الصفر والله وصفر صاهود ابن لامي=إلي عليهن بأيمن الخد ماريه
المغزل الي خطه المسيم الحامي=فـ رقابهن تلقاه رايه سماويه
تلادين مؤروثً عبر العوامي=ماهي بـ مشره من حراج الشريطيه
الي مماشيها يهدن الاقدامي=أمن السطر فيها ثلاثين جنيه
تطوي بياد الارض و أطراف الايامي=ما ضيقة صدر المعزب وهنديه
وألي ذكرهن بين الاجواد ما ضامي=من زينها سمت قلوبً حسوديه
والابل لها عند الرياجيل الاحشامي=قدر ومعزه ما تغيره الألفيه
والله ذكرها في كتابه والحكامي=أشكالها قوه وقدره ألأهيـه
والبانها تشبع وتروي ضما الضامي=وفي عبسها تعطيك وصفه علاجيه
وفي وقتنا الماضي قبل عصر الاسلامي=من دونها خيال قومً و رجليه
لا صاح صياح الوغا والرمك حامي=من دونها يا من روحً فداويه