السلام عليكم ورحمة الله وبركاته



مما اعجبني ............


دوجت فوق الجيب بحلول شعبـان
ابي الوناسـه يـوم نفسـي بغتهـا
شفق على الصمان واشوف الاوطان
وابي حـزوم بالقـدم كـد مشتهـا
يازيـن خـد شفتهايابـن حبشـان
ارض توسـع خاطـري بدوجتهـا
عقب المحا خضرا ومرباعهـازان
عشب الجمل ماهو عشب نعجتهـا
منازل لمطير في ماضي الازمـان
قبايـل كـل العـرب خابرتـهـا
يامانـزل فيهـا قبايـل وسلفـان
يرعونهـا ورماحهـم حاميتـهـا
حامينها بسيوفهـم يـوم الاكـوان
- مطيـر كـل خابرمعجزتـهـا
ان سندوا يرعون مارق وعرفـان
ويرعون صلب محقبـه وعرمتهـا
وان اجنبوايـم الغرابـي وساقـان
وان حـدرم مرتاعهـم دبدبتـهـا
منزالهـم مابيـن صلـب وجيـان
وادباشهم عشب المخاطـر رعتهـا
ميرادهـم عـد اللهابـه ودوغـان
كم سربـة مـن دونهـا نزحتهـا
وان اشملوا يم اللصافـه وهـدلان
مـوارد كـل العـرب عارفتهـا
هداتهم يشبعبهـا الذيـب سرحـان
وعنها اليدين الطايـلات قصرتهـا
تدرع خطرهم كل حضر وبـدوان
وعنها القبايـل بالعرينـي نحتهـا
منـول حامينـهـا سـر واعـلان
بخيـل ليغـارت تهيـل دبكتـهـا
اللي لياركبوا على الخيـل فرسـان
من فعلهـم كـل العـدا هايبتهـا
ماطبها اللي حـط بالعيرجرسـان
ولادوجت فيهـا الغنـم وعسمتهـا
مدهال شقح مع قناطيـش مطـران
ترعى زهازيـم اليهـق ورتعتهـا
واليوم ماكن نـزل فيـه عربـان
ولاكن حمـران النواظـر وطتهـا