رغم الزعل يبقى الغلا مثل ماهو



أغـليك انا واحب قــربة وصـالك



ننسى زعلنا لو يجينـا الزعل تو



في لحظتن ترعى عيونى خيـالك



كلمة احبــك مااحــط قبــلهـا لــو



انت الغلا ومنك الغلا والغــلا لك



عـيــوني اللي للحبــايب تمنــــو



اشتاق قلبي يسبح بقرب جــالك



انا عـــرفت الحــب واللي تغــنو



يوم الصدف اضفت علينا جمالك



لاصرت انا وياك صافي بنا الجو



نكتب حروف الحب وترسخ فبالك



سـود الليـالي بقـربكم تشتعل ضو



حتى عجاج الوقت جـوّه صفـالك



الا الزّعل .. يكفي زعل



تضيق الدّنيـا لو تـزعل



تموت الوردة وتـــــذبل



تموت الفرحة في عيني



واظل اسال .. اظل اسال



وشاللي مزعلك مني



وشاللّي سامعه عنّى



كلام الناس ؟؟؟؟



حكي هالناس ؟؟



ترى كل الحكي في غيبتك



شـــوق ووله وعـتــــــاب



امـــاني كلّـها تـشـــــكى



صدود وجفــوة الاحباب



انا ماهــزّنى في دنـيتي



غير القــطاعـة .......



وكم يوم غياب .......



ذبحـنى فـيكـم التفكيـــر



انت دون الناس عنـدي



اذا تزعل ؟؟



زعلكم غيــــــــــــــــر



اذا ترضى..



رضاكم غيــــــــــــــر



اقـدّم لك هــدايــا الكــون



اقـدّم لك شـقـاة عيــــون



عمرماضي وعمر حاضر



اقــدّمها وانـا ممنـــــون



اقــدّم لك شــــقـا قــلبي



وآهــاته وكم طعــــون



اذكـّى لك فـــرح جــامـد



نساني وغاب من يومك



اذكّى لك دمـوع العيـــن



واخلّيـها فـدا همــــومك



الا ياعمـــري البـــــاقي



الا يا فــــرحــة سنينـي



زعــلك اثــّـر بخـــلانك



وترك فيـهم نياشيــــني



تركت السّهـر لي عــادة



وليـل بغـــيبـــتك طـــوّل



تـركــت الحـزن وآلامـه



وهم بصــدري يتجــوّل



تركت الخــــوف في دربي



وحطـام العاشق الملهوف



تركته مابقى الا



بقايا شعــــــــر



بقايا جــــــرح



بقـأيــا الم ....



نسى هالفـرح



وأظل اسال .....اظل اسال



حـــبيبي ليــــه زعــــلاتك



حرمــت القــلب جيـــــاتك



انـا كل همــي في الدنـيـــا



اشوف الفـرحة بعـيــــونك



وابااسمع صوت ضحكاتك



واظل اسال ... اظل اسال



حبيــبي ليــه مايســـــال



عليـنــــا قـــام يــتغــــلا



ولا قــدرعلــي يـزعــل



معقـــوله قدر يزعـــــل?



معقـــوله نسى يســــال?



حبيب الروح لو تدري غيابك شتت افكاري



اعيش بداخلي غربة واصيح من الوله واسال



واظل اوله على شوفك وانا في داخلي ناري



بقايا الود تصرخ لك حبيبي ارجوك لاتـزعـل



ذبل ورى نشف ريقي جرعت من الجفاامراري



انا في زعلتك ماقوى طفح كـيلي ولا اتحـمل



انا موتي اذا تزعل ارى ماحب هالطاري



واعيش بدنيا مجنونه وابي اترجى وابااتوسل



اسولف للبشـر واحكي واعلمهم عن اسراري



واقول انك أخير الحب وانت الثاني والاول



فداك الكـون ياكلي وفداك اصحابي وجاري



فدتك عيون خلانك الا ياعطري الاجمل



ابيع العمر لو تزعل وللبسمة انا شاري



سهم حبك صعد عالي ولافكّر ابـد ينـزل



انا مارضى على زعلك تزيد وتشتعل ناري



واقول اليوم سامحنى حبيبي ارجوك لاتزعل







الله يديمك لمحبينك شاعرنا عبدالله المطيري