|
لاتحسب ان دمعي نزل دون سبه !! (( محمد بن فطيس))
بسسسم الله الرحمن الرحيم السسسلام عليكم ورحمة الله وبركاااته نقطه من المحيط الهــــآدي ... للشاعر الراائع:مـحـمــد بــــن حــمــد بن فطيس المـري ليه المسا عـوق الشقـاوي وطبّـه؟ وليه الهبوب تصحي القلب لا بـات؟ وليه القمر يدعـي جريـح المحبّـه؟ ويقول له يا هيه..ما فات ..ما مـات جرحك ظهر لو قلـت للوجـه خبّـه وللحزن في ضحكك رسوم وعلامات وليه المطر بالذات ريحـه.. وصبّـه كنّه رسول بيـن الاحبـاب بالـذات؟ اشتـاق فـيـه لشوفـتـك واتنـبّـه للي نسيتـه مـن مواقـف ونظـرات لا استانس الخافق ذكـر مـن يحبّـه ورجع يراجع فالوناسـات مـا فـات يا مرتـع القلـب الحزيـن ومربّـه يزيين بك مثل الذهب صدر الابيـات هيهات ينسى القلب شخـص ٍ لعبّـه وهيات يدله خاطـري منـك هيهـات سبك مديـح .. ومـدح غيـرك مسبّـه تقول واذني صوتها تقول لـك هـات ونبع الغـلا عنـدك وعنـدي مصبّـه ومن الولا .. في خافقي لك ..ولاياات وطيفك حطب عيني..وعينـي مشبّـه والشوق برد ٍ ما انقطع لو للحظـات ومكانك الصدر ولـك القلـب شبّـه بين الضلوع اللـي فردهـا التنهـات ولـك بيـرق ٍ فالقلـب حبـك يهبّـه شامخ ولا هزه مـن العـذل غـارات محبتـك فالوقـت ذا مــا تشـبّـه الا بخيمـة بـدو بيـن العـمـارات ان شفتني ضايق واهوجـس واسبّـه اخاف غدر الوقت.. والوقـت دورات لا تحسب ان دمعي نـزل دون سبّـه ابكي من الفرقا وهـي مابعـد جـات الـيـوم كــل امورنا..مستـتـبّـه وبكره ماندري وش معه من مسـرّات اربّ قلبـك مـثـل قلـبـي اربّــه ما يخلفه كثـر العـذل.. والمسافـات |
صح لسان بن فطيس
وطاب منقولك يالقرم والله لايهينك |
ياسلام عليك
هالقصيده عجيبه والله وبالقاءه هو مجررررررمه كلك ذوق ابن عمي بن معرقب |
صــح الســآنه
ولاهنت على النقــل يعطييك العافيه وعساك ع القوه تقبل مروري وودي |
محبتـك فالوقـت ذا مــا تشـبّـه
الا بخيمـة بـدو بيـن العـمـارات حلووو هالبيت ؟ ان شفتني ضايق واهوجـس واسبّـه اخاف غدر الوقت.. والوقـت دورات اناا اشهد ؟ لا تحسب ان دمعي نـزل دون سبّـه ابكي من الفرقا وهـي مابعـد جـات بن فطيس هالشاااعر يدهشني بكل قصيده لاا بكل بيت بصراااحه اول مره اشووف هالقصيده ويقوول بن معرقب صوتيه بعد >>بترووح تدورهاا عذب المشااعر بجد قمه العذووبه هالاختيااااااار صح لساان بن فطيس واحسااسك الرااااقي |
صح لسان الشاعر بن فطيس..
ولاهنت على النقل.. يعطيك العافية |
لله درك يا شيخ محمد بن فطيس سهل ممتنع ولا يوجد مثل مفردات قلم هذا الشاعر
طبت وطاب منقولك تقبل مروري / فلاح الحصيني |
سوار الذهب
لاهنت على المرووور .. |
بن معرقب
وعليك الف سلام ونورت القصيده يا بن العم ... ولاهنت على المرووور .. |
عساها تساهيل
صح بدنج بانيابه عن الشااعر ولا ندمتي على المرووور العطر والله يعااافيج ... |
| الساعة الآن 07:27 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
