::منتدى الجبلان الرسمي:: - أوزان القلطة المشهوره

بسم الله الرحمن الرحيم

السلام عليكم ورحمة الله وبركاتة

أوزان القلطة المشهوره

الى الاخوه شعار المحاوره هناك اوزان للقلطه خاصه بها ..
وحبيت ان اوضح لكم بعض هذه الاوزان حتى تعم الفائده على الجميع ..

*^* ( البحر الطويل ) ..
كقول لويحان فيه :

هاضني مرقاب عديت في عالي فروعه عصر والشمس حيه
ساقني سايق الاقدار لين الساق عدا براسـه مـن عذابـي
أه واعبرتٍ كنيتها ما أبديتهـا فـي حشـا روحـي خفيـه
مثل عبرة يتيمٍ ينزرونـه نـزر والنـزر هضـام الشبابـي

*^* ( الحنيفي )
(( نسبة الى مبتدع هذه التسميه شاعر يدعى بحنيف أوالحنيفي لقبه ))

من صافي النيه... سـلام رديـه
والملعبه صافيه والليـل قافيهـا
من خاطرٍ صافي.. حييت يا سنافي
والملعبه شدهـا ليـاك ترخيهـا

*^* (( المربوع المكسور ))
كقول سليمان بن شريم :

والله اني فوقهم كني على مزعافي...مهـرةٍ لعابـه
لي ثلاث سنين يا صقران هذا حوفي .. بندقي مشعابي
انت يا راعي الغنم قد شافك الشوافي.. جوكم النهابه
يوم تمشي بالجبال السمر كنك عوفي.. للغنم حلابـي

*^* ( اللويحاني )
كقول لويحان :

ألا يا مال فرقا العين الا يا مال فرقـا العيـن
يا بعد الفرق بين الناس يا خـلاق يـا كافـي
خطاه الزول صورة يحسب الجمعه ضحا الاثنين
يغر الاجنبي زوله وفـي ملبوسـه الضافـي

*^* ( القصير )
كقولـــه ..

يا سلامي على كل الرجال
ردةٍ خـاطـري غنابـهـا
هبت ارياحها شرق وشمال
والمعاني حسبت احسابهـا

*^*( المعوســر او العسيــر )
كقول مرشد البذالي :

بدا.. منهو حدا.. بالقيل .. وان تيه العجفـاوي
ولا.. منى على .. الاصحاب.. نفسٍ تجي دونيه
عدا.. ذيب الندا.. في ليل.. مير احترس يالشاوي
ملا.. الناب العلا.. ون صاب.. ياخذ لحمته نيـه
غدا.. قولوا كدا.. ما قيل .. سبعٍ طمع به واوي
ولا..قولوا بلا.. شر شاب.. تطمع به الحنديـه

*^* ( المخو مـــس )
كقـــوله ..

سلام والسلام مني والليلـه الملعـب ينـادي
الليله الليله لعبنا ما هبلك يا قلب الشـرودي
تحيـة وفـاء يــا فاهمـيـن التماثـيـل
يا ناقلين الطرق عني من جنب الطاروق غادي
ان قالو العالم تعبنـا أنـا قويـاتٍ عضـودي
تعاليـل يـا هـل اللعـب هــذي تعالـيـل

*^* ( المســـــودس )
كقول مرشد البذالي :

اسمعو وافهمو رد الكلام يا سلامي على اللي يفهمون اقوال من قدم شريف الكلام بلا جزا
شاقه الولم.. واغرم يوم جابنه مطاليب حاجات الرفيق من عناله وجـب حقـه وصـار
ما لنا في تشعبات الكمام أنت يا من لكح بالرجم زولٍ زال واستدنا سلاح الشجاعه واعتزا
ثابت العلم.. وأفكر لين تدري طلـب قـوم والا انـه صديـق لاتسـرع بتنفيـذ المغـار

*^* ( المنكــــوس )
كقــوله ..

سلام رديه.. لها راس وعيون... سلام رديـه
الليله الليله .. بها أشكال وألوان.. الليله الليله
رده ومثنيه.. على اللي يغنون.. رده ومثنيـه
كلن وتحليله.. الى كان ماكان.. كلن وتحليله

*^* ( المثــــــومن )
كقولــــه ..

وصلنا سلامك.. ونفهـم كلامـك
تبي تركب البرج والبـرج عالـي
ترفق وخل المشي يا رجل بالهون
لقيتك لقيتـك.. وأنامـا نسيتـك
تصلي الفروض وتبوق القرايـب
توضيت والا مصلي ما توضيـت

تضلل علينا .. وحنـا درينـا
قيل لاتكمـل ثمـان الليالـي
تصلون ولا يالربع ما تصلون
عصيت القرابه.. نويت الحرابه
ماهو نافعك لو يقولون تايـب
تقهويت ولا عندنا ما تقهويت

*^* ( المــــربوط )
(( ربط بكلمة مكرره كقولهم :العالم الله ))

ياسلامي عليكم عد سموّا قبيلـه
قلتها من صميم الجاش والعالم الله
وين راح القبيل اللي ينومس قبيله
ما ربطنا عليها شاش والعالم الله

** وهذا نظم أخر مربوط ايضا..
(( حيث تكرر جملة : المعني على سطح القمر))

يا شاعر الميدان لوتنخا فـلا تلقـا نصيـر
ادخل ولك مظهار والمعنى على سطح القمر
ترى الجمل عيبٍ عليه رغاه من عقب الهدير
خذلك بها مشوار والمعنى على سطح القمر

تحياتي..