::منتدى الجبلان الرسمي:: - دنق علي وطمن الـراس بشويـش = واحي العـروق الذابلـه وانتعشهـا

الشاعر الكبير وعلم من اعلم الشعر / عبدالله بن عون اليكم ماخط قلمه من جواهر

يا راعي الغـر العـذاب المباهيـش = رش الكبود اليابسه عـن عطشهـا
دنق علي وطمن الـراس بشويـش = واحي العـروق الذابلـه وانتعشهـا
حبك ينهش ثومـة القلـب تنهيـش = نهش الحنيش لعرش رجـل نهشهـا
واهل الهواء في سجن غيك دروايش = وقلوبهـم وجلانـه مـن دهشـهـا
من ذاق من خمر السوالف بخاشيش = يبطـي وروحـه معتلقهـا بلشـهـا
ولا تستمع في هل الحكا والوشاويش = نـاسٍ انقيلـي النامـيـم دبشـهـا
يا خشف يم ذار واوحـي شوابيـش = بدواً طلوع الشمـس ذاره وغشهـا
والعين عين اللي جسر عقب توحيش = اميـر بيتـي الـحـرار اوحشـهـا
طرح الشبك ما قبلـوه الطواريـش = ولا قرنسوه اهل العشش في اعششها
وحش وجاي من بعيـد المناطيـش = عوق الخريش اللي طياره خرشهـا
لا قام ياخذ من طرق ريشها ريـش = واليـا قضـا لعبـه عليهـا لكشهـا
جابوه من عين الشمـال الهماميـش = ابرك لهادي طرشـة قـد طرشهـا
جابـوه لمثمـن طويـل المطاريـش = شيخ قوانين العـرب مـا دغشهـا
محمد عشير منقضـات العكاريـش = نجل العيـون اللـي مـلاح بهشهـا
ومهـدي للـي براسـه نغامـيـش = لا شوشت حيـات الارض وحنشهـا
محمـد مقابـل قاصـده بالتباهيـش = وملفي الرجال اللي جميلـه غطشهـا
ودايـم وبيتـه مدهـل للمداغيـش = وكم روح معسـور بجـوده نعشهـا
لا يبعد نـاس تكبـر علـى ويـش = لاشافت الناصـي تلـوت خششهـا
لو يملكون ارقـام الامـوال حتيـش = در الحمـاره دوب يكـفي جحشـهـا
وروس الضبا ماذكر فيها عراميـش = لو هي على الزيلـه كبـار شوشهـا