|
لي بنت عم ماوطت درب الا دناس ما .......
هذه القصيده لشرعان السويدي الشمري والبعض الاخر ينسبها لحسين الاطرق السويدي الشمري ولكن الاغلبيه تتفق على الاول وتدور احداث القصة في قصة عشق بين الشاعر وبين ابنة عمه الى وصل الامر الى الزواج وكانت هذه المراءة من اجمل بنات قبيلتها وعرفت بجمالها الكبير وعرف الشاعر شرعان بحبه لها وكان النساء في ذلك الوقت (يروون) الماء من البئر وكانت تذهب هي وخمسة من بنات قبيلتها وذات يوم اتاهم قاطع طريق وطلب ان يقبلهن واحده تلو الاخرى والا سيقوم بقطع (قربة) من ترفض ولم يوافقن فقام بشق ( القربة ) وخوفا من الفضيحة قام باقي النساء باشاعة خبر بين القبيلة انها مكنته من نفسها ونتيجة لبعض العراك الذي حدث شق ( القربة ) وانتشرت الكذبه فيما بين القبيلة حتى وصل الامر الى شرعان وقام بتطليقها لكنها كما يبدو بينونه صغرى يستطيع ان يسترجعها من خلالها وبعد مضي 3 اشهر جاء قاطع الطريق وبين حقيقة الامر وعندما علم شرعان بالحقيقة ذهب الى عمه لاسترجاع زوجته لكن عمه رفض في البداية فكتب هذه القصيدة التي كانت سببا في عودة زوجته اليه ويقول فيها : ياراكـب ثنتيـن يشـدن الاقـواس مـن دار ريضـان الحجـر حركنـي مافوقهن كـود الدويـرع وجـلاس وسفايـف بيـن اربــع يلعبـنـي تحركنا مـن عندنـا حيـن الامـراس ومضـى سـواد الليـل مابركـنـي حكن علم عذفا يسارن مـن الـرأس والظهـر مـع ورد الحفـر يشربنـي وحطو لهم مع هقلـة الحضـر بـلاس عن الحضر واللـي بالخـلا يسرحنـي وليا لفيتوا عنـد مدقـوق الالعـاس الجـادل الـلـي بالمحـبـه محـنـي قولوا على حبل الرجا نطـوي اليـاس ولبيـض غيـره كلهـن يحرمـنـي ولو يندوي جرحي دويتـه بزفـواس ولا بني رفاف البيـت منكـم ومنـي والله يعلـم بالخفـايـا والآجــاس وحيث مضى من صغر سنـك وسنـي وياعم اللي طعت بي هـرج الانجـاس طاوعت هرج الناس واخلفـت ظنـي طعت بـي ياعـم دايـس ودربـاس وعـوارض صدقتـهـا وابعـدنـي ومن لااخذ من درس الاسلاف نبـراس تمضـي حياتـه بالرجـا والتمـنـي واقفيت ادير بظامري كـل هوجـاس على وليـف بالحشـا غـاب عنـي تكبي خواطرهم ليـا جيـت عسـاس ولاتقل انـا منهـم ولاهمـب منـي ومريت دار ماتقـل جنـة الاونـاس وونيـت ودمـوع العيـون ذرفنـي جيت المراح اللي بالعشـب محتـاس العشب في مضـرب وسـادة معنـي محذا شبة النـاس ومشتاقـة الـراس وثــلاث لايبـكـن ولاينبكـنـي لي بنت عم ماوطـت درب الادنـاس ولادنسـت يـوم النسـاء يدنسنـي ضربتها وانا احسب الضرب نومـاس طلقتها يـوم افخـت العقـل منـي ياناس كيف العين تبكي علـى نـاس وكيف العيون بـلا رمـد يسهرنـي لو ينشكي حبي على ذيـب لاخمـاس يسـرح مـع الطليـان مايجفلـنـي ولو ينشكي حبي على طيـر قرنـاس اضحى الضحـى بمويكـره مستكنـي ولو ينشكي حبي على قـب الافـراس عيـن نهـار الـكـون لايفزعـنـي ولو ينشكي حبي على الميـت مانـاس يثـور مـن بيـن النصايـب يونـي ولو البيـوت مشددينـه بالامـراس يعيـن مـع الخـفـرات لاينبنـنـي وحتى النجوم اللي مع الليـل غـلاس لـو ينشكـي حبـه لهـن وقفـنـي ولو ان غوطة (دم سلمان ) واضـراس يـدرن بماقلـبـي لقلـبـه يكـنـي تلقى سهل جبـة هضـاب ومنحـاس وحتى الجبـل بالقـاع صـار متثنـي اشرفت رأس ضراس من فوق الاطعاس ولالـوم طـراد الهـوى لـو يجنـي هليت دمع العين واوميـت بالـراس ورافقت كور العيـس يامـا ابعدنـي ورفعت نفسي عن شبا كل وسـواس البعـد احلـى مـن حيـاة التمنـي انا زبـون الحـرد للخيـل مدبـاس ياكلشـن شهـب الشـوارب نخنـي نفسي تشوم عن التدلبح مع السـاس ولاعاش من هو عـن رفيقـه يكنـي من شيدوا (زينة ) على غيد واغـراس ليـا نسيـت رسومهـم ذكـرنـي ياعم انا لي طلبـة الـراس بالـراس ياعـم شـوف رسومهـم ماانمحنـي ولو صرت ان القلاع ماشلت الاضراس والمـوس مايقطـع بلـيـا مسـنـي ياصار ماربعن علـى الـرائ جـلاس وجنحـان طيـر السعـد يلفحـنـي نصيـر دوم للصقاقـيـر مــدواس مثـل اللـي يسمـع صفيـر المغنـي والله يـلـولا بـكـرة يبـوونـاس حبه سكن باقصـى الضمايـر محنـي والله لـو هـي ماتبينـي فـلا بـاس لاشـك خبثـان النفـوس طردنـي وانا احمد اللي خالـق كـل الانفـاس وجعل وسـاع القـاع مافيـه منـي دار بـدار ولامناخـات الانـجـاس ياصـار مايمنـاك عيـنـك تـزنـي في بلدة الغـراف مـن جملـة النـاس ولا نيب من يرجـي الخلايـق تحنـي دار به الاكرام والطيـب بـه سـاس دايـم تذكـرنـي لـيـال مضـنـي وبعد القصيدة رجعت له ابنة عمه وعاش معها باقي العمر. |
لي بنت عم ماوطـت درب الادنـاس
ولادنسـت يـوم النسـاء يدنسنـي ضربتها وانا احسب الضرب نومـاس طلقتها يـوم افخـت العقـل منـي ياناس كيف العين تبكي علـى نـاس وكيف العيون بـلا رمـد يسهرنـي رائعــــــــــــــه... (*قمـــــــــــــــــــرهمـ*) |
أي والله رائعه يافهد
ويعطيك العافية على الأبيات |
حياااااااااااااااااااااااكم الله واشكركم على المرووووور الطيب
|
الله يعطيك العافيه ياللويمي على القصه والقصيده الجميله
وتقبل مروري |
حيااااااك الله والاجمل مرووووووورك الطيب
|
الله يعيطيك العافيه اخوي (( فهد ))
ولا يحرمنا من من جديدك وننتطر ما هو جديد من أناملك |
حياااااااااااااك الله واشكرك على المرووووووور
|
| الساعة الآن 11:39 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
