::منتدى الجبلان الرسمي::

::منتدى الجبلان الرسمي:: (http://www.aljblan.net/vb/index.php)
-   مجلس تاريخ الجبلان (http://www.aljblan.net/vb/forumdisplay.php?f=36)
-   -   خيال علوى وفارس الطرفين وراعي الشلفا الشيخ/ غنيم ابن شبلان (http://www.aljblan.net/vb/showthread.php?t=18241)

كلك نظر 09-02-2010 02:40 AM

خيال علوى وفارس الطرفين وراعي الشلفا الشيخ/ غنيم ابن شبلان
 
سنتكلم اليوم عن خيال الطرفين وفارس علوى الشيخ/ غنيم ابن شبلان خيال سبلا اخو شما

هو غنيم بن فراج بن مفرج بن عبدالله بن شبلان

زوجته مضاوي بنت الحميدي الدويش

ابنائه سعود وسلطان وعقاب والشقحاء

كان يعشق الحرب والقتال من صغر سنه بانت فروسيته في سن 17 من عمره على معركه جو مناخ بين مطير وعنزه
وكان له الفضل بعد الله باخراج عنزه من الصمان بعد ماطرد فارس عنزه المقلب في غدير الموت وبعدها بانت فروسيته وقال فيه احد شعار مطير



برجس غدير الموت قفـا ولاعـاد=من ضرب علوى شد وانزل عموده
أوما عليه غنيم وأقفـا بالإسنـاد=أقفت به السعفاء تقارش فـروده








وبرز ايضا في معركه اوراط بين قحطان ومطير فهو من كسر الصابور لقبيله لمطير ورد هيبه علوى على قحطان بعد استرداد ثار الدحمليه وهي بنت الدويش وعرض الشلفا رجله في ذلك اليوم



غنيم قفـى بالسبايـا دعاثيـر=ووراط سال من أشقر الدم ريعه
والله يلـولا نايفـات الشناظيـر=ماعاد ينكس من يهرج رضيعه

جمع الجحادر قدم علوى طمارير=مايسلمون الا مـن الله شفيعـه








وقال ايضا الشاعر محمد بن عوض بن سرور


ليت الهوى مثل الوغى شلف سيوف= والله لااصير غنيم يالدحمليه





وبان فعله ايضا في معركه طلال بين قبائل نجد مع ابن سعود ضد عتيبه وذكره شليويح العطاوي في خلال قصيدته وجه لوجه عندما كان غنيم يصيح للخيل فكانت الخيل يصيبها جفال من صوته فقال العطاوي



جانا نذير عصير مـرذ الفطايـر=سرور شوق منقض الراس بقران
يقـول جاكـم واحـدِ مايخايـر=مجرم وطاغي مانواكـم بغفـران

سعود جاء من يمت الشرق ساير=بصبيان يام مرجحة كـل ميـزان

ومعه اهل العارض وسبع الجزاير=ومعه بريه وغيرهم جمع دوشان
سقنا لهم سوقِ يشوق النظايـر=موحدين اللـي لياوحـده عـان
قبل طلوع الشمس والعـج ثايـر=لين اتقى ضلع النجج عقب مابان
وخيل ٍ نصت خيل ٍ وخيل تخايـر=وخيل مرزنها غنيم ابن شبـلان
كنه الياعرّض بوجـه الجرايـر=يقرع هذولا عن هذولا بعرفـان
يضرب بشلفا تودع الراس طايـر=مضرابها يفر النحر هو والامتان
سوى بنا سبع السبـاع العبايـر=الخيل من حسه تجنجن تجنجـان
ياعنك ماهو عن عـدوه بنايـر=خيال علوى يوم روغات الاذهان






وايضا بان فعله في كون عرجا مع عتيبه ايضا عندما علق بسيفه العبود هو ومعه بدر ابن مشل وقال فيحان البراق


مير الخيل جاها بدر وغنيم بن شبلان=وقفـت بهلهـا ماتقـدي مواطيهـا


وكثير من الوقعات حصلت عليه ولكن لااجيد لها مسميات




وقال فيه مانع ابن سويط شيخ الظفير




تلفي لابن فراج من عقب نومـي=القرم ولد القرم قطاع الارمـاس

ولياركب من فوق حمراء قحومي=فكاك ذوده يوم الارياق يباس




وقال دعسان بن حطاب الدويش كذلك/



أبمدح الجبـلان يـوم الكتامـه=سدو .. مسد اللي حدر للزحامي
ابوسعود غنيم فـوق العلامـه=خيالة المظهور من عصر عامي




