برقعله
خدها براقن وان سطع بنكشافي
في مثاني امزونه والرعد مردفله

الجمس


ياركبن جمسن يفج الطريقا
مثل اليا نفج الدجى بنشراقا
ليا حده السايق غداله شعيقا
من حر ممتازن بجوفه تساقا
عيا عليها ولد عمن شقيقا
يارحم ابوها باق للعمر باقا
تضفي على بيض النحر بالدليقا
ذيل العبيه في نهار الملاقا

ومن اشهر بيوته:
اليا خلص من خروف وخضرتن طازه
جاب المعاني عللى كيفه يخبزها

سعود بن لامي 23-03-2007 05:25 AM

الله واكبر. . .

والله يالمحتسب مدري شكتب لاكن اقول هالبيت

ياركبن جمسن يفج الطريقا
مثل اليا نفج الدجى بنشراقا
ليا حده السايق غداله شعيقا
من حر ممتازن بجوفه تساقا
عيا عليها ولد عمن شقيقا
يارحم ابوها باق للعمر باقا
تضفي على بيض النحر بالدليقا

الـقـعـيـمـي 23-03-2007 05:32 AM

صح لسان ابو عوض

عزالله انه شاعر بس ترى مايطلع قصيده

وكلماته صعبه ماشالله عليه


يعطيك العافيه

متغلي لعيون غاليه 25-03-2007 07:31 AM


المحتسب تسلم يمينك على النقل القصايد

وصح اللسان شاعرهااا دليم بن عوض الدليم

فهد السالم 26-03-2007 10:07 PM

صح لسان الشاعر دليم بن عوض

وتسلم يمينك يا الذيب على نقلك لقصائده...

لا عدمناك يالغالي,,,,,

متـابع 12-11-2007 09:58 AM

شكرا علي الموضوع فعلا شاعر مأاخذ شهرة اعلامية واليك من بعض ماقال

ياراعي الباب الخضر لاتصكة-- حتي تشوفك ياحبيبي عيوني
خايف اجيك وخوف تلحقك شكة-- خايف عليك اليا اتهموك اتهموني

ولة ايضا ردية بينة وبين الشاعر دغيم بن حمود بن غيام

يالح قلبي لح هرشن يلحا-- مع درب نوقن يبعدن المفلا
سرن ومردي البخت ماتوحا -- واصبح علي الجرة يلحة وملا
علي عشيرن شح بالقلب شحا -- والقلب عيا في غلاها تبلا

ولة ايضا (مثل) من قصيدة طويلة

ليا بخنتة حرمتن مثل بنتة-- لاهو كريم ولايفك الركايب

ولة ايضا
ياراعي الثوب الحمر لاتدرق -- وقف وعطنا السالفة في وضوحي
جعلك معي ياغض الانهاد تصدق-- حيثن قلبي لك مودن نصوحي
وان كان شبحك يم غيري موفق --تلقا وانا القا ياضبي السفوحي
ماني بنااللي بالمقفي تعلق --انا مجرب ومجرب سموحي

تشكر عزيزي علي الموضوع
تحياتي

الازلع 12-11-2007 11:57 AM

بيض الله وجهك يالمحتسب وشعر ابوعوض يستحق التدوين

ردن بن لامي 27-05-2008 04:18 PM

صح الله السان ابو عوض
وبيض الله وجهك يابو بدرعلى النقل
تقبل مروربناخيك

راجـع ضمـيـرك 31-05-2008 06:14 AM

صح لسانك ولسانه





ولاهنت على النقل




تقبل مروري

الجارح 31-05-2008 05:35 PM

صح لسان الشاعر دليم بن عوض
لا هنت اخوي الله يعافيك ويسلم ايديك

اخوك
الجارح


الساعة الآن 11:00 PM.

Powered by vBulletin® Copyright ©2000 - 2019, Jelsoft Enterprises Ltd. , TranZ By Almuhajir

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .

Security team

This Forum used Arshfny Mod by islam servant
اختصار الروابط

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95