::منتدى الجبلان الرسمي::

::منتدى الجبلان الرسمي:: (http://www.aljblan.net/vb/index.php)
-   مجلس ديوان الجبلان الشعري (http://www.aljblan.net/vb/forumdisplay.php?f=107)
-   -   قصيدة لشاعر ; زيد بن غيام الجبلي المطيري (http://www.aljblan.net/vb/showthread.php?t=872)

الغيام 20-04-2007 05:35 PM

قصيدة لشاعر ; زيد بن غيام الجبلي المطيري
 
انا هاضني برق تحدر علي الصمان
قالو تخليه وقلت ياربع باليله
تحدرخشوم المزن يشدي حصى حوران
لزيز الرعد ومعقرب البرق يوضيله
تمثنا النفود وصار سيله علي ساقان
وعلي ضليع مارق ضافياتن هما ليله
تعاوي الحتايف لين تصفق علي الحيان
وجغبقاأمتلت وصليبها كنه النيله
تملت خباري الصلب وين انت يالعطشان
ثمان الخباري وتاسعتهن كحيليله
ونافز قلبي يوم قالو علي السوبان
مثاني المعارج سيلتها هذا ليله
تحدر شعيب السدير سيله كما الزيران
تفيض علي ام حجول وخرج علي ميله
تمرجح علي اليمنا وعلي عقله الدوشان
نقرها شمال ونوها طايلن طيله
رعوبه هل البوش العفر لايحة وطبان
يحيل الطياح ويتبعونه مخاليله
مداهيل علوى لابة الشيخ ابن سلطان
زبون الحصان لاتباعد زماميله
وشد العميل وشلعو طرف الفرقان
يبي الثلب الايمين وقبل تكثر نوازيله
الأواهني من واق مع كمعة القيوان
بشوف الرجوم وشمخ القوم تزميلة
الايبعد ربعن تنحو ورى البرقان
لعل الحريم يفقدن الرجيجيله
صنمهم قعودا عاسفينه علي العمدان
تبعثر سلفهم يوم بشق وحيله

فهد السالم 20-04-2007 07:22 PM

صح لسان الشاعر وتسلم يمينك

يا مال العافيه يا بن غيام..

على نقلك للقصيده الرائعه للشاعر المعروف زيد بن غيام,,


وحياك الله في منتداك يالغالي,,,


أخوكـ السالمي

عبدالله السالم 20-04-2007 08:42 PM

الله يعطيك العافية يا بن غيام على القصيدة

القصيدة هذي كلن ينشد عنها والحمد لله جابها الله

الله لا يهينك على مشاركتك

وصح لسان الشاعر والله يرحمه


تقبل تحيات النداوي

سعود بن لامي 21-04-2007 01:05 AM

الغيام . .

لاهنت وبيض الله وجهك قصيده جزله من رجالً جزل . .

لاخلا ولاعدم

وعلي قولة اخوي النداوي كلن ينشد عنها

مداهيل علوى لابة الشيخ ابن سلطان
زبون الحصان لاتباعد زماميله


صح لسانه

الغيام 22-04-2007 06:59 PM

حياكم الله

الـقـعـيـمـي 22-04-2007 07:22 PM

صح لسان الشاعر وتسلم يمينك

يا مال العافيه يا بن غيام..

على نقلك للقصيده الرائعه للشاعر المعروف زيد بن غيام,,


وحياك الله في منتداك يالغالي,,,

الرحـــال 23-04-2007 04:12 AM

يعطيك العافيه ولو تبي تنقل قصايد زيد كلها يبيلك دواوين عشان تشيلها


الله يرحمه... تقبل مروري

سطام العوض 10-06-2007 01:05 PM


صح لسان الشاعر وتسلم يمينك

يا مال العافيه يا بن غيام..

على نقلك للقصيده الرائعه للشاعر المعروف زيد بن غيام,,


وحياك الله في منتداك يالغالي,,,



[img]


ــــــــــــــــــــــــــــــــــــــــــــــــ



حمود الكميخ 03-11-2007 04:05 PM

يعطيك العافيه يا بن غيام
و صح لسان خالي
الله يرحمه

мя.ĵβĻiŷ 03-11-2007 09:14 PM

مداهيل علوى لابة الشيخ ابن سلطان
زبون الحصان لاتباعد زماميله
وشد العميل وشلعو طرف الفرقان
يبي الثلب الايمين وقبل تكثر نوازيله
الأواهني من واق مع كمعة القيوان
بشوف الرجوم وشمخ القوم تزميلة

---------------------------------

صح اللسان الشاعر

وتسلم يمينك على النقل الرائع

تقبل مروري اخي الكريم

دمعة ناقة 03-11-2007 11:19 PM

صح الله السانه

قصيده رائعه وافلح الشاعر في وصفه الدقيق وكأنك ترى المنظر امامك
وهذا دليل على تمكن الشاعر وجزالته



بس بعرف اي زيــــــــد فيهم الكبير ولا الصغير؟؟؟

الغيام 04-11-2007 03:15 AM

سلام عليكم ,,,

القصيدة لشاعر المرحوم زيد بن غيام الجبلي المطيري ( الكبير )

الله يسكنه الجنه

مع فائق احترامي للردود الطيبه

فمان الله

دمعة ناقة 10-11-2007 01:08 PM

شكرا لك عالتوضيــــــــح

سلطان الجبلي 11-11-2007 05:26 PM

صح لسان ابن غيام


ولسان الغيام على النقل الرائع


ننتظر قصائد ابن غيام بشوق


نرجوا منك اخي الكريم جمع قصائد زيد بن غيام


ووضعهااااااااااا بموضوع بالمنتدى


تقبل مروري


الساعة الآن 04:21 PM.

Powered by vBulletin® Copyright ©2000 - 2020, Jelsoft Enterprises Ltd. , TranZ By Almuhajir

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .

Security team

This Forum used Arshfny Mod by islam servant
اختصار الروابط

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95