وقال ايضا محمد الخس




أو مير كني بين الاضلاع مفجـوج=بشلفا مثل شلفا غنيم بـن فـراج
غنيم بن شبلان مخلن له سـروج=لياصاح في تال الرمك راحت أمراج







وقال ايضا فيه ابن جفن المطوع من السفران من العجمان هذي الابيات عندما فقد ذلوله ولقاها عند احد الجبلان وردها غنيم للعجمي وقال



يمل قلب من ضحى اليوم مستان=ومهيضه بالعب راعـي ربابـه

ومهيضه طلعت سهيل ليـا بـان=اللي علـى اديـار يـام غيابـه
توي رجيت الحق في بنت ضبيان=من يوم شفت السيف جود نصابه
الا ونعم ياغنيـم ابـن شبـلان=عسى الجنان الخضر للي نضابه
يستاهل البيضاء ليا باب نجـران=وفي سوق هجر يوم توقف جلابه
وربعه مذبحت المواحيف جبلان=فرسان ليا شبت ضوي الحرابـه
يستاهلون المدح في كـل ديـوان=ذا حقهم متقصـدن مـن حكابـه
لاجاء نهار فـي عـج ودخـان=مركاضهم تعتاش فيـه الذيابـه
توي رجيت الحق في بنت ضبيان=من يوم شفت السيف جود نصابه


وقال ايضا فيه الخس





مثل غنيم لسربـة الخيـل يدبـس=في هدته تقف الرمك تمرس امراس

غنيم بن شبـلان ماهـو ينـدس=خيال علوى يوم الاريـاق يبـاس


وقال فيه نايف ابوطفره



فريس علوى يوم طاعن ومطعون=تقلط وتدحم والفعايل عهدها

اخوان شما واكثر الناس يدرون=افعالهم تبقى وكلن شهدها
تاريخهم في قمه المجد مقرون=الارض عاليت النوايف وتدها
كم انطحوا من جمع ويروح مغبون=والدحمليه طير شلوى سعدها
قالت غنيم وقال حاضر وممنون=واومى عليهم والقحيله لكدها
يوم احتمى الماقف غدى تقل مجنون=يضرب بشلفا والمنايا وردها
وعجير غنى والقبايل يعرفون=والمعركه فبيوت شعره سردها
وقال العطاوي يفصل الراس ومتون=الخيل من فعله تزايد جهدها




وقال فيه ايضا سعد بن سرور المويهي



غزيزة اللي يفك الجمع وسبوره = له مطرقٍ عند تال الخيل وكّافـي

اما مثل بدر ولا غنيم في دوره = ولا البعيّر مورد حوض الاتلافـي

فرسـان علوى بوقتٍ فاتت عصـوره = يوم ان الافعال عند الناس تنشافي





وقال عبدالله البعير



كن سيف غنيم لاقبـل عليـه شاهـره=ما تعود ردته قبـل يـروى فـي خبـاه

وقال فيه ايضا الشاعر بندر بن بدر الفيصل الدويش يرثي طيره

فعله يشابه فعل اخو شما غنيم= هذاك هو شداد لااطلق سبوقه
وقال فيه ايضا دغيم ابن غيام



ارعبوها بكل علطاءمستشله = مثل شلفا غنيم في يوم المثاري



وقال فيه الشاعر فهد ابن جبرين




الخيل كسب غنيم تسعين عندل= اصايل وابوهن الحمداني

انشد لين ياللي تغرك فعوله= عن كونه اللي مابعده اكواني






وقال فيه الخس





يجيك بوج مثل وجه الكروان= مغير يلومع بالمجالس تلوميع

مايسنده حتى غنيم ابن شبلان= اللي ليا جاء الخيل راحت مطاويع






وقيل فيه ايضا






شلنا وخلينا عن الدار ياغنيم= خيال شقحن يرتعن البراحي

فعله حكوبه يم شمر والاقصين= يم الجنوب ومايطر الشمالي




وقيل ايضا فيه






في نهارن يجي للخيل شبه اللفاحي= ليا صهل راعي الشلفا غنيم ولكدها

من يجي في نحرها من المعادين طاحي= داسته خيل علوى في تغطرس طردها






والحديث يطول عن هذي الشخصيه الفذه التي لانقدر نحصيها بيوم او سطر او كتاب



اتمنى اني ووفقت فيما طرحت



وشكرا



......


