كم واحدٍ بنى خيام وشرى ذود =وصرح لنا بقناه غير المجله
واليا نشدته قال هاذي من جدود =يكذب على العالم وكلٍ فطن له
والشيخ قبل ايام ماهو بموجود =لاينذكر فعله ولااحدٍ يدله
ولاشاع ذكره مثل هابس وصاهود =ولامثل ابوخوذه ولا في سجله
ولاينعنيله حزة الضيق ياحمود =والياانعقد راس الرشا مايحله
ماليبهم ياحمود غايه ومقصود =لكن نص المجتمع شاخ كله
والصدق في وقت الرخا صار مفقود =الله يظل اللي حكمها بظله
أموحد الدوله ورسم له حدود =واليوم صرنا اخوان مابه شكله

حي الكلام اللي قريناه ياسعود=فـ المنتدى اللي سطره في سجله
ياسعود ابا اجاريه والقلب ملهود=قلبي مثل قلب جلوي زاد غله
(يقول كلن حط في هالزمن ذود=صرحلنا بقناه غير المجله)
لاصار في ماض الزمن ماكسب فود=خله لعله ياصل السحب خله
البل ماهو كفولها جعله الدود=بحماية الراعي وهو وسط فله
ياجلوي ذا وقتَ خلط بيضها وسود=ورعيانها صارت علي القلب عله
ولو الزمان يعود والماضي يعود=ماهو من اللي يبعد الغزو لله
صاهود في بعد المغازي له شهود=كسبه من الذيدان دقه وجله
ولا ياهل الجدعا لكم فعل مشهود=والمعجزات اكثار ماهي بقله
انتم اليامن راس عودَ لمس عود=كلن يبان بماقفه وقت حله
والطيب مالطيب تاريخ محدود=قل لايدوخنا بالاعلام قله
الله يعز ال سعود اهل الجود=في حكمهم شبعت اثعالَ مغله
وكل القبايل ماعلى شوخهم زود=وارجو السموحه كان بالقول خله