ابوحقب وشله ابروس الطويلات=قاصر جناح وعايشاً في نعومه
ينعق يامال الفيت ويجر الاصوات=والناس ماتحمض سماين اعلومه
البارحه سهران وفكاري اشتات=ولا عاد فيها يسود الوجه نومه
دام الرويبض يدعي بالبطولات=وشتال تارخ العرب في كمومه
تخصصه تحريف تاريخ الاموات = حسبي على كيد النفوس الضلومه
لو كانه ايصلي جميع الصلاوات=الله وعلم في صلاته وصومه
ناساً تبى الدعوا نزاع وخصومات =ون عودت ماهي ابقد الخصومه
راحت تروج حقدها بدعايات= تقول لعل الحقوق امهضومه
ولله لو نسحب عليه الملفات= ماتستر الخايب سمايل اهدومه
ياهيه ماجينا انفرق جماعات = ولا سبب وقفت اعيال العمومه
لاكن لا جات الدعاوي حزازات= الرجل حزت وقفته من يلومه
وكانك غشيم وجاهلن بالمقامات = اسمع لعلك تستفيد امعلومه
يوم المغازي والعلوم القديمات=يرومنا المجد التليد ونرومه
قبيلتاً رزت على العز رايات = ماهي عوافي قومت امطير قومه
في ساعتاً تاخذ بها الخيل روجات =الروس تطرح والخشوم امخزومه
حنا احمول المعجزات الثقيلات = الي بدم الاولين امختومه
لو كان ما حنا ابحاجت شهادات = الشك زايل ولامور امحسومه
وطولاتنا تبقا ولناس طولات = ابراي لله ملعباد امحرومه
قبايلن صطر لها الوقت بصمات =نعوم تيار المحيط وتعومه
واليوم في دولت نضام وحكومات = وخوان في عز البلد والحكومه