كلك نظر 09-02-2010 02:42 AM

اتمنى من المشرف تثبيت الموضوع بدل من المثبت لان المثبت لم يعطي غنيم حقه

والتنسيق لو ماعليك امر لان ماعندي صلاحيه تنسيق

اكون شاكر ومقدر لكم

كرما وليس امرا

العيباني123 09-02-2010 12:48 PM

والله والنعم يبن شبلان

غنيم اسطورة في الشجاعه

ولكني مستغرب لماذا لم يذكروه المؤرخين بوقته

لو كان غنيم شيخ قبيلة لراينا تمجيده في جميع كتب التاريخ بوقته

بس مع الاسف المؤرخين طلموه لانه عصامي بنى نفسه بنفسه ولم يعتمد على امجاد من سبقوه

كاسر الحوم 09-02-2010 01:05 PM

بيض الله وجهك على الطرح الرائع
ولاتحرمنا من جديدك
والله يرحم غنيم
فارس ماله مثيل
تقبل مروووري

عبدالله الجبلي 09-02-2010 01:32 PM

السلام عليكم جميع

أخوي ( كلك نظر ) بيض الله وجهك مليون ولايسدن
لمثل هذا الموضوع عن فارس لامثيل له رحمة الله
وغنيم ابن شبلان علم من اعلام الجزيزه العربيه
وماتوفيه السطور وغني عن التعريف ..

ولك جزيل الشكر

كلك نظر 09-02-2010 11:45 PM

اقتباس:
المشاركة الأصلية كتبت بواسطة العيباني123 http://www.aljblan.com/vb/dc.net.sa-...s/viewpost.gif
والله والنعم يبن شبلان

غنيم اسطورة في الشجاعه

ولكني مستغرب لماذا لم يذكروه المؤرخين بوقته

لو كان غنيم شيخ قبيلة لراينا تمجيده في جميع كتب التاريخ بوقته

بس مع الاسف المؤرخين طلموه لانه عصامي بنى نفسه بنفسه ولم يعتمد على امجاد من سبقوه



العيباني اسعدني تواجدك ومرورك الثري
لو كان غنيم ابن شبلان شاعر لرايت شهره الشعر اكثر من الشجاعه ولكن شجاعه الشيخ غنيم اكثر من شهرتها
ولكن في وقته اثبت نفسه عن كثير من فيه جيله وتميز بالسيف والشلفا والتواضع لله وللخصوم

اشكرك يالعيباني مره اخرى على تواجدك القيم

غنيم بن شبلان 01-03-2010 10:50 AM

مشكور ويعطيك العافية بس غنيم ابو عقاب مو ابو سعود لتوظيح؟(ابو عقاب )

كلك نظر 01-03-2010 07:01 PM

منور الموضوع

كلك نظر 01-03-2010 07:02 PM

منور ياكاسر الحوم

اسعدني تواجدك

سلطان الجبلي 24-06-2010 01:13 PM

كلك نظر



تحية طيبة ... اخي العزيز

شكرا جزيلا لك على افراد هذة الصفحة للشيخ /غنيم بن شبلان رحمة الله فهو شيخ وفارس

لا نظير لة واذا جاء ذكرة نجد باننا نتكلم على مستوى قبيلة مطير وعلوى وليس الجبلان

فقط وباسمة نحن نفخر ونفاخر بة جميع القبائل ودعواتنا لة بالرحمة والمغفرة

لي عودة لتنسيق الموضوع على حسب طليك والشكر موصول لاخي

مسير بن شبلان .... والله الموفق






تحياتي وتقديري

اخوكــــــــــــــــــــــــــــــــــ

سلطان الجبلي


الساعة الآن 03:51 AM.

Powered by vBulletin® Copyright ©2000 - 2019, Jelsoft Enterprises Ltd. , TranZ By Almuhajir

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .

Security team

This Forum used Arshfny Mod by islam servant
اختصار الروابط

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95