ياليت لي جنحان واسير واطير

واشرف المرقاب مثل العقابي

وانحر ابو صاهود زين المناعير

يابخت من يركي عليه الجنابي

اميرنا اللي مايعد المخاسير

يفرح به الطرقي قليل الزهابي

قرمن ليا جوه النشاما مسايير

غير الشحم يحط سمنن عرابي

وليا تلاقو عند تالي المعاشير

غدالهم مسواط بقعى ذهابي

زحزيح ماتقدر عليه الطوابير

لو جت ركون الجمع مثل الهضابي

كم واحدٍ من ضرب يمناه يامنير

خلوه ربعه طايحن للكلابي(تكرمون)

خلوه يوم الدم جاله زوافير

من ضرب اخو وضحا عطيب الصوابي
للشاعر/احمد سند الجبلي