::منتدى الجبلان الرسمي::

::منتدى الجبلان الرسمي:: (http://www.aljblan.net/vb/index.php)
-   همس القوافي (http://www.aljblan.net/vb/forumdisplay.php?f=53)
-   -   هوا بدوي (http://www.aljblan.net/vb/showthread.php?t=28204)

متعب بن طواله 16-11-2012 10:21 PM

هوا بدوي
 


ادله مادامك عايشٍ وادع للميت=وصلي الفرايض والمقدر منيه
وليا اجتهدت الله مقَدِيك واقْدِيت=كفاك سو العاقبه والبليه
شموخ راسك يخذله قول ياليت=مادمت تقدر والعزيمه قويه
للعفش طرِبل هنقلٍ فوق وانيت =والجيب خله للنشاما مطيّه
والاشقر القرناس جنبك على السيت=مثل الغلام اللي على ايمن خويه
افجح هزع منكب تقل من هل البيت=سادة قريش وعنبر الهاشميه
وليا نزلت بخايعٍ قفر وامسيت=بَد الدلال ونفل الشاذليه
شب الغضى واحمس مزاج الشفاليت=بريةٍ تجلب لنا مقدريه
حماسها تقل يسوق الختاخيت=ونوبٍ على اتالاهن يرد اوليه
حيران شعلٍ له تمايل ملافيت=صف السرايا اللي تصافق أحّذِيه
خولانين بش العرق كنه الزيت=وكمل شعال الحمسة الشمريه
كبه بمبرادٍ من الجِد له ليت=تشدي لحمر الكهرمان النقيه
دقه بجوف مكوسره بالسباريت=طنيب ذيب بالفجوج الخليه
بغداديٍ يمناه في كف سمْيِّت=-هواوي البيداء كعام اشوسيه
دقه ثلاثٍ عقب طارين تصويت=صفين حفل وشالوه سامريه
وفيت بهّر يااطلق حجاج لااهفِيت=هدى السريب وجاك فوحه سويه
صبه بلجٍ حومرو طارهن صيت=مثل مضاحك ملّعجات الثنيه
ولامن قدعت من الخلاص وتقهويت=زال الخوى عنّك زوال الغشيه
عقب الفجر لابيّح الشوف مديت=وفرعت بالقرناس بارضٍ عذيه
وليانتل سبقه على طول هدْيت=مايجهل الصقار عادة ركيه
ومن الولع في ساقته ماتداريت=كن ابيض الفكس ار جلد برديه
يردم سما لحاق شردٍ عفاريت=اقفت دواغرها مكاشح ضويه
لحّقك زمل يومك شعرت انك ابطيت=عينك سما والارض ماهي سويه
وحول تثوع محجلاته وهدَيت=وضربت بسامك على مقدميه
وطبقت له تنده تهاديه وهِديت=مسطور قومٍ في مصارع عبيه
كخ العدم بفمه تقل كخ كبريت=متقحمٍ مخالبه شوشليه
والطير فعله نومسك واسفهليت=وهدن وصادن الطيور البقيه
بمجارساتٍ ماعفلها كواشيت=ماكنها الا بالشبوك محميه
ولاخذت لك عشرين يوم وتشفّيت=راحت طرايف والضماير نقيه
ورجعت للديره عقب ماتمشيت=صدرك من هموم البلاد معفيه
يالله ياللي تحيي النفس وتميت=منهو سواك مكرم المهمهيه
هديك وغفرانك ورزقك وتثبيت=ياجاعل الحسنات ممحات سيه
يارب سترك عن شمات الشماميت=جلابة النمه بسوق الاذيه
صلاة ربي عد ماحصى ولا احصيت=عليك يالهادي محمد واليه

سلطان الجبلي 17-11-2012 12:09 AM

متعب بن طوالة


مساء الخير ... اخي العزيز

شكرا جزيلا لك على ايراد هذة القصيدة والكلمات الطيبة المعبرة وصح

لسانك عليها وعلى هذا التواصل الطيب تم نشرها بتويتر وفيس


بوك الجبلان دعواتي لك بالصحة

والتوفيق ....




تحياتي وتقديري

اخوكــــــــــــــــــــــــــــــــ

سلطان الجبلي



الساعة الآن 10:34 AM.

Powered by vBulletin® Copyright ©2000 - 2019, Jelsoft Enterprises Ltd. , TranZ By Almuhajir

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .

Security team

This Forum used Arshfny Mod by islam servant
اختصار الروابط

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95