::منتدى الجبلان الرسمي:: - سعد بن سلطان الرخيمي [ هنا الابداع ]

قصيده مختاره للشاعر سعد بن سلطان بن قانان الرخيمي المطيري
احدى قصائده في الشيخ/هزاع بن عبدالعزيز بن ماجد الدويش.

ياراكب من عندنا جمـس اسـود=جمس جديـد ولاوطتـه المكـده

ليا دعست سريتـره تقـل يطـرد=اقفى تقل خفـر السواحـل تحـده

كنـه مهـرب والمهـرب مهـدد=فالقتـل تأبيـد السجـن مايـسـده

حمل على الماخوذ حشيش اسـود=فعلـه قبيـح ولابـه احـد يـوده

عليـه قـوات السواحـل تشـدد=وتنطحـوه بسهـلـة مجـرهـده

عطوه فيها حول خمسة عشـر رد=وتله يبي من حيـث جـاء يـرده

كبسله بوصه واحتمى العلم واشتد=واللـي بطبلونـه إنبيـره يـعـده

يوم استواله نابي الحزم الاجـرد=روح حـلال القـوم محـد يـرده

ويوم ارهوا انه راح ماعاد ينـرد=جات الاوامـر بإحرقانـه بشـده

وعطو خبر لمسدد الرمـي سـدد=وخبط على الاخمس وهزه ومـده

يصـلاه بالرشـاش قـرم مسـدد=هذي هفت دونـه وهذيـك سـده

وقام يتعزوى يوم صـارت معانـد=وتسـاون الثنتـيـن مـاعـاد وده

صكه بثالث وارتفع فـوق وإرتـد=والويل ترزم وارزم الحـزم قـده

ولالحم البنزيـن بثالـث وصـرد=عده يطير من الحزم فـوق عـده

رقوه لاتسعيـن كيلـو ورا الحـد=مع سهلة حذف المرو فوق شـده

فوقه شجاع مورد الخـال والجـد=وعليه من وقتـه محفـه وضـده

ماهو براعي شين لاشـك محتـد=والوقت له عـن المناعيـر صـده

قليل مـال ويطلبـه هيـس اربـد=قبيح وجه مـن الوجيـه المصـده

افقم فم ناشـف طويـل مجرعـد=قابـة فمـه قـرو ٍ قبيـح مـرده

انخش عور وجهه من اللحيه اجرد=هيـس ليـا عبنـد عمـى متـرده

والمال ضربـة مـال ماينتقاصـد=والـلاش عـذره للوفـا مايسـده

مهمـا تعـذر مايفيـد امتـمـرد=الاجـودي علـيـه مالله يـحـده

حده حداه الله علـى غيـر مـاود=والا على ماصـار ماهـو بـوده

يشـدا ونيـت يـم هـزاع يسنـد=طير يدسـم شـارب اللـي يهـده

هزاع ابن عبدالعزيز ابـن ماجـد=ابن الدويش اصله وفصله وعـده

شيوخ حمـران النواظـر موكـد=اللي لهم علـى المناعيـر ضـده

لياصاحت الغوجاء وقامـت تنجـد=(...........)كل حبل صفراه مده

كم واحد بنحورهم قـام ثـم كـد=وخلي عشاء سحم الضواري اتهده

ياغافل عن فعلهـم قـوم وانشـد=وسايل لحدبـان الظهـور وتعـده

يوم انها ماغيـر محـزم ومجنـد=وشلفاء وسيـف وعالـم مستعـده

لهم على احواض المنايـا مـوارد=فوق المهار وفوق حمـر الاشـده

يـوم الجهـل وافعالهـم ماتعـدد=واليوم سـور ونـدرق دوم سـده

شيوخنا اللي فـي ذراهـم نتمـدد=نرقد وللـروس مكبريـن المخـده