ياصاحبي جيتك اشكيلك من احوالـي=جيتك ودامك رفيقـي ليـه اطولهـا
العلم ومافيه يـاول واخـر امالـي=عندي رسالة ولادري كيف اوصلهـا
للي سبتني وانا مـن قبلهـا سالـي=ابيك توقف معـي وتـروح تسالهـا
وش فيها تفتح علي ابـواب عذالـي=وتحمـل النفـس حاجـة ماتحملهـا
وش فيها رغم الوفا تتركني لحالـي=وانا لجفاها تركـت الدنيـا باكملهـا
وان كان هذا زعل علمهـا يالغالـي=ماكان قصدي ورب البيـت ازعلهـا
علمها واللي يخلـي قلبـك الخالـي=عن ضيقتي وين وصلت من تجاهلها
علمها كم لي وانا ما شلـت جوالـي=كله على شان مـا أقلـب رسايلهـا
علمها وشلون لامـرت علـى بالـي=اروح وأضـم صورتهـا واقبلـهـا
علمها كيف انشغل عن كثرة اشغالي=واسرح واغمض عيـون واتخيلهـا
علمها عني وعـن همـي وغربالـي=علمها عن كل حاجـة فـيَ تجهلهـا
وان شفتها دنقت تبكي علـى حالـي=انسى الكلام وتذكر كلمـة وقلهـا :
قل شاعرك يعتذر ويعاهـدك تالـي=انـه يرتـب حساباتـه مـن اولهـا
ويقول : حتى القصيد الللي على بالي=والله ما عـاد اكتبـه كانـه يزعلهـا