|
عـيـــــــــــــــــد ميــــــــــــلادي ,,,,,,,,,,,,,,,,,,,,,,,,
هذي ابيات كتبتها في عيد ميلادي بتاريخ 11\12
وحطيتها في قسم ابيات لم تكتمل للاعضاء لكن بطلب من اخوي بن معرقب اني اكملها فيبيتين واحطها بهمس القوافي وانا اقوله ابشر يبن معرقب واليكم هذي الابيات المتواضعه اليوم حزني هدية عيد ميلادي ومارية الحزن مايقطع عن العاده واعدت الافراح ماجتني بميعادي ولا الحزن لاوعدته جا بميعاده الي متى والسنين تشح بأسعادي والي متى هالفؤاد مطول حداده ؟ ايام عمري تروح وكل شي غادي والفرح يبقى بعيد وصعب ايجاده والخاطر الي يهيم بصوت عبادي لاجاب عوده وغنى واطرب الساده اليوم يبجي على دنياي وينادي وين انت يللي نسيت ايام مياده ! عجيب امر الزمان اشلون متمادي في وجه منهو بحسبة سيد اسياده يارب يعجبك البيتين يابن معرقب الي اضفتهم للابيات |
يسعدني اختي دمعة ناقه اول من يرد على القصيده
وصح الله السانج ابيات جزله وتستحق المشاركه والرد عليها واعدت الافراح ماجتني بميعادي ولا الحزن لاوعدته جا بميعاده الله يبعد عنج الحزن ان شاء الله وماتضيق الا بعدها فرج وكل عام وانتي بخير |
هلا ومرحبا فيج ياغلا ونتي بخير وصحه وسلامه
وانا بعد يسعدني انج تكونين اول عضوه ترد علي اما بالنسبه للفرج انا اقووووووول ووووووينك يالفرج! هونتها لكن عيت لا تهون ++ لاقلت راح الهم الاقيه قدام فيني الم مامر بقلب مطعون ++ وفيني حزن مامر بعيون الايتام |
الي متى والسنين تشح بأسعادي
والي متى هالفؤاد مطول حداده ؟ ايام عمري تروح وكل شي غادي والفرح يبقى بعيد وصعب ايجاده دمعه صح احساااسك ولساانك وقلبك يالغلاا ابيااات كامله فكره وسياااق جميل متراابط احساااس طااغي يصل للقلب بجد وصل يادمعه عسى ربي يسعدك ويبعد الاحزاان عن قلبك ويكوون الفرح رفيق دربك يارب من قلبي والله يادمعه اتمنى لك الخير والسعاده وين ماوجهتي بحيااتك والله يجازي بن معرقب خير خلانااا نشوووف هالابداااع والنقله الكبيره للشااعره دمعه نااقه دمت بحب يالغلاا |
ياحياتي ياجمره على هالدعوه تسلمين وجزاج الله خير
الله لايحرمني منج ومن ردودج الطيبه الي تسعدني دايما صح الله بدنج وعساج دوم بخير اسعدني مرورج يالغاليه |
يووووووووووه يادمعه
عسااااااااااااااااااااااها تنفرج هالضيقه لاتزيدين الجرح جرح وانا المهموم اشيل همه وهذا طبعي وازيد بضيقتي معاه وانا ماادش المنتدى الا اني بلهي نفسي عن الضيقه واشارك معاكم وارتاح لكم ولمشاركاتكم وردودكم تقبلي مروري للمره الثانيه واسمحيلي يالغاليه اختج غلا الصمان |
دمعه شئ واحد بالدنيا هذي
لازم انتي اتعرفينه وانا بعد معاج كل شئ مكتوب علينا لكن صدقيني حنا داايم اندور علي الحزن وين يكون وانحطه تحت المجهر مرات نزعل ونتضيق ولا ارتحنا نلووم نفسنا ليش زعلنا موقف بسيط ولا يستااهل حتي قطره دمعه من عيونا دمعه نااقه ما ضاقت الا تفرج والله يجعل هالسنه سنه خير وحب ورااحه بال عليج ومن وين ما صيدتي لاقيتي الفرح اقبالج ادري طوولت عليج بس والله من معزتج ,, |
الله على هذا الطرب
صاحبة الفخامه // دمعة ناقه تملكين حرف له عذوبه وشجن خاص بك ايام عمري تروح وكل شي غادي والفرح يبقى بعيد وصعب ايجاده عساه يقرب والخاطر الي يهيم بصوت عبادي لاجاب عوده وغنى واطرب الساده بسيطه من باب الابداع دمعه تعجبيني دائما عسى الله يوفقك ويبعد عنك الضيق محبتي |
الي متى والسنين تشح بأسعادي والي متى هالفؤاد مطول حداده ؟ دمعه ناقه انا بسألج سؤالين الي متى والفؤاد مطول حداده ؟ والى متى وهالابداع ملازمج ابدعتي بهالبيت بغض النظر عن الابيات الاخرى صح لسانج لا هنتي |
مبدعـــــــهـ مبدعـــــــــهـ دمعة ناقه... (( الله يوسع عليك دنيا واخره ويبعد الهم والكرب عنك وعن المسلمين اجمعين )) اللهم اميــــــــنـ |
| الساعة الآن 05:05 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
